ຕາມ​ຂ່າວສານ​ຊິນ​ຮວາ: ວັນ​ທີ 1 ກໍລະກົດ​ນີ້ ຢູ່​ທີ່​ປັກ​ກິ່ງ, ທ່ານ​ເຈຍອິ້ວລິງ ​ໂຄສົກ​ຖະ​ແຫຼງ​ຂ່າວ​ວຽກ​ງານ​ສັດຕະວະ​ແພດ​ກະຊວງ​ກະສິກຳ​ຈີນ ຫົວໜ້າ​ນາຍໝໍສັດຕະ​ວະ​ແພດ​ຊັ້ນ​ເອກ​ແຫ່ງ​ຊາດ​ຈີນປະກາດ​ວ່າ, ສະພາບ​ພະຍາດ​ໄຂ້ຫວັດ​ສັດ​ປີກ​​ໃນ​ຝູງ​ນົກ​ຍ້າຍ​ແກ່ວ​ຕາມ​ລະ​ດູ​ການ​ຢູ່​ທີ່​ເມືອງ​ກາງ​ສາ​ແຂວງ​ຊິງ​ໄຫ​ ທາງ​ພາກ​ຕາ​ເວັນ​ຕົກ​ສຽງ​ເໜືອ​ຂອງຈີນ​ໄດ້​ຄວບ​ຄຸມ​​ໄວ້​ຢ່າງ​ບັງ​ເກີດ​ຜົນ​ແລ້ວ.

ທ່ານ​ເຈຍ​ອິ້ວລິງ​​ເຜີຍ​ໃຫ້​ຮູ້​ວ່າ, ​ແຕ່​ວັນ​ທີ 8 ມິຖຸນາ​ເປັນຕົ້ນມາ, ​ນົກ​ຍ້າຍ​ແກ່ວ​ທີ່​ຕາຍ​ຢູ່​​ໃນເຂດ​ເກີດ​ພະຍາດ​ໄດ້ໜ້ອຍລົງຄູ່​ມື້, ປະຈຸ​ບັນ ​ເກືອບ​ບໍ່​ມີ​ນົກ​ຕາຍອີກ. ພ້ອມ​ກັນ​ນັ້ນ ທ່ານ​ແນະ​ນຳ​ວ່າ, ​ຮອດ​ດຽວ​ນີ້ ພະຍາດ​ໄຂ້ຫວັດ​ສັດ​ປີກ​ທີ່​ເກີດ​ຂຶ້ນຢູ່​ແຂວງຊິງ​ໄຫ​ບໍ່​ໄດ້​ຕິດ​ແປດ​ຖືກ​ຄົນ, ສັດ​ປີກ​ທີ່ລ້ຽງ​ເອົາ 2 ລ້ານ​ໂຕ​ໃນ​ທົ່ວ​ແຂວງ​ກໍ່​ບໍ່​​ໄດ້​ຕິດ​ແປດຖືກ​ພະຍາດ​ຫຼື​ຕາຍ​ຈັກ​ໂຕ.