|
|
 |
| (GMT+08:00)
2005-07-03 17:19:19
|
 |
|
ນາຍົກໄທສິ້ນສຸດການຢ້ຽມຢາມຈີນແລ້ວກັບຄືນປະເທດ
cri
Author: li
ຕາມຂ່າວສານຊິນຮວາ: ວັນທີ 2 ກໍລະກົດ ພາຍຫຼັງທ່ານທັກສິນ ຊິນນະວັດ ນາຍົກລັດຖະມົນຕີໄທໄປຢ້ຽມຢາມແຂວງກວາງຕຸ້ງ ພາກໃຕ້ຂອງຈີນ ເຊິ່ງເປັນຖິ່ນຖານບ້ານເດີນຂອງບັນພະບຸລຸດແລ້ວ,ກໍໄດ້ກັບຄືນປະເທດໃນຕອນຄ່ຳມື້ດຽວກັນ.
ທ່ານທັກສິນ ຊິນນະວັດແມ່ນເຊື້ອສາຍຈີນຮຸ້ນທີສີ່ຢູ່ໄທ,ໃນໄລຍະສົງຄາມໂລກຄັ້ງທີ 2,ແມ່ຂອງທ່ານເຄີຍອາໄສຢູ່ເມືອງເມໂຈວແຂວງກວ້າງຕຸ້ງ.
ຕອນເຊົ້າວັນທີ 2 ກໍລະກົດ ໃນເວລາພົບປະທ່ານຮວງຮວາຮວາ ເຈົ້າແຂວງແຂວງກວາງຕຸ້ງ,ທ່ານທັກສິນເວົ້າວ່າ,ການໄປມາຫາສູ່ກັນທາງເສດຖະກິດການຄ້າລະຫວ່າງໄທກັບກວາງຕຸ້ງໄດ້ມີມາດົນນານແລ້ວ,ປັດຈຸບັນ,ຍັງຄວນເປີດຕະຫຼາດໃຫ້ກວ້າງຕື່ມອີກ,ເປີດກວ້າງການແລກປ່ຽນກັນ.
ທ່ານທັກສິນ ຊິນນະວັດແມ່ນເດີນທາງມາຮອດປັກກິ່ງໃນວັນທີ 30 ມິຖຸນາ ເລີ່ມຢ້ຽມຢາມຈີນຢ່າງເປັນທາງການເປັນເວລາ 3 ມື້ຕາມຄຳເຊີນຂອງທ່ານເວີນເຈຍປາວ ນາຍົກລັດຖະມົນຕີຈີນ,ໃນໄລຍະຢ້ຽມຢາມ,ທ່ານຍັງໄດ້ເຂົ້າຮ່ວມການສະຫຼອງວັນສ້າງສາຍສຳພັນທາງການທູດຈີນໄທຄົບຮອບ 30 ປີ.
|
|
|
