|
ເຈົ້າໜ້າທີ່ສະຫະປະຊາຊາດກ່າວວ່າ,ພາກພື້ນອາຊີປາຊິຟິກປະເຊີນໄລຍະໂຣກເອດລະບາດຮ້າຍແຮງ
cri
ຕາມຂ່າວສານຊິນຮວາເ ວັນທີ 2 ກໍລະກົດ,ຢູ່ໂຄເບແຫ່ງຍີ່ປຸ່ນ,ທ່ານປີເຕີ ປີອົດ ຜູ້ອຳນວຍການບໍລິຫານງານສຳນັກງານແຜນການຮ່ວມກ່ຽວກັບໂຣກເອດຂອງສະຫະປະຊາຊາດກ່າວວ່າ,ປະຈຸບັນ,ພາກພື້ນອາຊີປາຊິຟິກພວມປະເຊີນກັບໄລຍະໂຣກເອດລະບາດຢ່າງຮ້າຍແຮງ,ບັນດາປະເທດໃນພາກພື້ນດັ່ງກ່າວຄວນໃຊ້ມາດຕະການອັນບັງເກີດຜົນຄວບຄຸມການແຜ່ລາມຂອງໂຣກເອດ.
ໃນກອງປະຊຸມສາກົນກ່ຽວກັບໂຣກເອດພາກພື້ນອາຊີປາຊິຟິກຄັ້ງທີ 7 ໃນມື້ດຽວກັນ,ທ່ານປີອົດເວົ້າວ່າ,ອັດຕາໃຊ້ຖຸງຢາງອະນາໄມຕ່ຳ ອັດຕາກວກວັດແທກໂຣກເອດຕ່ຳ ຜູ້ສັກແລະເສບຢາເສບຕິດເພີ່ມຂຶ້ນແມ່ນສາເຫດສຳຄັນທີ່ພາໃຫ້ໂຣກເອດແຜ່ລາມຢູ່ພາກພື້ນອາຊີປາຊີຟິກ.ຖ້າວຽກງານປ້ອງກັນໂຣກເອດໄປນຳບໍ່ທັນການແລະບໍ່ບັງເກີດຜົນແລ້ວ,ພາຍໃນເວລາ 5 ປີ ,ພາກພື້ນອາຊີປາຊິຟິກຈະມີຜູ້ຕິດເຊື້ອໂຣກເອດເພີ່ມຂຶ້ນ 1 ລ້ານ 2 ແສນຄົນ.
|
|
