|
|
 |
| (GMT+08:00)
2005-07-04 17:12:52
|
 |
|
ເຮືອບິນເລກໜຶ່ງ--ການບິນທີ່ແຍ່ງຍຸກສະໄໝ
cri
ຕາມຂ່າວCRI, ເຮືອບິນເປັນພາຫະນະຄົມມະນາຄົມຊະນິດໜຶ່ງ, ແມ່ນໃກ້ຊິດກັບຊີວິດຕົວຈິງຂອງພວກເຮົາຫຼາຍ, ຕໍ່ໄປພວກເຮົາຈະສະເໜີເຄື່ອງບິນເລກໜຶ່ງ: ການບິນທີ່ແຍ່ງຍຸກສະໄໝ.
ເຮືອບິນເລກໜຶ່ງ, ເຮືອບິນທີ່ມີຄວາມໝາຍແທ້ຈິງລຳທຳອິດໃນໂລກ, ແມ່ນສອງອ້າຍນ້ອງໄລທ໌ຂອງອາເມລິກາເປັນຜູ້ປະດິດສ້າງ. ໃນນາມເປັນນັກປະດິດສ້າງຜູ້ໜຶ່ງທີ່ມີຊື່ສຽງກວ່າໝູ່ໃນສະຕະວັດທີ20, ການເຕີບໂຕຂອງສອງອ້າຍນ້ອງໄລທ໌ແມ່ນ່ເລື່ອງທີ່ຄົນທັງຫຼາຍມັກເວົ້າສູ່ກັນຟັງໂດຍຕະຫຼອດ. ຕັ້ງແຕ່ຍາມຍັງນ້ອຍ, ສອງອ້າຍນ້ອງກໍຊ່າງຄິດຊ່າງເຮັດ. ໃນໄວເຍົາ, ພວກທ່ານທັງສອງເຄີຍເອົາລົດເພຂອງຮ້ານຄ້າຂ້າງບ້ານ, ມາແປງເປັນລົດຂົນສົ່ງສິນຄ້າທີ່ໃຊ້ແຮງຄົນ. ປີ1894, ສອງອ້າຍນ້ອງຍັງໄດ້ເປີດຮ້ານລົດຖີບຫຼັງໜຶ່ງ, ດັດແປງແລະສ້ອມແປງລົດຖີບ.
ສອງອ້າຍນ້ອງໄລທ໌ແມ່ນເລີ່ມຕັດສິນໃຈສ້າງພາລະກິດການບິນແຕ່ຍາມໃດ? ຄົນທັງຫຼາຍຄິດວ່າອາດຈະແມ່ນຂ່າວທີ່ທ່ານອອດໂທ-ລີລິນດາ ທົດລອງເຮືອເຫາະປະລາເນບິນຢ່າງສຳເລັດຜົນໄດ້ກະຕຸກພວກທ່ານ. ປີ1896, ການທົດລອງບິນຂອງທ່ານອອດໂທເກີດອຸປະຕິເຫດ, ເຣັດໃຫ້ພວກທ່ານຍິ່ງຕັດສິນໃຈເດັດດ່ຽວກວ່າເກົ່າ, ຈິ່ງທຸ່ມເທກຳລັງວັງຊາຍິ່ງຫຼາຍເຂົ້າໃນການທົດລອງເຮືອບິນ. ເທື່ອນີ້, ພວກທ່ານໄດ້ຖອດຖອນເອົາບົດຮຽນທາງລົບຂອງຄົນຮຸ່ນກ່ອນ, ໂດຍສະເພາະແມ່ນໄດ້ເອົາໃຈໃສ່ຄົ້ນຄວ້າການບິນຂອງນົກທໍ່ນັ້ນ, ຫາກຍັງໄດ້ລົງເລິກຄົ້ນຄວ້າປຶ້ມເກືອບທັງໝົດກ່ຽວກັບທິດສະດີການບິນໃນຄາວນັ້ນ.
ສິ່ງທີ່ເປັນຕາເວົ້ານັ້ນແມ່ນ: ໃນເວລາສອງອ້າຍນ້ອງໄລທ໌ຄົ້ນຄວ້າການບິນນັ້ນ, ພາລະກິດການບິນພວມຢູ່ໃນໄລຍະທີ່ປະສົບຄວາມຫຼົ້ມເຫຼວເລື້ອຍໆ. ທ່ານປີແອກ ຊ່າງຂັບຍົນຕົກແລ້ວເສຍຊີວິດ, ທ່ານມັກຊິນ ຜູ້ປະດິດສ້າງປືນກົນໜັກທົດລອງການບິນປະລາໄຊ, ທ່ານລານລີ ນັກວິທະຍາສາດການບິນຂັບຍົມຕົກນ້ຳແລະອື່ນໆ, ການໃຊ້ແມ່ແຮງຂອງຍົນເອງມາບິນອາດເປັນໄປໄດ້ຫຼືບໍ່? ຄົນສ່ວນຫຼາຍຕົກຢູ່ໃນສະພາບໝົດຫວັງ, ຢູ່ອ້ອມຂ້າງເຕັມໄປດ້ວຍບັນຍາກາດທີ່ບໍ່ມີກຳລັງໃຈ, ນີ້ກໍແມ່ນສະພາບກ່ອນສິ່ງມະຫັດສະຈັນທີ່ເກີດຂຶ້ນ.
ແຕ່ສອງອ້າຍນ້ອງໄລທ໌ບໍ່ເຄີຍປະລະຄວາມພະຍາຍາມຂອງຕົນຈັກເທື່ອ. ແຕ່ປີ1900ຮອດປີ1902, ພວກທ່ານນອກຈາກໄດ້ທົດລອງບິນເຈີດ1000ກວ່າເທື່ອແລ້ວ, ຍັງໄດ້ເຮັດປີກຍົນຕ່າງກັນ200ກວ່າອັນ, ດຳເນີນການທົດລອງຢູ່ປ່ອງລົມນັບເປັນພັນເທື່ອ, ດັດແປງຕົວເລກການບິນທີ່ຜິດພາດຈຳນວນໜຶ່ງຂອງທ່ານລີລິນດາ, ໄດ້ອອກແບບຮູບໜ້າຕັດຂອງປີກຍົນທີ່ມີກຳລັງບິນຂຶ້ນອ່າວແຮງ.
ເຮືອບິນເລກໜຶ່ງທີ່ສະເທືອນໂລກກໍໄດ້ເກີດຂຶ້ນແນວນີ້ແຫຼະ, ປີກຍົນກວ້າງ13,2ແມັດ, ເຄື່ອງປັບຂຶ້ນລົງທາງໜ້າ, ຫາງເສືອຢູ່ທາງຫຼັງ. ພາຍໃຕ້ການຊ່ອຍເຫຼືອຂອງທ່ານດີລາ ຊ່າງເຕັກນິກ, ສອງອ້າຍນ້ອງໄດ້ຜະລິດເຄື່ອງໂມເຕີ4ລູກສູບທີ່ນັກ70ກິໂລ12ແຮງມ້າ.
ວັນທີ14ທັວາປີ1903, ແມ່ນການບິນທີ່ແບ່ງຍຸກສະໄໝແທ້ໆ. ທ່ານໂອວິນ ໄລທ໌ ຜູ້ເປັນນ້ອງໄດ້ຂັບຍົນບິນໄປໄກເຖິງ36ແມັດ, ບິນຢູ່ເທິງທ້ອງຟ້າ12ວິນາທີຖ້ວນ. ມວນມະນຸດໄດ້ຄວບຄຸມປີກຂອງຕົນຢ່າງເສລີເໝືອນກັບຮຸ້ງບິນເວີນຢູ່ເທິງທ້ອງຟ້າສີຄາມເປັນເທື່ອທຳອິດ.
ໃນຫຼາຍມື້ຕໍ່ມາ, ສອງອ້າຍນ້ອງໄລທ໌ໄດ້ທົດລອງບິນອີກຫຼາຍເທື່ອ. ໃນນັ້ນ, ເທື່ອທີ4ແມ່ນທ່ານເວເບີ ໄລທ໌ ຜູ້ເປັນອ້າຍເປັນຜູ້ຂັບ, ບິນໄກ260ແມັດ, 59ວິນາທີ.
ປີ1906, ຍົນຂອງພວກທ່ານໄດ້ຮັບສິດທິບັດປະດິດສ້າງຢູ່ອາເມລິກາ. ປີ1909, ພວກທ່ານໄດ້ຮັບລາງວັນກຽດຕິຍົດຂອງລັດຖະສະພາອາເມລິກາ. ໃນປີດຽວກັນ, ພວກທ່ານໄດ້ຕັ້ງບໍລິສັດເຮືອບິນໄລທ໌. ຈາກນັ້ນມາ, ບໍລິສັດເຮືອບິນໄລທ໌ໄດ້ກາຍເປັນວິສາຫະກິດຜະລິດເຮືອບິນທີ່ມີຊື່ສຽງໃນໂລກ.
ເມື່ອເບິ່ງດ້ານນອກ, ສ່ວນປະກອບຂອງສອງອ້າຍນ້ອງໄລທ໌ຕໍ່ມວນມະນຸດແມ່ນຢູ່ບ່ອນວ່າ, ພວກທ່ານໄດ້ເຮັດໃຫ້ເຮືອບິນໃຊ້ຄວາມແຮງຂອງເຄື່ອງໂມເຕີແລະແຮງດັນຂອງໝາກປິ່ນ, ບິນທຸກຄົນບິນຂຶ້ນສູ່ທ້ອງຟ້າ, ແຕ່ຄວາມຈິງແລ້ວ, ນ້ຳໃຈຂອງພວກທ່ານທີ່ສຸມຈິດສຸມໃຈ, ບຸກບືນກ້າວຂຶ້ນແລະບໍ່ຢ້ານຄວາມເສຍສະຫຼະຕໍ່ພາລະກິດການບິນນັ້ນໄດ້ເຍືອງຮຸ່ງທ້ອງຟ້າທີ່ມວນມະນຸດພັດທະນາພາລະກິດການບິນໂດຍຕະຫຼອດ, ກາຍເປັນດວງປະທີບເຍືອງທາງໃຫ້ຄົນຮຸ່ນຫຼັງທີ່ນັບບໍ່ຖ້ວນກ້າວຂຶ້ນຕໍ່ໄປ.
|
|
|
