ຕາມ​ຂ່າວCRI: ວັນ​ທີ 4 ກໍລະກົດຢູ່​ນະຄອນ​ຄຸນ​ມິ​ງທີ່​ພາກ​ໃຕ້​ຂອງ​ຈີນ, ທ່ານ​ເວີນ​ເຈຍ​ປາວ​ກ່າວ​ວ່າ, ຫວັງ​ໃຫ້​ວົງ​ການ​ອຸດ​ສາ​ຫະກຳ​ການ​ຄ້າ​ເຂົ້າ​ຮ່ວມ​ການ​ຮ່ວມ​ມື​ເສດຖະກິດ​ອະນຸ​ພາກ​ພື້ນ​ແມ່​ນ້ຳຂອງ​ຢ່າງ​ກວ້າງຂວາງ​ກວ່າ​ເກົ່າ, ​ແລະປະກອບສ່ວນຫຼາຍກວ່າ​ເກົ່າ​​ໃຫ້​ແກ່​ຊຸກຍູ້​ການ​ພັດທະນາ​ຮ່ວມ​ກັນ​ຂອງ​ອະນຸ​ພາກ​ພື້ນ​ແມ່ນ້ຳຂອງ.

​ໃນ​ມື້​ດຽວ​ກັນ​ທ່ານ​ເວີນ​ເຈຍ​ປາວ​ໄດ້​​ເປັນ​ປະທານ​ງານ​ສົນທະນາ​ລະ​ຫວ່າງ​ຜູ່​ນຳ​ອະນຸ​ພາກ​ພື້ນ​ແມ່​ນ້ຳຂອງ​ກັບ​ຜູ່​ແທນ​ວົງ​ການ​ອຸດ​ສາ​ຫະກຳ​ການ​ຄ້າ. ທ່ານ​ເວົ້າ​ວ່າ, ລັດຖະບານ​ຈີນ​ເອົາ​ໃຈ​ໃສ່​ໃນ​ລະດັບ​ສູງຕໍ່​ບົດບາດ​ຂອງ​ວົງ​ການ​ອຸດ​ສາ​ຫະກຳ​ການ​ຄ້າ​ແລະ​​ການ​ຄ້າ​ການ​ລົງທຶນ​ສະດວກ, ສົ່ງ​ເສີມ​ວິ​ສາ​ຫະກິດ​ຕ່າງໆ​ເຂົ້າ​ຮ່ວມ​ການ​ກໍ່ສ້າງ​ເສດຖະກິດ​ຂອງ​ປະ​ເທດ​ອື່ນ​​ໃນ​ອະນຸ​ພາກ​ພື້ນ​ແມ່​ນ້ຳຂອງ, ​ແລະ​ບູລະນະ​ສະພາບ​ແວດ​ລ້ອມການ​ຄ້າ​ແລະການ​ລົງທຶນ​ຢູ່ພາຍ​ໃນປະ​ເທດຢ່າງ​ບໍ່​ຢຸດ​ຢັ້ງ.