|
|
 |
| (GMT+08:00)
2005-07-04 21:04:07
|
 |
|
5 ມາດຕະການຊຸກຍູ້ການຮ່ວມມືດ້ານການຄ້າແລະການລົງທຶນໃນອະນຸພາກພື້ນແມ່ນ້ຳຂອງ
cri
Author: da
ຕາມຂ່າວສານຊິນຮວາ: ໃນພິທີໄຂກອງປະຊຸມເວທີປາໄສກ່ຽວກັບວົງການອຸດສາຫະກຳການຄ້າເຂົ້າຮ່ວມການຮ່ວມມືໃນອະນຸພາກພື້ນແມ່ນ້ຳຂອງທີ່ໄຂຂຶ້ນຢູ່ເມືອງຄຸນມີງແຂວງຢຸນນານໃນວັນທີ 3 ກໍລະກົດ,ທ່ານອ່ານມິນ ຮອງລັດຖະມົນຕີກະຊວງການຄ້າຈີນເວົ້າວ່າ,ລັດຖະບານຈີນຈະຕັ້ງໜ້າໃຊ້ມາດຕະການ, ຊຸກຍູ້ການຮ່ວມມືລົງທຶນດ້ານການຄ້າແລະການລົງທຶນໃນອະນຸພາກພື້ນແມ່ນ້ຳຂອງ.
ທ່ານອ່ານມິນໄດ້ແນະນຳມາດຕະການອັນລະອຽດ 5 ຂໍ້ທີ່ກະຊວງການຄ້າຈີນຈະໃຊ້ນັ້ນ: ຕັ້ງໜ້າສົ່ງເສີມວິສາຫະກິດຈີນໄປລົງທຶນຕັ້ງໂຮງງານຢູ່ປະເທດອະນຸພາກພື້ນ;ຂ້ຽວເລັ່ງຊຸກຍູ້ບາດກ້າວສ້າງສາເຂດການຄ້າເສລີຈີນອາຊຽນ,ເພີ່ມທະວີການນຳເຂົ້າຈາກອະນຸພາກພື້ນແມ່ນ້ຳຂອງ;ສະໜອງທຶນຮ່ວມມືຊ່ອຍເຫຼືອຕ່າງປະເທດຕໍ່ໄປ,ສະໜັບສະໜູນການກໍ່ສ້າງພື້ນຖານໂຄງລ່າງຂອງອະນຸພາກພື້ນ;ຊຸກຍູ້ການຄ້າແລະການລົງທຶນໃຫ້ມີຄວາມສະດວກກວ່າເກົ່າຢ່າງບໍ່ຢຸດຢັ້ງ;ຜ່ານຈາກງານຕະຫຼາດນັດກວາງໂຈວ ງານຕະຫຼາດນັດຄຸນມີງແລະງານຕະຫຼາດນັດຈີນ-ອາຊຽນນານນິງເປັນຕົ້ນ,ອຳນວຍໂອກາດແລກປ່ຽນແລະຮ່ວມມືໃຫ້ວົງການອຸດສາຫະກຳການຄ້າຂອງບັນດາປະເທດ.
|
|
|
