ສະ​ບາຍ​ດີ​ທ່ານ​ຜູ້​ຟັງ​ທີ່​ເຄົາ​ລົບ, ​ຊົມ​ເຊີຍ​ທ່ານ​ຮັບ​ຟັງ​ລາຍ​ການ​ຢ່ອນ​ອາ​ລົມ​ໃນ​ວັນ​​ເສົາ​ຂອງ​ວິ​ທະ​ຍຸ CRI, ​ຂ້າ​ພະ​ເຈົ້າ​ແມ່ນ​ແສງ​ແກ້ວ. ​ທ່ານ​ຜູ່​ຟັງ, ​ທ້າວ​ຫຸ​ອ້ຽນ​ປິນ​ແມ່ນ​ນັກ​ຮ້ອງ​ດີ​ເດັ່ນ​ໃນ​ດ້ານ​ແຕ່ງ​ດົນ​ຕີ R&B ຂອງ​ເຂດ​ໃນ​ຈີນ​, ​ໃນ​ຫລາຍ​ປີ​ມາ​ນີ້, ​ສຽງ​ເພງ​ອັນ​ທຳ​ມະ​ຊາດ​ແລະ​ວິ​ທີ​ແຕ່ງ​ດົນ​ຕີ​ທີ່​ມີ​ເອ​ກະ​ລັກ​ພິ​ເສດ​ຂອງ​ລາວ​ໄດ້​ນຳ​ເອົາ​ບັນ​ຍາ​ກາດ​ສົດ​ຊື່ນ​ມາ​ໃຫ້​ເວ​ທີ​ເພງ​ຈີນ. ​ໃນ​ລາຍ​ການ​ມື້​ນີ້, ​ແສງ​ແກ້ວ​ຂໍ​ແນະ​ນຳ​ໃຫ້​ທ່ານ​ຟັງ​ສຽງ​ເພງ​ຂອງ​ທ້າວ​ຫຸ​ອ້ຽນ​ປິນ​ແລະ​ແນະ​ນຳ​ດົນ​ຕີ​ຂອງ​ລາວ​ສູ່​ຟັງ.

ທ່ານ​ຜູ້​ຟັງ, ທີ່​ທ່ານ​ພວມ​ຟັງ​ຢູ່​ນີ້​ແມ່ນ​ເພງ"​​ເຮີ​ຊັ້ງ"​"ຄູບາ" ທີ່​ທ້າວ​ຫຸ​ອ້ຽນ​ປິນ​ແຕ່ງ​ແລະ​ຂັບ​ຮ້ອງ, ​ຊື່ງ​ກໍ​ແມ່ນ​ເພງ​​ເອກ​ໃນ​ CD ແຜ່ນ​ທຳ​ອິດ​ຂອງ​ລາວ​​ເອງ​ທີ່​ໃຫ້​ຊື່​ວ່າ: ​ເວິນ​ອູ​ຊ່ວງ​ສວນ ​ແປ​ວ່າ ​ເກັ່ງ​ທັງ​ວັນ​ນະ​ຄະ​ດີ​ແລະ​ກົງ​ຟູ. ​ທຳ​ນອງ​ເພງ R&B ອັນ​ເຂັ້ມ​ຂຸ້ນ​ກັບ​ວິທີ​ແຕ່ງ​ເພງ​ແບບ​ໃໝ່​, ​ໄດ້​ສະ​ແດງ​ໃຫ້​ເຫັນ​ຄວາມ​ສາ​ມາດ​ອັນ​ບໍ່​ທຳ​ມະ​ດາ​ຂອງ​ທ້າວ​ຫຸ​ອ້ຽນປີ​ນ.

ທ້າວ​ຫຸ​ອ້ຽນ​ປິນ​ມັກ​ຮ້ອງ​ເພງ​ມາ​ແຕ່​ນ້ອຍ, ​ຈົນ​ວ່າ​ໃນ​ເວ​ລາ​ເຮັດ​ການ​ບ້ານ​ກໍ​ຮ້ອງ​ເພງ​ໄປ​ຕາມ​​ເທັບ​ບໍ່​ເຊົາ. ​ກໍ​ຍ້ອນ​​ຄວາມ​ມັກ​ດົນ​ຕີ​ແນວ​ນີ້, ​ທ້າວ​ຫຸ​ອ້ຽນ​ປິນ​ອາ​ຍຸ 13 ປີ​ກໍ​ເສັງ​ເຂົ້າ​ໂຮງ​ຮຽນ​ສິ​ລະ​ປະ​ຮຽນ​ວິ​ຊາ​ຮ້ອງ​​ເພງ​ແລະ​ການ​ສະ​ແດງ​ໂດຍ​ສະ​ເພາະ, ​ທັງ​ໄດ້​ກຳ​ນົດ​ຈຸດ​ໝາຍ​ສູ້​ຊົນ​ຈຸດ​​ທຳ​ອິດ​​ໃນ​ຊີ​ວິດ​ຂອງ​ຕົນ, ​ຄື:​ ຈະ​ອັດ​ແຜ່ນ CD ຂອງ​​ໂຕ​ເອງ​ແຜ່ນ​ທຳ​ອິດ​ໃນ​ອາຍຸ 18 ປີ. ​ເພື່ອ​ບັນ​ລຸ​ຄວາມ​ຝັນ​ດັ່ງ​ກ່າວ​ນີ້, ​ທ້າວ​ຫຸ​ອ້ຽນ​ປິນ​ເລິ່ມ​ທຳ​ຄວາມ​ພະ​ຍາ​ຍາມ​ຢ່າງ​ບໍ່​ລົດ​ລະ, ​ຜ່ານ​​ການ​ແຂ່ງ​ຂັນ​ຕ່າງ​ໆ​ເຝິກ​ຝົນ​ຄວາມ​ສາ​ມາດ​ຂອງ​ຕົນ​ເອງ, ​ທັງ​ແລກ​ປ່ຽນ​ບົດ​ຮຽນ​ດົນ​ຕີ​ກັບ​ນັກ​ຮ້ອງ​ທີ່​ມີ​ເອ​ກະ​ລັກ​ຕ່າງ​ກັນ​ເລື້ອຍ​ໆ.​ ປີ 1999, ​ໃນ​ງານ​ດົນ​ຕີ​ອາ​ຊີ​ທີ່​ຈັດ​ຂຶ້ນ​ຢູ່​ຊຽງ​ໄຮ​ຈີນ, ​ທ້າວ​ຫຸ​ອ້ຽນ​ປິນ ອາ​ຍຸ 16 ປີ​ກໍ​ໄດ້​ຮັບ"​ລາງ​ວັນ​ນັກ​ຮ້ອງ​ທີ່​ມີ​ກຳ​ລັງ​ບົ່ມ​ຊ້ອນ​ກວ່າ​ໝູ່​ຂອງ​ອາ​ຊີ", ​ແລະ​ໄດ້​ເຊັນ​ສັນ​ຍາ​ກັບ​ບໍ​ລິ​ສັດ​ແຜ່ນ​ສຽງ​ອີ້​ເຟິງ​ຊຽງ​ໄຮ້. ​ແຕ່​ນັ້ນ​ມາ, ​ທ້າວ​ຫູ​ອ້ຽນ​ປິນ​ກໍ​ເລິ່ມ​ເປັນ​ນັກ​ຮ້ອງ​ອາ​ຊີບ​, ​ສອງ​ປີ​ຕໍ່​ມາ, ​ລາວ​ໄດ້​ອັດ​ຈຳ​ໜ່າຍ CD ຂອງ​ຕົນ​ເອງ​ແຜ່ນ​ທຳ​ອິດ​ຢ່າງ​ໜ້າ​ອັດ​ສະ​ຈັນ. ​CD ແຜ່ນ​ນີ້​ໃຫ້​ຊື່​ວ່າ ​ເວິນ​ອູ​ຊ່ວງ​ສວນ ​ເກັ່ງ​ທັງ​ວັນ​ນະ​ຄະ​ດີ​ແລະ​ກົງ​ຟູ, ​ອັນ​ໄດ້​ບັນ​ລຸ​ຄວາມ​ປາ​ຖະ​ໜາ​ຂອງ​ຕົນ​ທີ່​ວ່າ​"ຈະ​ອອກ​​ແຜ່ນ​ສຽງ​ໃນ​ອາ​ຍຸ 18ປີ". ​ຕໍ່​ໄປ, ​ເຊີງ​ຟັງ​ເພງ ເຮີຍ​ຢູ ຝົນ​ດຳ ທີ່​ຂັບ​ຮ້ອງ​ໂດຍ​ທ້າວ​ຫຸ​ອ້ຽນ​ປິນ.

ພາຍຫລັງ​ແຜ່ນ CD ແຜ່ນ​ທຳ​ອິດ​ໄດ້​ຮັບ​ຜົນສຳ​ເລັດ​ແລ້ວ, ທ້າວ​ຫຸອ້ຽນປິນບໍ່​ໄດ້​ເຊົາກ້າວ​​ເດີນ. ປີ 2003, ລາວ​ໄດ້​ອັດ​ຈຳໜ່າຍ CD ຂອງ​ຕົນ​ແຜ່ນ​ທີ​ສອງ​ທີ່​ໃຫ້​ຊື່ວ່າ: "ເວິນ​ອູ​ຊ່ວງ​ສວນ​ເ​ຊິ່ງຈິ​ປານ" ຊຶ່ງ​ເປັນ​ການ​ເລື່ອນ​ຊັ້ນຈາກ​ແຜ່ນ​ທີ​ໜຶ່ງ. ​ເພງທີ່​ທ່ານ​ຈະ​ໄດ້ຟັງ​ຕໍ່​ໄປແມ່ນ​ເພງ​ ຊ່າ​ຍ ​ເດົາ ​ໃນ CD ​​ແຜ່ນ​ນີ້. ​ເພງ​ນີ້ມີ​ທຳນອງ R&B ລ້ວນໆ, ​ແມ່ນ​ທ່ານ​​​ເລີຍ​ຊົ້ງ​ເຕີ ນັກ​ດົນຕີ​ເອ​ເລັ​ກ​ໂຕຼນິກຮົງ​ກົງ​ຈີນ​ແຕ່ງ​ເພື່ອ​ທ້າວ​ຫູ​ອ້ຽນປິນ​ໂດຍ​ສະ​ເພາະ. ທ່ານ​ເລີຍ​ຊົ້ງ​ເຕີ​ເຫັນ​ວ່າ, ປັດຈຸບັນ, R&B ​ແມ່ນ​ລົດນິຍົມ​ໃໝ່​ຊະນິດ​ໜຶ່ງ, ​ແມ່ນ​ສິ່ງ​ທີ່​​ເປັນ​ຂອງ​ຊາວ​ໜຸ່ມ​ແທ້ໆ. ທ່ານ​ເຊື່ອ​ວ່າ, ທ້າວ​ຫຸອ້ຽນປິນ ອາຍຸ 19 ປີ​ໃນ​ຄາວ​ນັ້ນສາມາດ​ສະ​ແດງ​ໃຫ້​ເຫັນ​ສະ​ເໜ​ໄວ​ຄະ​ນອງ​ຂອງ​ຊາວ​ໜຸ່ມ​​ໄດ້​ດີ​ທີ່​ສຸດ.

​ເນື້ອ​ເພງ​ມີ​ຢູ່​ວ່າ: ຢ່າສູ່​ເດົາ​, ການ​ໃຊ້​ໄພ້​ມາ​​ເດົາ​ຄວາມ​ຮັກ​ທີ່​ຂ້ອຍ​ຈະໃຫ້​ໄດ້​ນັ້ນບໍ່​ໄດ້​ຈັກ​ເທື່ອ​ດອກ? ບໍ່​ຕ້ອງຫຼົບຂ້ອຍ, ສາຍຕາ​ຂອງ​ເຈົ້າ​ໄດ້​ບອກ​​ຂ້ອຍ​​ແລ້ວ, ຂ້ອຍ​ບໍ່ຫ່ອນຈາກ​ໄປ​ຢ່າງ​ງ່າຍດາຍ​…ໝົດ​​ໂລກ​ນີ້​ກໍ​ເບິ່ງ​ອອກວ່າ, ຂ້ອຍ​ຮັກ​ເຈົ້າ.