|
ຕາມຂ່າວ CRI: ກອງປະຊຸມຜູ້ນຳຄັ້ງທີສອງຂອງການຮ່ວມມືເສດຖະກິດອະນຸພາກພື້ນແມ່ນ້ຳຂອງໄດ້ໄຂຂຶ້ນຢູ່ຄຸນມິງ ເມືອງພາກຕາເວັນຕົກສຽງໃຕ້ຂອງຈີນໃນວັນທີ 5 ກໍລະກົດ. ຜູ້ນຳຂອງ 6 ປະເທດ GMS ຈະໝູນອ້ອມຫົວຂໍ້ທີ່ວ່າ"ເສີມສ້າງການພົວພັນຄູ່ຂາຮ່ວມມື,ບັນລຸຄວາມຈະເລີນຮຸ່ງເຮືອງນຳກັນ",ພ້ອມກັນຫວນຄືນຜົນສຳເລັດໃນການຮ່ວມມື,ພ້ອມກັນສະແຫວງຫາແຜນພັດທະນາໃນອະນາຄົດ.
ຕາມຊາບວ່າ,ຫົວຂໍ້ຫາລືຂອງກອງປະຊຸມລວມມີຜົນສຳເລັດກັບການທ້າທາຍ,ຫຼັກການຊີ້ນຳການຮ່ວມມືGMS,ການເຄື່ອນໄຫວບັນລຸການພັດທະນາແບບຍືນຍົງໃນອະນາຄົດເປັນຕົ້ນ. ນອກນີ້ ການອະນຸລັກຊີວະຊາດໃຫ້ມີຫຼາຍຢ່າງຫຼາຍແນວ,ເຮັດໃຫ້ການລົງທຶນການຄ້າໃຫ້ສະດວກກວ່າເກົ່າແລະການກໍ່ສ້າງທາງດ່ວນຂໍ້ມູນຂ່າວສານເປັນຕົ້ນກໍແມ່ນບັນຫາຈຸດໜັກທີ່ກອງປະຊຸມເທື່ອນີ້ຈະຫາລືກັນ.
ຜູ້ນຳປະເທດທີ່ກ່ຽວຂ້ອງເຊັ່ນທ່ານເວີນເຈຍປາວ ນາຍົກລັດຖະມົນຕີຈີນ,ທ່ານຮຸນແຊນ ນາຍົກລັດຖະມົນຕີກຳປູເຈຍ,ທ່ານທັກສິນ ຊິນນະວັດ ນາຍົກລັດຖະມົນຕີໄທແລະທ່ານຄູໂຣດາ ຮາຣູຮີໂຄ ຜູ້ວ່າການທະນາຄານພັດທະນາອາຊີໄດ້ເຂົ້າຮ່ວມກອງປະຊຸມ.
1 2 3 4
|
