ກອງປະຊຸມຜູ້ນຳGMSຄັ້ງທີ 2 ໄດ້ຮັບໝາກຜົນອັນສຳຄັນ ----ສຳພາດທ່ານສົມຈິດ ອິນທະມິດ ຫົວໜ້າກົມເສດຖະກິດອາຊຽນກະຊວງການຕ່າງປະເທດລາວ(ສຽງ)
cri
Author: MO
ແຕ່ວັນທີ 4 ຮອດວັນທີ 5 ກໍລະກົດ ກອງປະຊຸມຜູ້ນຳຄັ້ງທີ 2 ຂອງ GMS ໄດ້ໄຂຂຶ້ນຢູ່ຄຸນມິງແຂວງຢູນນານ,ຜູ້ນຳຂອງ 6 ປະເທດຄືຈີນ,ກຳປູເຈຍ,ລາວ,ມຽນມາ,ໄທແລະຫວຽດນາມພ້ອມດ້ວຍຜູ້ວ່າການທະນາຄານພັດທະນາອາຊີໄດ້ເຂົ້າຮ່ວມກອງປະຊຸມເທື່ອນີ້. ວັນທີ 5 ກໍລະກົດ ທ່ານສົມຈິດ ອິນທະມິດ ຫົວໜ້າກົມເສດຖະກິດອາຊຽນຂອງກະຊວງການຕ່າງປະເທດລາວໄດ້ໃຫ້ສຳພາດຕໍ່ນັກຂ່າວວິທະຍຸ CRI ພວກເຮົາໂດຍຈຳເພາະ,ທ່ານກ່າວວ່າ,ລາວເອົາໃຈໃສ່ນຳກອງປະຊຸມເທື່ອນີ້ໃນລະດັບສູງ,ການເຈລະຈາລະຫວ່າງນາຍົກລັດຖະມົນຕີຈີນລາວໄດ້ຮັບໝາກຜົນອັນສຳຄັນ.
ກອງປະຊຸມຜູ້ນຳອະນຸພາກພື້ນແມ່ນ້ຳຂອງໄຂຂຶ້ນສາມປີເທື່ອໜຶ່ງ,ເທື່ອນີ້ແມ່ນໄຂຂຶ້ນຢູ່ຈີນເປັນຄັ້ງທຳອິດ. ທ່ານສົມຈິດເວົ້າວ່າ,ເທື່ອນີ້ ທ່ານເວີນເຈຍປາວ ນາຍົກລັດຖະມົນຕີຈີນພ້ອມດ້ວຍນາຍົກລັດຖະມົນຕີຂອງລາວ,ໄທ,ຫວຽດນາມ,ມຽນມາແລະກຳປູເຈຍລ້ວນແຕ່ນຳພາຄະນະເຂົ້າຮ່ວມກອງປະຊຸມ,ໄດ້ສະແດງຢ່າງເຕັມທີ່ໃຫ້ເຫັນວ່າບັນດາຝ່າຍເອົາໃຈໃສ່ນຳກອງປະຊຸມເທື່ອນີ້: (ອັດສຽງ 1) ແຕ່ກົນໄກຮ່ວມມືເສດຖະກິດໃນອະນຸພາກພື້ນແມ່ນ້ຳຂອງສ້າງຕັ້ງຂຶ້ນເມື່ອປີ 1992 ເປັນຕົ້ນມາ,ໄດ້ເສີມຂະຫຍາຍບົດບາດສຳຄັນໃນດ້ານຊຸກຍູ້ 6 ປະເທດເສີມສ້າງການຮ່ວມມືກັນແລະພັດທະນານຳກັນ. ທ່ານສົມຈິດ ຫົວໜ້າກົມເສດຖະກິດອາຊຽນຂອງກະຊວງການຕ່າງປະເທດລາວບອກນັກຂ່າວວ່າ,ໃນເວລາຫາລືກັນໃນກອງປະຊຸມເທື່ອນີ້,ລາວກໍໄດ້ວາງຂໍ້ສະເໜີຢ່າງຕັ້ງໜ້າກ່ຽວກັບການເຮັດແນວໃດຂະຫຍາຍການຮ່ວມມືລະຫວ່າງບັນດາປະເທດອະນຸພາກພື້ນຕື່ມອີກ: (ອັດສຽງ2)
ຕອນເຊົ້າວັນທີ 4 ກໍລະກົດ,ທ່ານເວີນເຈຍປາວ ນາຍົກລັດຖະມົນຕີຈີນຍັງໄດ້ເຈລະຈາກັບທ່ານບຸນຍັງ ວໍລະຈິດ ນາຍົກລັດຖະມົນຕີລາວ,ຫຼັງຈາກນັ້ນ ໃນເວລານາຍົກລັດຖະມົນຕີ 6 ປະເທດຫາລືພ້ອມກັນນັ້ນ ສອງຝ່າຍກໍໄດ້ແລກປ່ຽນຄວາມເຫັນກັນເລື້ອຍໆ. ທ່ານສົມຈິດເວົ້າວ່າ,ການພົບປະເຈລະຈາລະຫວ່າງນາຍົກລັດຖະມົນຕີສອງປະເທດເທື່ອນີ້ມີຄວາມໝາຍສຳຄັນທີ່ສຸດ,ທ່ານເວົ້າວ່າ: (ອັດສຽງ3)
|
|