|
|
(GMT+08:00)
2005-07-07 21:54:08
|
|
ທ່ານຫູຈີນທາວກັບຜູ້ນຳອິນເດຍ ເບຼຊິນ ອາຫຼີກາໃຕ້ແລະແມກຊິກພົບປະກັນເປັນໝູ່ຄະນະ
cri
Author: da
ຕາມຂ່າວCRI: ຕອນເຊົ້າວັນທີ 7 ກໍລະກົດຢູ່ໂຮງແຮມເກຼັນອີເກີນສ໌ ສະກອດແລນອັງກິດ,ທ່ານຫູຈີນທາວປະທານປະເທດຈີນໄດ້ພົບປະກັບທ່ານຊິນເກີ ນາຍົກລັດຖະມົນຕີອິນເດຍ ທ່ານລູລາ ປະທານາທິບໍດີເບຼຊິນ ທ່ານມູເບກີ ປະທານາທິບໍດີອາຟຼີກາໃຕ້ແລະທ່ານຟອກສ໌ ປະທານາທິບໍດີແມກຊິກທີ່ມາເຂົ້າຮ່ວມກອງປະຊຸມສົນທະນາກັນກຸ່ມ 8 ປະເທດ.
ໃນເວລາກ່າວຄຳປາໄສ ທ່ານຫູຈີນທາວຊີ້ອອກວ່າ, ເວົ້າສຳລັບປະເທດພວມພັດທະນາແລ້ວ ການລົບລ້າງຄວາມທຸກຍາກ ຊຸກຍູ້ການພັດທະນາແລະຍົກສູງລະດັບຊີວິດການເປັນຢູ່ຂອງປະຊາຊົນແມ່ນໜ້າຢູ່ເໜືອທຸກສິ່ງທຸກຢ່າງ.ທ່ານໄດ້ວາງຂໍ້ສະເໜີອັນລະອຽດກ່ຽວກັບເລື່ອງນີ້.
ທ່ານຫູຈີນທາວຍັງມີເຈດຈຳນົງໃຫ້ແກ້ໄຂບັນຫາທີ່ລັດທິປົກປ້ອງການຄ້າເງີຍຫົວຄືນໃໝ່ທີ່ປະເທດພວມພັດທະນາສົນໃຈນັ້ນຢ່າງແທ້ຈິງ,ອີງຕາມຫຼັກການທີ່ມີຄວາມຮັບຜິດຊອບພ້ອມກັນແຕ່ມີຈຸດຕ່າງກັນ ດຳເນີນການຮ່ວມມືຕິດແທດຕົວຈິງແລະມີປະສິດທິພາບ,ຮັບມືກັບບັນຫາການປ່ຽນແປງຂອງອາກາດທົ່ວໂລກຢ່າງເໝາະສົມ.
ຫຼັງຈາກກອງປະຊຸມສິ້ນສຸດລົງແລ້ວ,ຜູ້ນຳ 5 ປະເທດໄດ້ຜ່ານຄຳຖະແຫຼງການຮ່ວມ.ຄຳຖະແຫຼງການກ່າວເນັ້ນວ່າ,ຕ້ອງຮັບມຶກັບສິ່ງທ້າທາຍໂດຍຜ່ານຈາກການເພີ່ມທະວີການຮ່ວມມືໃຕ້ໃຕ້,ປົກປັກຮັກສາຜົນປະໂຫຍດຮ່ວມຂອງປະເທດພວມພັດທະນາໂດຍຜ່ານຈາກຂົງເຂດໂຮມສູນແລະບູລິມະສິດແລະຍຸດທະສາດເຂົ້າຮ່ວມທາງສາກົນ.
|
|
|