|
ຕາມຂ່າວCRI ຕອນບ່າຍວັນທີ 7 ກໍລະກົດ ທ່ານຫູຈິນທາວ ປະທານປະເທດຈີນໄດ້ອອກເດີນທາງຈາກເມືອງສະກ໌ອດແລນແຫ່ງອັງກິດ ຂີ່ຍົນພິເສດກັບຄືນປະເທດ
ຕອນເຊົ້າວັນທີ 7 ກໍລະກົດ ຢູ່ທີ່ໂຮມແຮມເກຼັນອີເກິນສ໌ສະກ໌ອດແລນແຫ່ງອັງກິດ ທ່ານຫູຈິນທາວໄດ້ເຂົ້າຮ່ວມກອງປະຊຸມສົນທະນາລະຫວ່າງກຸ່ມ 8 ປະເທດກັບຜູ່ນຳຈີນ ອິນເດຍ ເບຼຊິນ ອາຟຼິກາໃຕ້ແລະແມັກຊິກ ແລະກ່າວຄຳປາໄສສຳຄັນກ່ຽວກັບບັນຫາການພັດທະນາເສດຖະກິດທົ່ວໂລກ ປະຕິບັດເປົ້າຫມາຍແຫ່ງການພັດທະນາພັນປີ ລົງເລິກການສົນທະນາເຫນືອໃຕ້ແລະຮັບມືກັບການປ່ຽນແປງຂອງອາກາດເປັນຕົ້ນ
ທ່ານຫູຈິນທາວກ່າວວ່າ ໃນຊູ່ມື້ນີ້ ທ່ວງທ່າທີ່ໂລກຫັນເປັນ ຫຼາຍຂວັ້ນແລະເສດຖະກິດໂລກາວິວັດໄດ້ຂະຫຍາຍຕົວໄວກວ່າເກົ່າ ຄວາມກ້າວຫນ້າຂອງວິທະຍາສາດເຕັນນິກມີການປ່ຽນແປງຄູ່ມື້ຄູ່ເດືອນ ມວນມະນຸດພວມປະເຊີນກັບໂອກາດພັດທະນາທີ່ຫາຍາກ ແລະກໍປະເຊີນກັບການທ້າທາຍຫຼາຍຢ່າງ ດ້ວຍເຫດນີ້ ທ່ານຫູຈິນທາວໄດ້ສະເຫນີຂໍ້ສະເຫນີຫຼາຍຂໍ້ທີ່ລວມທັງໃຫ້ພ້ອມກັນທຳຄວາມພະຍາຍາມ ໃຫ້ຄຳຫມັ້ນສັນຍາໃຊ້ນະໂຍບາຍເສດຖະກິດມະຫາພາກທີ່ຕິດແທດຕົວຈິງແລະບັງເກີດຜົນ ຊຸກຍູ້ໃຫ້ເສດຖະກິດທົ່ວໂລກດຸນດ່ຽວກັນແລະເຕີບໂຕຢ່າງສືບເນື່ອງເປັນຕົ້ນ
ກ່ອນອອກເດີນທາງຈາກອັງກິດ ຢູ່ເມືອງສະກ໌ອດແລນ ທ່ານຫູຈິນທາວກັບຜູ່ນຳຂອງ 4 ປະເທດຄືອິນເດຍ ເບຼຊິນ ອາຟຼິກາໃຕ້ແລະແມັກຊິກໄດ້ຈັດການພົບປະກັນເປັນຫມູ່ຄະນະ ທ່ານຍັງໄດ້ພົບປະທ່ານສະໂລເດີ ນາຍົກລັດຖະມົນຕີເຢຍລະມັນແລະທ່ານຊີລັກ ປະທານາທິບໍດີຝຣັ່ງ
|
