|
ເລື່ອງທີ່ຄວນລະວັງ 5 ເລື່ອງກ່ຽວກັບສຸຂະພາບ
cri
Author: li
 ພາຍຫຼັງຫັດກາຍແລ້ວ,ຄົນເຮົາຈະຮູ້ສຶກເມື່ອຍ,ທັງນີ້ສຳຄັນແມ່ນຍ້ອນວ່າທາດນ້ຳຕານ,ໄຂມັນແລະໂປຼຕິນໃນຮ່າງກາຍຖືກແຍກທາດຢ່າງຫຼວງຫຼາຍ,ແລ້ວເກີດມີວັດຖຸທາດກົດຕ່າງໆເຊັ່ນກົດນ້ຳນົມແລະກົດກຳມະຖັນເປັນຕົ້ນ,ເວລານີ້ ຖ້າກິນວັດຖຸທາດອາສິດລ້ວນໆເຊັ່ນຊີ້ນແລະປາເປັນຕົ້ນ,ຈະເຮັດໃຫ້ນ້ຳໃນຮ່າງກາຍເປັນທາດກົດຫຼາຍກວ່າເກົ່າ,ຖ້າເປັນແບບນີ້ແມ່ນບໍ່ຫ່ອນຫາຍເມື່ອຍໄດ້,ສະນັ້ນ ຫຼັງຈາກຫັດກາຍແລ້ວບໍ່ຄວນກິນອາຫານຄາວ,ໃຫ້ກິນອາຫານປະເພດທາດດັ່ງເຊັ່ນຜັກແລະໝາກໂປມເປັນຕົ້ນກໍແກ້ເມື່ອຍໄດ້ໄວ.
ການຈາມແມ່ນອາການໜຶ່ງທີ່ເປັນຍ້ອນຖືກໜາວ,ເປັນຫວັດແລະເຍື່ອໃນຫຼອດລົມຫາຍໃຈຖືກກະຕຸກ. ແຕ່ວ່າຖ້າເອົາມືງຸບປາກໄວ້ໃນເວລາຈາມແມ່ນມີຜົນຮ້າຍ. ເພາະວ່າລະຫວ່າງຄໍກັບສ່ວນກາງຂອງຫູ,ມີຫຼອດຕິດຕໍ່ກັນ,ມັນຈະຮັກສາຄວາມດັນໃນຫູກັບພາຍນອກໃຫ້ກ້ຳເກິ່ງກັນ. ຖ້າຫຼອດລົມຫາຍໃຈອັກເສບ,ເວລາຈາມຢ່າປິດປາກ. ເພາະວ່າຖ້າປິດປາກໃນເວລາຈາມ,ກໍຈະເຮັດໃຫ້ກຳລັງດັນໃນຄໍແລະຫູສູງຂຶ້ນ,ເຊື້ອພະຍາດມັກຈະຈາກຫຼອດລົມເຂົ້າໄປໃນຫູ,ແລ້ວພາໃຫ້ເປັນພະຍາດຕ່າງໆເຊັ່ນຫູໜອງເປັນຕົ້ນ.
ບາງຄົນເມື່ອຕື່ນນອນແລ້ວກໍມັກພັບຜ້າຫົ່ມໃນທັນທີໂລດ,ເຮັດແບບນີ້ບໍ່ສອດຄ່ອງກັບຫຼັກອະນາໄມ. ເພາະວ່າໃນເວລານອນຮ່າງກາຍຂອງຄົນຈະມີສິ່ງຂັບຖ່າຍແລະຊຶມອອກຕາມຮູຂົນໃນໝົດຄີງແລະການຫຼອດລົມຫາຍໃຈຫຼືລຳໄສ້,ໃນອາຍເສຍທີ່ລະບາຍອອກນັ້ນມີສານເຄມີ 149 ຊະນິດເຊັ່ນກາກບອນດີອອກຊິດເປັນຕົ້ນ,ອາຍເສຍເຫຼົ່ານີ້ມີຜົນຮ້າຍຕໍ່ຮ່າງກາຍ. ສະນັ້ນ ຫຼັງຈາກຕື່ນນອນແລ້ວ,ຢ່າຟ້າວພັບຜ້າຫົ່ມເທື່ອ,ຄວນປີ້ນຜ້າຫົ່ມ,ທັງໄຂປະຕູປ່ອງຢ້ຽມ,ໃຫ້ອາກາດລຸລ່ວງ,ຫຼັງຈາກນັ້ນ 10 ນາທີຈຶ່ງພັບຜ້າຫົ່ມ.
ບາງທີຖອກທ້ອງແມ່ນຍ້ອນຖືກໜາວຫຼືກິນຂອງບໍ່ສະອາດ,ພາໃຫ້ເນື້ອເຍື້ອສ່ວນໜຶ່ງໃນລຳໄສ້ອັກເສບແລະບວມ,ຖ້າກິນຂອງເຜັດເຊັ່ນຜັກທຽມເປັນຕົ້ນໃນເວລານີ້,ອາດຈະກະຕຸກລຳໄສ້ໃຫ້ອັກເສບໜັກເຂົ້າ,ແລະພາໃຫ້ຖອກທ້ອງໜັກເຂົ້າ. ສະນັ້ນ ຖ້າຖອກທ້ອງດ່ວນ,ບໍ່ຄວນກິນຜັກທຽມ,ໂດຍສະເພາະແມ່ນຜັກທຽມດິບ. ຜັກທຽມດິບຂ້າແມ່ພະຍາດບາງຢ່າງໄດ້ແທ້ແລະປ້ອງກັນຖອກທ້ອງ,ແຕ່ຄວນກິນໃນເວລາຍັງບໍ່ເຈັບທ້ອງເທື່ອຈຶ່ງຈະໄດ້ຜົນ.
ສຸດທ້າຍ,ສິ່ງທີ່ຕ້ອງລະວັງອີກຢ່າງໜຶ່ງແມ່ນ,ຖ້າກິນຢາແລ້ວ,ດີທີ່ສຸດຢ່ານອນລົງໃນທັນທີ. ເພາະວ່າ ຖ້າກິນຢາແລ້ວນອນລົງໂລດ,ໂດຍສະເພາະແມ່ນຖ້າກິນນ້ຳໜ້ອຍ,ມັກຈະເຮັດໃຫ້ກ້ອນຢາໄປຕິດຢູ່ຫຼອດອາຫານ,ບໍ່ລົງກະເພາະ. ຢາບາງຊະນິດມີລັກສະນະເຊື່ອມກັດແຮງ,ຖ້າມັນລະລາຍໃນຫຼອດອາຫານ,ຈະເຊື່ອມກັດເຍື່ອໜຽວໃນຫຼອດອາຫານ,ພາໃຫ້ຫຼອດອາຫານອັກເສບເປັນແຜ. ວິທີກິນຢາທີ່ຖືກຕ້ອງຄວນແມ່ນ: ນັ່ງຫຼືຢືນກິນ,ກິນແລ້ວຢ່ານອນລົງໃນທັນທີ,ຄວນຖ້າບຶດໜຶ່ງ,ໃຫ້ຢາຜ່ານຫຼອດອາຫານລົງໄປຫາກະເພາະ,ເພື່ອບໍ່ໃຫ້ມັນຕິດຢູ່ຫຼອດອາຫານ.
|
|
