|
|
 |
| (GMT+08:00)
2005-07-09 16:30:11
|
 |
|
ປະທານາທິບໍດີຟີລິບປິນກ່າວວ່າຈະປະກອບລັດຖະບານຄືນໃໝ່ ມານີລາເຂົ້າສູ່ສະພາວະລະມັດລະວັງໃນລະດັບສູງສຸດ
cri
Author: q
ຕາມຂ່າວCRI,ຄຽງຄູ່ກັບບັນດາວົງການຂອງຟີລິບປິນຮຽກຮ້ອງໃຫ້ປະທານາທິບໍດີຟີລິບປິນລາອອກຈາກຕຳແໜ່ງນັບມື້ນັບຮຸນແຮງຂຶ້ນ,ວັນທີ8ກໍລະກົດ,ກອງປະກອບອາວຸດຟີລິບປິນປະກາດວ່ານະຄອນຫຼວງມານີລາໄດ້ເຂົ້າສູ່ສະພາວະລະມັດລະວັງໃນລະດັບສູງສຸດ.ຕອນຄ່ຳມື້ດຽວກັນ,ທ່ານນາງອາໂລໂຢ ປະທານາທິບໍດີຟີລິບປິນກ່າວວ່າ,ນາງມີແຜນຈະປະກອບລັດຖະບານຄືນໃໝ່.
ວັນທີ8ກໍລະກົດ,ລັດຖະມົນຕີ10ທ່ານໃນຈຳນວນ24ສະມາຊິກຄະນະລັດຖະບານຟີລິບປິນໄດ້ປະກາດລາອອກຈາກຕຳແໜ່ງໂດຍອ້າງວ່າປະທານາທິບໍດີໄດ້ເສຍຄວາມສາມາດນຳພາແລ້ວ,ແລະທວງໃຫ້ທ່ານນາງອາໂລໂຢລາອອກຈາກຕຳແໜ່ງໃນທັນທີ.
ຕໍ່ຈາກນັ້ນ,ທ່ານເອເຟຼນ ອາບູ ເສນາທິການສູງສຸດຂອງກອງປະກອບອາວຸດຟີລິບປິນໄດ້ປະກາດຄຳສັ່ງ,ຮຽກຮ້ອງໃຫ້ກອງບັນຊາການຂອງກອງທັບທີ່ເຝົ້າປະຈຳເຂດມານີລາເຂົ້າສູ່ສະພາວະລະມັດລະວັງລະດັບສີແດງແຕ່12ໂມງທ່ຽງວັນທີ8ກໍລະກົດເປັນຕົ້ນໄປ.
ຕອນຄ່ຳວັນທີ8ກໍລະກົດ,ທ່ານນາງອາໂລໂຢໄດ້ກ່າວຄຳປາໄສໂດຍຫຍໍ້ໂດຍທາງວິທະຍຸ,ກ່າວອີກເທື່ອໜຶ່ງວ່ານາງບໍ່ຫ່ອນຈະລາອອກຈາກຕຳແໜ່ງປະທານາທິບໍດີ.ພ້ອມກັນນັ້ນ,ນາງຍັງກ່າວວ່າ,ນາງຈະປະກາດບັນຊີລາຍຊືສະມາຊິກຄະນະລັດຖະບານຊຸດໃໝ່ພາຍໃນສອງມື້ຂ້າງໜ້ານີ້.
ແຕ່ເດືອນມິຖຸນາປີນີ້ເປັນຕົ້ນມາ,ທ່ານນາງອາໂລໂຢໄດ້ຕົກຢູ່ໃສວິກິດການການເມືອງຍ້ອນຖືກຕິຕຽນວ່ານາງໄດ້ຄວບຄຸມຜົນການເລືອກຕັ້ງໃນການເລືອກຕັ້ງທົ່ວໄປໃນປີກາຍນີ້.
|
|
|
