|
ຈີນດຳເນີນການເຄື່ອນໄຫວ"ເອົາໃຈໃສ່ນຳແມ່ຍິງ,ຕ້ານໂຣກເອດສ໌"
cri
Author: li
ຕາມຂ່າວ CRI: ວັນທີ 11 ກໍລະກົດແມ່ນວັນປະຊາກອນໂລກເທື່ອທີ 16. ຈີນໄດ້ຖືໂອກາດນີ້ ດຳເນີນການເຄື່ອນໄຫວ"ເອົາໃຈໃສ່ນຳແມ່ຍິງ,ຕ້ານໂຣກເອດສ໌".
ການເຄື່ອນໄຫວດັ່ງກ່າວຕົ້ນຕໍແມ່ນແນໃສ່ຈຸດພິເສດຂອງຊຸມຊົນເພດຍິງຕ່າງກັນ,ໃຫ້ການສຶກສາກ່ຽວກັບໂຣກເອດສ໌,ເຜີຍແຜ່ຄວາມຮູ້ປ້ອງກັນໂຣກເອດສ໌,ພ້ອມກັນນັ້ນ ກໍຕັ້ງໜ້າດຳເນີນການເຂົ້າແຊກ,ຊ່ອຍປິ່ນປົວແລະເອົາໃຈໃສ່ຢ່າງພຽນໃຈເປັນຕົ້ນ.
ວັນທີ 11 ກໍລະກົດ ໃນເວລາທ່ານນາງກູ້ຊິ້ວລຽນ ປະທານສະຫະພັນແມ່ຍິງແຫ່ງຊາດຈີນເຂົ້າຮ່ວມການໂຄສະນາທີ່ກ່ຽວຂ້ອງນັ້ນ ນາງກ່າວວ່າ,ໃນວຽກງານປ້ອງກັນແລະຄວບຄຸມໂຣກເອດສ໌ນັ້ນ ຕ້ອງເອົາໃຈໃສ່ນຳແມ່ຍິງໃຫ້ຫຼາຍກວ່າເກົ່າ. ນາງກ່າວເນັ້ນວ່າ,ອົງການປົກຄອງທຸກຂັ້ນຕ້ອງຕັ້ງໜ້າດຳເນີນວຽກງານປ້ອງກັນແລະຄວບຄຸມໂຣກເອດສ໌ຂອງແມ່ຍິງ,ໃຫ້ແມ່ຍິງຜູ້ເປັນໂຣກເອດສ໌ມີໂອກາດໄດ້ຮັບການປິ່ນປົວ,ຄວາມເອົາໃຈໃສ່ແລະກອບກູ້ຊ່ອຍເຫຼືອໃຫ້ຫຼາຍຂຶ້ນ.
|
|
