|
|
(GMT+08:00)
2005-07-11 20:21:52
|
|
ນະຄອນຫຼວງອັງກິດລະລຶກສົງຄາມໂລກຄັ້ງທີສອງໄດ້ຮັບໄຊຊະນະຄົບຮອບ 60 ປີ
cri
Author: li
ຕາມຂ່າວສານຊິນຮວາ: ວັນທີ 10 ກໍລະກົດ ລອນດອນ ນະຄອນຫຼວງຂອງອັງກິດໄດ້ຈັດການເຄື່ອນໄຫວລະລຶກສົງຄາມໂລກຄັ້ງທີສອງໄດ້ຮັບໄຊຊະນະຄົບຮອບ 60 ປີ.
ຕອນເຊົ້າວັນທີ 10 ກໍລະກົດ ໃນຫໍລະລຶກຢູ່ໜ້າໂບດເວັສດ໌ມິນສ໌ເທີ ພະລາຊີນີເອລີຊາເບັດລັດຊະການທີສອງຂອງອັງກິດຊົງໄດ້ວາງດອກໄມ້ສົດໃຫ້ຜູ້ເສຍຊີວິດໃນສົງຄາມໂລກຄັ້ງທີສອງ. ຫຼັງຈາກນັ້ນ ພະລາຊີນີແລະທ່ານແບຼ ນາຍົກລັດຖະມົນຕີພ້ອມດ້ວຍນັກລົບເກົ່າໃນສົງຄາມໂລກຄັ້ງທີສອງຫຼາຍຮ້ອຍຄົນໄດ້ເຂົ້າຮ່ວມພິທີສາສະໜາທີ່ຈັດຂຶ້ນຢູ່ໂບດເວັສດ໌ມິນສ໌ເທີ.
ຕອນບ່າຍ,ຢູ່ກາງເມືອງລອນດອນ ພະລາຊີນີແລະທ່ານແບຼໄດ້ສຳຫຼວດແຖວກອງທະຫານມ້າລາຊະອົງຄະລັກອັງກິດ. ຫຼັງຈາກນັ້ນ ພະລາຊີນີເອລີຊາເບັດຊົງພະລາຊະປາໄສຕໍ່ປະຊາຊົນທົ່ວປະເທດຢູ່ໜ້າມຸກພະລາຊະວັງບັກຄິງຮາມ,ໄດ້ຕີລາຄາສູງຕໍ່ທະຫານອັງກິດທີ່ໄດ້ສະຫຼະຊີວິດເພື່ອປົກປັກຮັກສາປະເທດຊາດໃນສົງຄາມໂລກຄັ້ງທີສອງ,ແລະຊົງສະແດງຄວາມເຄົາລົບຕໍ່ນັກລົບເກົ່າຂອງສົງຄາມໂລກຄັ້ງທີສອງໃນນາມປະຊາຊົນທົ່ວປະເທດ.
|
|
|