|
|
 |
| (GMT+08:00)
2005-07-12 10:53:06
|
 |
|
ທ່ານອານນານສະແດງຄວາມຊົມເຊີຍຕໍ່ການເຈລະຈາຫົກຝ່າຍກ່ຽວກັບບັນຫານີເຄຼຍແຫຼມເກົາຫຼີຈະຟື້ນຟູໃນໄວໆນີ້
cri
Author: q
ຕາມຂ່າວCRI,ວັນທີ11ກໍລະກົດ,ທ່ານອານນານ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການ,ສະແດງຄວາມຊົມເຊີຍຕໍ່ສ.ປ.ປ.ເກົາຫຼີແລະອາເມລິກາທີ່ກ້າວເຖິງຂັ້ນເປັນເອກະສັນກັນແຫ່ງການຟື້ນຟູການເຈລະຈາຫົກຝ່າຍກ່ຽວກັບບັນຫານີວເຄຼຍ.
ຖະແຫຼງການກ່າວເນັ້ນວ່າ,ການດຳເນີນການສົນທະນາບົນພື້ນຖານທີ່ຕ່າງເຄົາລົບກັນແລະມີເຈດຈຳນົງອັນດີງາມນັ້ນແມ່ນວິຖີທາງກົກຮາກໃນການແກ້ໄຂບັນຫານີວເຄຼຍແຫຼມເກົາຫຼີ,ສະຫະປະຊາຊາດສະໜັບສະໜູນບັນດາຝ່າຍທີ່ກ່ຽວຂ້ອງຜ່ານການເຈລະຈາເຮັດໃຫ້ແຫຼມເກົາຫຼີມີສະຖຽນລະພາບ,ຄວາມປອດໄພ,ຄວາມຈະເລີນຮຸ່ງເຮືອງແລະປອດນີວເຄຼຍ.
ໜັງສືພິມໂລດົງຊິນມູນ ສຽງຂອງສູນກາງພັກແຮງງານເກົາຫຼີສະບັບວັນທີ11ກໍລະກົດໄດ້ປະກາດບົດວິຈານໂດຍຂຽນວ່າ,ສ.ປ.ປ.ເກົາຫຼີບໍ່ມີເຈດຈຳນົງມີອາວຸດນິເຄຼຍຖາວອນ,ແລະກ່າວເນັ້ນວ່າຖ້າວ່າອາເມລິກາປະລະນະໂຍບາຍຂົ່ມຂູ່ດ້ວຍນີວເຄຼຍແລະເປັນປໍລະປັກກັນກັບສ.ປ.ເກົາຫຼີແລ້ວ,ຝ່າຍສ.ປ.ປ.ເກົາຫຼີຍິນດີໃຊ້ການກະທຳພ້ອມກັນ,ສະແດງທ່າທີທີ່ສົມຄູ່ກັນ.ທ່ານແມັກເຄຼແລນ ໂຄສົກທຳນຽບຂາວອາເມລິກາໄດ້ເວົ້າຕໍ່ສື່ມວນຊົນວ່າ,ອາເມລິກາຫວັງໃຫ້ສ.ປ.ປ.ເກົາຫຼີຈົ່ງຕັ້ງໃຈຕອບສະໜອງຂໍ້ສະເໜີກ່ຽວກັບການແກ້ໄຂບັນຫານີວເຄຼຍແຫຼມເກົາຫຼີທີ່ອາເມລິກາສະເໜີອອກມາໃນການເຈລະຈາຫົກຝ່າຍເມື່ອໜຶ່ງປີກ່ອນ.
ນອກນີ້,ຂ່າວແຈ້ງວ່າ, ວັນທີ11ກໍລະກົດ,ທ່ານໂຮໂຊດາ ຮິໂຣຢູຄີ ເລຂາທິການຄະນະລັດຖະບານຍີ່ປຸ່ນກ່າວວ່າຫວັງໃຫ້ຈັດການເຈລະຈາກັບສ.ປ.ປ.ເກົາຫຼີກ່ຽວກັບບັນຫາລັກພາຕົວຄົນຍີ່ປຸ່ນໃນການເຈລະຈາຫົກຝ່າຍ.
|
|
|
