ເພື່ອຊຸກຍູ້ໃຫ້ການສອນພາສາຮັ້ນໃນໂລກຈະເລີນແລະພັດທະນາ, ຊຸກຍູ້ການເຜີຍແຜ່ວັດທະນະທຳພາສາຈີນໃນຂອບເຂດທົ່ວໂລກ, ເດືອນກໍລະກົດປີ 2005, ໜ່ວຍຜູ່ນຳການສອນພາສາຮັ້ນຕໍ່ຕ່າງປະເທດແຫ່ງຊາດຈີນຈະຈັດກອງປະຊຸມພາສາຮັ້ນໂລກຢູ່ທີ່ປັກກິ່ງ. ກອງປະຊຸມເທື່ອນີ້ມີຫົວຂໍ້ວ່າ: ການພັດທະນາພາສາຮັ້ນໃຕ້ຂອບວັດທະນະທຳຫຼາຍເຄົ້າໃນໂລກ, ໄດ້ເຊື້ອເຊີນລັດຖະມົນຕີກະຊວງສຶກສາທິການຂອງລັດຖະບານປະເທດຕ່າງໆ ແລະເຈົ້າໜ້າທີ່ສຳຄັນທີ່ຄຸ້ມຄອງນະໂຍບາຍການສອນພາສາຈີນ ພ້ອມດ້ວຍອະທິການບໍດີຂອງມະຫາວິທະຍາໄລທີ່ມີຊື່ສຽງດົ່ງດັງໃນໂລກ ນັກຈີນສຶກສາທີ່ມີຊື່ສຽງແລະຄູສອນພາສາຮັ້ນເປັນຕົ້ນມາເຂົ້າຮ່ວມກອງປະຊຸມ, ຮອດເວລານັ້ນ, ຜູ່ນຳຈີນກໍ່ຈະເຂົ້າຮ່ວມກອງປະຊຸມ.
ຜູ່ຈັດຕັ້ງກອງປະຊຸມ: ໜ່ວຍຜູ່ນຳການສອນພາສາຮັ້ນຕໍ່ຕ່າງປະເທດແຫ່ງຊາດຈີນ
ຜູ່ຮັບຜິດຊອບປະຕິບັດ: ກະຊວງສຶກສາທິການຈີນ
ເວລາໄຂກອງປະຊຸມ: ແຕ່ວັນທີ 20 (ວັນພຸດ)ຮອດວັນທີ 22 (ວັນສຸກ)ກໍລະກົດປີ 2005 ທີ່ຕັ້ງ: ປັກກິ່ງຈີນ
ຫົວຂໍ້ກອງປະຊຸມ: ການພັດທະນາພາສາຮັ້ນໃຕ້ຂອບວັດທະນະທຳຫຼາຍເຄົ້າໃນໂລກ
ສາຂາກອງປະຊຸມແຫ່ງທີໜຶ່ງ: ການເຊື່ອມໂຍງເຂົ້າກັນລະຫວ່າງວັດທະນະທຳຫຼາຍເຄົ້າແລະຄວາມຕ້ອງການພາສາຮັ້ນ
1. ບັນຫາການພັດທະນາພາສາຮັ້ນໃຕ້ຂອບວັດທະນະທຳຫຼາຍເຄົ້າໃນໂລກ(ນະໂຍບາຍພັດທະນາພາສາຮັ້ນຂອງບັນດາປະເທດ);
2. ບົດບາດຂອງພາສາຮັ້ນໃນການຊຸກຍູ້ການແລກປ່ຽນດ້ານວັດທະນະທຳແລະການພັດທະນາເສດຖະກິດການຄ້າລະຫວ່າງປະເທດຕົນກັບຈີນ;
3. ຄວາມຕ້ອງການໃນການຮຽນພາສາຮັ້ນແລະການອຳນວຍການບໍລິການ.
ສາຂາກອງປະຊຸມແຫ່ງທີສອງ: ກົນໄກການໝູນເດີນແຫ່ງການສອນພາສາຮັ້ນໃນສະໄໝໃໝ່
1. ການກໍ່ສ້າງແລະພັດທະນາວິທະຍາຄານຂົງຈື້;
2. ການປະຕິຮູບແລະພັດທະນາການສອບເສັງລະດັບພາສາຮັ້ນຫຼື HSK;
3. ແຜນການອົບຮົມຄູສອນພາສາຮັ້ນຢູ່ຕ່າງປະເທດ;
4. ການປະດິດສ້າງແບບຮຽນແລະການຈັດສັນຊັບພະຍາກອນເຄືອຂ່າຍ.
ສາຂາກອງປະຊຸມແຫ່ງທີສາມ: ອະນາຄົດການພັດທະນາການສອນພາສາທີສອງສາກົນ
1. ການຄົ້ນຄວ້າທິດສະດີການສອນພາສາທີສອງ;
2. ການແນະນຳຮູບແບບເຜີຍແຜ່ການສອນພາສາທີສອງ;
3.ການຄົ້ນຄວ້າທິດສະດີການສອນພາສາຮັ້ນໃນຖານະເປັນພາສາທີສອງ.
ພາສາທີ່ໃຊ້ໃນກອງປະຊຸມ: ພາສາຮັ້ນ(ແປເປັນພາສາອັງກິດເຊິ່ງແປໄປພ້ອມກັນກັບຜູ່ກ່າວຄຳປາໄສ)
ຂະໜາດກອງປະຊຸມ: 300 ຄົນ
ການເຄື່ອນໄຫວຕ່າງໆ: (ຜູ່ແທນທີ່ໄດ້ຮ້ອງຂໍເຂົ້າຮ່ວມການເຄື່ອນໄຫວຕ່າງໆຫຼັງກອງປະຊຸມ ຈະໃຫ້ຝ່າຍຈັດຕັ້ງກອງປະຊຸມຈັດວາງ)
1.ງານສຳມະນາການສອນພາສາຮັ້ນສາກົນຄັ້ງທີ 8
2. ງານສຳມະນາວິຊາການການສອນພາສາຮັ້ນຢູ່ຕ່າງປະເທດ
3.ຈັດ "ງານວາງສະແດງການສອນພາສາຮັ້ນໃນໂລກ", ວາງສະແດງແບບຮຽນພາສາຮັ້ນທີ່ດີເລີດຢູ່ພາຍໃນປະເທດແລະຕ່າງປະເທດ
4.ການເສັງພາສາຈີນ "ຂົວສະພານພາສາຮັ້ນ" ຂອງນັກສຶກສາໂລກຄັ້ງທີ 4
5.ຈັດຊຸດອົບຮົມພາສາຮັ້ນໃນໄລຍະພັກຮຽນລະດູຮ້ອນແລະງານຄ້າຍພັກແຮມລະດູຮ້ອນສຳລັບນັກສຶກສາແລະນັກຮຽນມັດທະຍົມສາກົນ
6. ການແນະນຳປະຫວັດອາລະຍະທຳປະຊາຊາດຈີນ
ອີເມນ: jiaoliu@hanban.edu.cn
ທີ່ຕັ້ງເວັບໄຊ: www.hanban.edu.cn
ທີ່ຕັ້ງເວັບໄຊສະເພາະກອງປະຊຸມພາສາຮັ້ນໂລກ: www.hyconference.edu.cn
|