|
|
 |
| (GMT+08:00)
2005-07-12 17:51:08
|
 |
|
ຝ່າຍຈີນກ່າວປະນາມຢ່າງຮຸນແຮງຕໍ່ສະມາຊິກຄະນະລັດຖະບານຍີ່ປຸ່ນເປີດປ່າວຖ້ອຍຄວາມກ່ຽວກັບບັນຫາ"ນາງບຳເລີທະຫານ"ອີກເທື່ອໜຶ່ງ
cri
Author: li
ຕາມຂ່າວ CRI: ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງໃນວັນທີ 12 ກໍລະກົດ ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນສະແດງຄວາມຄຽດແຄ້ນແລະກ່າວປະນາມຢ່າງຮຸນແຮງຕໍ່ສະມາຊິກຄະນະລັດຖະບານຍີ່ປຸ່ນກ່າວຄວາມເວົ້າທີ່ບໍ່ຮູ້ໜ້າອາຍຈັກເມັດກ່ຽວກັບບັນຫາ"ນາງບຳເລີທະຫານ"ອີກເທື່ອໜຶ່ງ.
ຕາມຊາບວ່າ,ຫວ່າງມໍ່ໆນີ້ ໃນເວລາທ່ານນາຄາຢາມາ ໂນຣີອາຄີ ລັດຖະມົນຕີກະຊວງສຶກສາທິການແລະວິທະຍາສາດຍີ່ປຸ່ນກ່າວປາຖະກະຖານັ້ນ,ເຂົາໄດ້ເອົາອີເມວຂອງນັກຮຽນນອກເພດຍິງຜູ້ໜຶ່ງຂອງຍີ່ປຸ່ນມາກ່າວວ່າ,"ແມ່ຍິງອາຊີທີ່ຖືກທຳຮ້າຍຄວນຮູ້ສຶກພາກພູມໃຈທີ່ໄດ້ເປັນນາງບຳເລີໃນກອງທະຫານ",ແລະກ່າວວ່າເຂົາຮູ້ສຶກຕື້ນຕັນໃຈນຳຄຳໃຫ້ກຳລັງໃຈແກ່ເຂົາດັ່ງກ່າວ.
ທ່ານລິວຈ້ຽນຊ່າວກ່າວວ່າ,ຄວາມເວົ້າແນວນີ້ໄດ້ບາດໃຈປະຊາຊົນຂອງປະເທດທີ່ຖືກທຳຮ້າຍ,ລັດຖະບານຍີ່ປຸ່ນມີໜ້າທີ່ຜູກມັດກິລິຍາວາຈາຂອງຜູ້ກ່ຽວຢ່າງເຂັ້ມງວດ.
|
|
|
