|
ຕາມຂ່າວ CRI: ວັນທີ 12 ກໍລະກົດ ຢູ່ທີ່ປັກກິ່ງ ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນໄດ້ພົບປະຄະນະຢ້ຽມຢາມແຜ່ນດິນໃຫຍ່ເພື່ອລະລຶກສົງຄາມຕໍ່ຕ້ານຍີ່ປຸ່ນໄດ້ຮັບໄຊຊະນະຄົບຮອບ 60 ປີຂອງພັກຊິ່ນຕັງທີ່ໂດຍທ່ານທ່ານອີ້ມູ້ມິງ ປະທານພັກພ້ອມດ້ວຍຄະນະ.
ໃນເວລາພົບປະ,ທ່ານຫູຈິນທ່າວຊີ້ອອກວ່າ,ພວກຂ້າພະຈົ້າຍິນດີພ້ອມກັນກັບເພື່ອນທັງຫຼາຍໃນພັກຊິ່ນຕັງ,ສືບຕໍ່ເດັດດ່ຽວຄັດຄ້ານອິດທິກຳລັງແບ່ງແຍກທີ່ໃຫ້ໄຕ້ຫວັນເປັນເອກະລາດແລະການເຄື່ອນໄຫວຂອງພວກເຂົາ,ປົກປັກຮັກສາສັນຕິພາບແລະສະຖຽນລະພາບຂອງເຂດຊ່ອງແຄບໄຕ້ຫວັນ,ສ້າງຄວາມສຸກໃຫ້ພີ່ນ້ອງຮ່ວມຊາດສອງຝັ່ງ.
ທ່ານອີ້ມູ້ມິງກ່າວວ່າ,ພັກຊິ່ນຕັງຍຶດໝັ້ນຫຼັກການຈີນດຽວແລະຍຶດໝັ້ນຫຼັກໝັ້ນຄັດຄ້ານການແຍກໄຕ້ຫວັນໃຫ້ເປັນເອກະລາດຢ່າງສະເໝີຕົ້ນສະເໝີປາຍ. ພັກຊິ່ນຕັງຢ້ຽມຢາມແຜ່ນດິນໃຫຍ່ເທື່ອນີ້ແມ່ນການຢ້ຽມຢາມທາງປະຊາຊາດ,ກໍແມ່ນເພື່ອສະແຫວງຫາຈິດໃຈອັນສະຫງ່າເປັນທຳຂອງຊາດ,ໃຫ້ປະຊາຊາດຈີນຈະເລີນຮຸ່ງເຮືອງ.
ກ່ຽວກັບການຂະຫຍາຍການພົວພັນລະຫວ່າງສອງຝັ່ງໃນສະເພາະໜ້າ,ທ່ານຫູຈິນທ່າວໄດ້ສະເໜີທັດສະນະ 4 ຂໍ້ຄື: ໜຶ່ງ,ພ້ອມກັນຊຸກຍູ້ຄວາມຈະເລີນອັນຍິ່ງໃຫຍ່ຂອງຊາດຈີນ; ສອງ,ຍຶດໝັ້ນຫຼັກການຈີນດຽວ; ສາມ,ເດັດດ່ຽວຄັດຄ້ານແລະສະກັດກັ້ນການໃຫ້ໄຕ້ຫວັນເປັນເອກະລາດ; ສີ່,ເບິ່ງແຍງແລະຮັກສາສິດທິແລະຜົນປະໂຫຍດຕິດຕົວຂອງພີ່ນ້ອງຮ່ວມຊາດໄຕ້ຫວັນຢ່າງແທ້ຈິງ.
1 2 3 4 5 6 7 8 9 10
|
