|
ສ.ເກົາຫຼີແລະອາເມລິກາກ່າວວ່າຈະທຳຄວາມພະຍາຍາດຢ່າງສຸດຂີດເຮັດໃຫ້ການເຈລະຈາຫົກຝ່າຍຮອບໃໝ່ໄດ້ຮັບຄວາມຄືບໜ້າທີ່ມີລັກສະນະທາດແທ້
cri
Author: q
ຕາມຂ່າວCRI,ຕອນຄ່ຳວັນທີ12ກໍລະກົດ,ຢູ່ເຊອຸນ,ທ່ານນາງໄລສ໌ ລັດຖະມົນຕີການຕ່າງປະເທດອາເມລິກາໄດ້ເຈລະຈາກັບທ່ານບານກີມູນ ລັດຖະມົນຕີກະຊວງການຕ່າງປະເທດແລະການຄ້າສ.ເກົາຫຼີ.ສອງຝ່າຍກ່າວວ່າ,ສ.ເກົາຫຼີແລະອາເມລິກາໄດ້ກຽມພ້ອມແລ້ວ,ຈະທຳຄວາມພະຍາຍາມຢ່າງສຸດຂີດ,ຊຸກຍູ້ໃຫ້ການເຈລະຈາຫົກຝ່າຍຮອບໃໝ່ກ່ຽວກັບບັນຫານີວເຄຼຍແຫຼມເກົາຫຼີໄດ້ຮັບຄວາມຄືບໜ້າທີ່ມີລັກສະນະທາດແທ້.
ທ່ານນາງໄລສ໌ກັບທ່ານບານກີມູນເປັນເອກະສັນກັນເຫັນວ່າ,ການເຈລະຈາຫົກຝ່າຍຮອບໃໝ່ຕ້ອງໄດ້ຮັບຄວາມຄືບໜ້າທີ່ມີລັກສະນະທາດແທ້.ສະນັ້ນ,ສອງຝ່າຍໄດ້ເຈາະຈົງຫາລືບັນຫາຕ່າງໆເຊັ່ນກຳນົດຫົວຂໍ້ທີ່ມີລັກສະນະທາດແທ້ຂອງການເຈລະຈາເປັນຕົ້ນ.ນອກນີ້,ສອງຝ່າຍຍັງໄດ້ຫາລືຍັດຕິສຳຄັນຂອງຝ່າຍສ.ເກົາຫຼີກ່ຽວກັບການແກ້ໄຂບັນຫານີວເຄຼຍແຫຼມເກົາຫຼີ.
ວັນທີ12ກໍລະກົດ,ທ່ານຈູງຕົງຢົງ ລັດຖະມົນຕີກະຊວງເອກະພາບສ.ເກົາກ່າວ່າ,ຖ້າວ່າສ.ປ.ປ.ເກົາຫຼີໃຫ້ຄຳໝັ້ນສັນຍາວ່າຈະປະລະແຜນການອາວຸດນີວເຄຼຍຢ່າງເຖິງຖອງ,ສ.ເກົາຫຼີຍິນດີຈະສະໜອງໄຟຟ້າ2ລ້ານກິໂລວັດຕໍ່ປີໃຫ້ສ.ປ.ປ.ເກົາຫຼີ,ເພື່ອເຂົ້າແທນກິດຈະການກໍ່ສ້າງເຄື່ອງປະຕິກອນນ້ຳທາດເບົາຂອງສ.ປ.ປ.ເກົາຫຼີທີ່ເຊົາການກໍ່ສ້າງໃນສະເພາະໜ້ານີ້.
ນອກນີ້,ຂ່າວແຈ້ງວ່າ,ວັນທີ12ກໍລະກົດ,ທ່ານແມັກເຄຼແລນ ໂຄສົກທຳນຽບຂາວອາເມລິກາໄດ້ຮຽກຮ້ອງໃຫ້ສ.ປ.ປ.ເກົາຫຼີປະລະແຜນການນີວເຄຼຍ,ແລະໃຫ້ຄຳຕອບຕໍ່ຂໍ້ສະເໜີກ່ຽວກັບການແກ້ໄຂບັນຫານີວເຄຼຍແຫຼມເກົາຫຼີທີ່ອາເມລິກາສະເໜີອອກມາເມື່ອໜຶ່ງປີກ່ອນ.
|
|
