|
ການຮ່ວມມືເສດຖະກິດອະນຸພາກພື້ນແມ່ນ້ຳຂອງຕິດແທດຕົວຈິງແລະບັງເກີດຜົນສັກສິດ
----ສຳພາດທ່ານສົມຈິດ ອິນທະມິດ ຫົວໜ້າກົມເສດຖະກິດອາຊຽນກະຊວງການຕ່າງປະເທດລາວ(ສຽງ)
cri
Author: mo
|
ກອງປະຊຸມຜູ້ນຳGMSຄັ້ງທີ 2 ທີ່ໄຂຂຶ້ນຢູ່ເມືອງຄຸນມິງແຂວງຢຸນນານຈີນເປັນເວລາສອງມື້ໄດ້ອັດລົງແລ້ວໃນຫວ່າງມໍ່ໆນີ້. ນາຍົກລັດຖະມົນຕີຂອງ 6 ປະເທດຄືຈີນ ລາວ ໄທ ກຳປູເຈຍ ມຽນມາແລະຫວຽດນາມໄດ້ເຊັນຄຳຖະແຫລງການຄຸນມິງ, ໂດຍກ່າວວ່າ, ຍິນດີສືບຕໍ່ຊຸກຍູ້ການຮ່ວມມືແລະການພັດທະນາລະຫວ່າງ 6 ປະເທດອະນຸພາກພື້ນແມ່ນ້ຳຂອງ.
ຫລັງກອງປະຊຸມ, 6 ປະເທດຍັງໄດ້ເຊັນເອກະສານຮ່ວມມືກ່ຽວກັບການຂົນສົ່ງຜູ້ໂດຍສານແລະສິນຄ້າຂ້າມຊາຍແດນໃຫ້ສະດວກ, ເພີ່ມທະວີການປ້ອງກັນແລະຄວບຄຸມພະຍາດສັດ, ເພີ່ມທະວີການສ້າງສາທາງດ່ວນຂໍ້ມູນຂ່າວສານ, ແລະຊຸກຍູ້ການຄ້າໄຟຟ້າ, ແລະອະນຸມັດຂໍ້ລິເລີ່ມການຮ່ວມມືຈຸດໜັກຕ່າງໆເຊັ່ນ ການຄ້າແລະການລົງທຶນຂອງGMSມີຄວາມສະດວກ ການສ້າງທາງຜ່ານຮັກສາຄວາມຫລາກຫລາຍຂອງຊີວະຊາດເປັນຕົ້ນ. ໃນເວລາຕ້ອນຮັບການເຂົ້າສຳພາດຂອງນັກຂ່າວວິທະຍຸCRI, ທ່ານສົມຈິດ ອິນທະມິດ ຫົວໜ້າກົມເສດຖະກິດອາຊຽນກະຊວງການຕ່າງປະເທດລາວກ່າວວ່າ, ການຮ່ວມມືເສດຖະກິດໃນອະນຸພາກພື້ນແມ່ນ້ຳຂອງຖືການຮ່ວມມືໂຄງການເປັນຫລັກ, ຕິດແທດຕົວຈິງ, ເອກະສານຕ່າງໆທີ່ເຊັນໃນເທື່ອນີ້ຈະມີຜົນປະໂຫຍດຕໍ່ສາມັນຊົນຂອງ 6 ປະເທດ, ທ່ານເວົ້າວ່າ: (ອັດສຽງ 1)
ກອງປະຊຸມຜູ້ນຳGMSບາ 3 ປີຈັດຂຶ້ນເທື່ອໜຶ່ງ, ກອງປະຊຸມຄັ້ງທຳອິດຈັດຂຶ້ນຢູ່ກຳປູເຈຍເມື່ອປີ 2002. ທ່ານສົມຈິດກ່າວວ່າ, ແຕ່ກອງປະຊຸມຜູ້ນຳGMSຄັ້ງທຳອິດມານີ້, ລາວແລະຈີນໄດ້ຮ່ວມມືໃນຫລາຍໂຄງການຢ່າງສຳເລັດຜົນແລ້ວ. (ອັດສຽງ 2)
ສຸດທ້າຍ, ທ່ານສົມຈິດກ່າວວ່າ, ຄຳຖະແຫລງການຄຸນມິງທີ່ຜ່ານຮັບຮອງໃນກອງປະຊຸມເທື່ອນີ້ມີຄວາມໝາຍສຳຄັນທີ່ສຸດຕໍ່ການຊຸກຍູ້ການຮ່ວມມືແລະການພັດທະນາລະຫວ່າງອະນຸພາກພື້ນແມ່ນ້ຳຂອງ. (ອັດສຽງ 3)
|
|
