|
ຣັດເຊຍຮຽກຮ້ອງໃຫ້ສ.ປ.ປ.ເກົາຫຼີພິຈາລະນາຢ່າງຮອບດ້ານກ່ຽວກັບບັນຫາເຂົ້າຮ່ວມສົນທິສັນຍາບໍ່ແຜ່ຜາຍອາວຸດນີວເຄຼຍຄືນໃໝ່.
cri
Author: q
ຕາມຂ່າວCRI,ວັນທີ13ກໍລະກົດ,ທ່ານອາເລັກເຊັຟ ຮອງລັດຖະມົນຕີການຕ່າງປະເທດຣັດເຊຍກ່າວວ່າ,ຣັດເຊຍຮຽກຮ້ອງໃຫ້ ສ.ປ.ປ.ເກົາຫຼີພິຈາລະນາຢ່າງຮອບດ້ານກ່ຽວກັບບັນຫາເຂົ້າຮ່ວມສົນທິສັນຍາບໍ່ແຜ່ຜາຍອາວຸດນີວເຄຼຍຄືນໃໝ່,ແລະຫວັງໃຫ້ການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີຮອບທີສີ່ທີ່ຈະຈັດຂຶ້ນໃນໄວໆນີ້ຈະໄດ້ຮັບຄວາມຄືບໜ້າໃນການແກ້ໄຂບັນຫານີວເຄຼຍແຫຼມເກົາຫຼີ.
ທ່ານອາເລັກເຊັຟກ່າວວ່າ,ເມື່ອສັງເກດ ວີແວວຕ່າງໆແລ້ວເຫັນວ່າ,ຝ່າຍສ.ປ.ປ.ເກົາຫຼີອາດຈະພິຈາລະນາບັນຫາເຂົ້າຮ່ວມສົນທິສັນຍາບໍ່ແຜ່ຜາຍອາວຸດນີວເຄຼຍຄືນໃໝ່.ຝ່າຍຣັດເຊຍເຫັນວ່າ,ນີ້ຕ້ອງການພິຈາລະນາຢ່າງຮອບດ້ານ,ຄືໃຊ້ແຜນການແກ້ໄຂພວງດຽວມາແກ້ໄຂບັນຫາທີ່ກ່ຽວຂ້ອງກັບບັນຫານີວເຄຼຍແຫຼມເກົາຫຼີ.ສະນັ້ນ,ກ່ອນອື່ນ,ຄວນລົບລ້າງຄວາມວິຕົກກັງວົນຕ່າງໆທີ່ຝ່າຍສ.ປ.ປ.ເກົາຫຼີແລະບັນດາຝ່າຍທີ່ກ່ຽວຂ້ອງຍັງມີຢູ່ໃນປັດຈຸບັນ.ທ່ານກ່າວລື້ມວ່າ,ຣັດເຊຍມີເຈດຈຳນົງສະໜອງການຮັບປະກັນຄວາມປອດໄພໃຫ້ສ.ປ.ປ.ເກົາຫຼີ.ທ່ານອາເລັກເຊັຟຍັງກ່າວວ່າ,ການເຈລະຈາຫົກຝ່າຍຮອບທີສີ່ທີ່ຈະຈັດຂຶ້ນໃນໄວໆນີ້ມີຄວາມອາດເປັນໄປໄດ້ທີ່ຈະໄດ້ຮັບຄວາມຄືບໜ້າອັນແນ່ນອນໃນການແກ້ໄຂບັນຫານີວເຄຼຍແຫຼມເກົາຫຼີ.
|
|
