|
|
 |
| (GMT+08:00)
2005-07-14 17:44:43
|
 |
|
ຈີນຈະໂຈມຕີການໂຄສະນາສິນຄ້າປອມແລະລະເມີດກົດໝາຍ
cri
Author: li
ຕາມຂ່າວສານຊິນຮວາ: ວັນທີ 14 ກໍລະກົດ ຢູ່ທີ່ທຽນສິນ ທ່ານວາງຈົ້ງຟູ ຫົວໜ້າກົມໃຫຍ່ຄຸ້ມຄອງບໍລິຫານອຸດສາຫະກຳການຄ້າແຫ່ງຊາດຈີນເຜີຍໃຫ້ຮູ້ວ່າ,ພະແນກອຸດສາຫະກຳການຄ້າຂອງຈີນຈະອອກແຮງດຳເນີນການເຄື່ອນໄຫວຈຳເພາະຄືໂຈມຕີການໂຄສະນາສິນຄ້າປອມແລະລະເມີດກົດໝາຍ,ສະກັດກັ້ນທ່ວງທ່າທີ່ການໂຄສະນາອາຫານບຳລຸງ,ຢຸກຢາແລະປິ່ນປົວພະຍາດທີ່ປອມແປງແລະລະເມີດກົດໝາຍ.
ໃນກອງປະຊຸມທີ່ໄຂຂຶ້ນຢູ່ທຽນສິນ ທ່ານວາງຈົ້ງຟູແນະນຳວ່າ,ການໂຄສະນາສິນຄ້າປອມແລະລະເມີດກົດໝາຍປະເພດອາຫານບຳລຸງ,ຢຸກຢາ,ການປິ່ນປົວພະຍາດ,ເຄື່ອງສຳອາງແລະການບໍລິການເສີມສວຍພ້ອມດ້ວຍການນຳໃຊ້ອິນເຕີເນັດໂຄສະນາສິນຄ້າປອມແລະລະເມີດກົດໝາຍລ້ວນແຕ່ແມ່ນເປົ້າໝາຍຈຸດໜັກທີ່ພະແນກອຸດສາຫະກຳການຄ້າຈະໂຈມຕີໃນໄລຍະຕໍ່ໄປ. ທ່ານຍັງຊີ້ອອກວ່າ,ຕໍ່ໄປພາຍໜ້າ,ພະແນກອຸດສາຫະກຳການຄ້າຂອງຈີນຈະສືບຕໍ່ເພີ່ມທະວີການຕິດຕາມຄຸ້ມຄອງເຈົ້າຂອງໂຄສະນາສິນຄ້າ,ປົວແປງການໂຄສະນາສິນຄ້າປອມແລະລະເມີດກົດໝາຍແບບຕັດໄຟຕົ້ນລົມ; ຕໍ່ເຈົ້າຂອງສິນຄ້າທີ່ໂຄສະນາລະເມີດກົດໝາຍຫຼາຍເທື່ອ,ຈະລົງໂທດຢ່າງເຂັ້ມງວດເດັດຂາດ.
|
|
|
