|
|
 |
| (GMT+08:00)
2005-07-14 20:49:18
|
 |
|
ການສອບເສັງລະດັບພາສາຈີນ(HSK)ໝາຍຄວາມວ່າແນວໃດ?
cri
Author: li
ການສອບເສັງລະດັບພາສາຈີນ(HSK)ແມ່ນການສອບເສັງຕ່າງໆເພື່ອກວດສອບລະດັບພາສາຈີນຂອງຜູ້ທີ່ພາສາແມ່ບໍ່ແມ່ນພາສາຈີນ. ກວດສອບຄວາມສາມາດຂອງນັກຮຽນໃນການໃຊ້ພາສາຈີນແລກປ່ຽນແລະທຳຄວາມເຂົ້າໃຈກັນໃນສະພາບຕ່າງໆເຊັ່ນຮ່ຳຮຽນໃນໂຮງຮຽນຫຼືເຮັດວຽກຢູ່ອົງການລັດຖະບານ,ວິສາຫະກິດແລະອົງການອື່ນໆ. HSK ແມ່ນຊື່ຫຍໍ້ຂອງຕົວອັກສອນຜັນສຽງຈີນວ່າ Hanyu Shuiping Kaoshi.
ປັດຈຸບັນ HSK ໄດ້ມີການສອບເສັງຕ່າງໆເຊັ່ນພື້ນຖານ,ຊັ້ນຕົ້ນຊັ້ນກາງ,ຊັ້ນສູງ,ເດັກນ້ອຍ,ການຄ້າ,ເລຂາແລະການທ່ອງທ່ຽວ,ສາມາດຕອບສະໜອງຄວາມຕ້ອງການຂອງການກວດສອບລະດັບພາສາຈີນໃນຂອບເຂດທົ່ວໂລກຢ່າງຮອບດ້ານ.
ການສອບເສັງພື້ນຖານ,ຊັ້ນຕົ້ນ,ຊັ້ນກາງແລະຊັ້ນສູງແມ່ນເຊື່ອມຕໍ່ກັນໃນລະດັບຊັ້ນ. ໃຊ້ມາກວດກາຜູ້ຫາກໍ່ຮຽນພາສາຈີນແລະຜູ້ທີ່ມີລະດັບພາສາຈີນຊັ້ນກາງແລະຊັ້ນສູງ,ສະໜອງຫຼັກອ້າງອີງໃຫ້ແກ່ໂຮງຮຽນທີ່ກ່ຽວຂ້ອງແລະອົງການໃຊ້ຄົນ; ການສອບເສັງເດັກນ້ອຍແມ່ນກວດສອບເດັກນ້ອຍ 15 ປີລົງລຸ່ມທີ່ຮຽນພາສາຈີນ; ການສອບເສັງດ້ານການຄ້າ,ເລຂາແລະການທ່ອງທ່ຽວປະກອບເປັນການສອບເສັງລະດັບພາສາຈີນອາຊີບ,ສຳຄັນແມ່ນຮັບໃຊ້ອົງການໃຊ້ຄົນໃນຂະແໜງການທີ່ກ່ຽວຂ້ອງ,ສະໜອງຫຼັກອ້າງອີງໃນດ້ານຕົກລົງຮັບສະໝັກ,ເລືອກເຟັ້ນແລະອົບຮົມບຸກຄະລາກອນ
ການສອບເສັງພື້ນຖານ,ຊັ້ນຕົ້ນ,ຊັ້ນກາງແລະຊັ້ນສູງແມ່ນການສອບເສັງຫຼັກ,ການສອບເສັງເດັກນ້ອຍ,ການຄ້າ,ເລຂາແລະການທ່ອງທ່ຽວແມ່ນການສອບເສັງສາຂາລາຍສະເພາະ. ການສອບເສັງສາຂາລາຍສະເພາະແມ່ນການກວດສອບລະດັບພາສາຈີນແບບໃໝ່ບົນພື້ນຖານການສອບເສັງຫຼັກເພື່ອໃຫ້ສອດຄ່ອງກັບຄວາມຕ້ອງການຂອງສະພາບຂະຫຍາຍຕົວຂອງພາສາຈີນໃນໂລກແລະຕອບສະໜອງຄວາມຕ້ອງການຂອງຊຸມຊົນຜູ້ສອບເສັງທີ່ຕ່າງກັນ. ລະຫວ່າງການສອບເສັງຫຼັກກັບການສອບເສັງສາຂາລາຍສະເພາະມີອີງອາໄສກັນ ທັງເປັນອິດສະຫຼະແລະຕ່າງຕາບຈູນກັນ. ການສອບເສັງຕ່າງໆລ້ວນແຕ່ຄົ້ນຄວ້າຈັດວາງຕາມມາດຖານທີ່ເປັນເອກະພາບກັນ.
ພຶດຕິກຳແລະການພັດທະນາເປັນເວລາ 20 ປີເຮັດໃຫ້ HSKມີຈຸດພິເສດແລະທ່າແຮງທີ່ແຈ່ມແຈ້ງ. HSK ໄດ້ກາຍເປັນມາດຖານອັນດັບໜຶ່ງໃນການກວດສອບລະດັບພາສາຈີນ,ຖືກນຳໃຊ້ຢ່າງຫຼວງຫຼາຍໃນໂລກ. ນັບມາຮອດທ້າຍປີ 2004 ໄດ້ມີນັກຮຽນຕ່າງປະເທດ 4 ແສນກວ່າຄົນເຂົ້າຮ່ວມການສອບເສັງລະດັບພາສາຈີນ.
|
|
|
