|
|
(GMT+08:00)
2005-07-15 18:07:14
|
|
ຄ້າຍພັກແຮມລະດູຮ້ອນຊາວໜຸ່ມພີ່ນ້ອງຮ່ວມຊາດໄຕ້ຫວັນພັນຄົນສິ້ນສຸດການເຄື່ອນໄຫວຢູ່ປັກກິ່ງ
cri
Author: li
ຕາມຂ່າວສານຊິນຮວາ: ວັນທີ 15 ກໍລະກົດ ຄ້າຍພັກແຮມລະດູຮ້ອນຊາວໜຸ່ມພີ່ນ້ອງຮ່ວມຊາດໄຕ້ຫວັນພັນຄົນຂອງສະຫະພັນມິດຕະພາບພີ່ນ້ອງຮ່ວມຊາດໄຕ້ຫວັນທົ່ວປະເທດຈີນໄດ້ສິ້ນສຸດການເຄື່ອນໄຫວໃນໄລຍະຢູ່ທີ່ປັກກິ່ງ. ຫຼັງຈາກນັ້ນ ສະມາຊິກຄ້າຍພັກແຮມຈະແບ່ງເປັນ 26 ຄ້າຍສາຂາຢ້ຽມຢາມແຫ່ງຕ່າງໆໃນແຜ່ນດິນໃຫຍ່ປະເທດຊາດຕໍ່ໄປ.
ໃນໄລຍະຢູ່ປັກກິ່ງ,ສະມາຊິກຄ້າຍພັກແຮມທີ່ມາຈາກເກາະໄຕ້ຫວັນແລະສະມາຊິກຄ້າຍທີ່ມາຈາກເຂດພິເສດຮົງກົງແລະຕ່າງປະເທດພ້ອມດ້ວຍນັກຮຽນໄຕ້ຫວັນທີ່ຮຽນຢູ່ແຜ່ນດິນໃຫຍ່ໄດ້ໄປທ່ຽວຊົມປູຊະນີຍະສະຖານຕ່າງໆເຊັ່ນພະລາຊະວັງກູ້ກົ່ງ,ສວນອີ້ເອີຢວນແລະກຳແພງເມືອງຈີນເປັນຕົ້ນໄດ້ໄປຊົມຂົວລູໂກ່ວແລະຫໍລະລຶກສົງຄາມປະຊາຊົນຈີນຕໍ່ຕ້ານຍີ່ປຸ່ນ,ໄປໂອ້ລົມກັບຊາວໜຸ່ມນັກສຶກສາແຜ່ນດິນໃຫຍ່ຢູ່ມະຫາວິທະຍາໄລປັກກິ່ງ,ມະຫາວິທະຍາໄລຊິ່ງຮວາແລະມະຫາວິທະຍາໄລປະຊາຊົນຈີນ,ຍັງໄດ້ເຂົ້າຮ່ວມການເຄື່ອນໄຫວ"ເກາະແຂນອະນາຄົດ,ເກາະແຂນຄວາມຫວັງ--ງານມະໂຫລະສົບນັກສຶກສາ 4 ພັນຄົນຂອງສອງຝັ່ງຊ່ອງແຄບໄຕ້ຫວັນ".
|
|
|