|
|
 |
| (GMT+08:00)
2005-07-16 16:24:10
|
 |
|
ປະຊາຄົມໂລກເອົາໃຈໃສ່ນຳການປະທະກັນຄັ້ງໃໝ່ລະຫວ່າງປາເລັສຕີນອິສລະແອນ
cri
Author: da
ຕາມຂ່າວCRI: ຫວ່າງມໍ່ໆນີ້ ກອງທະຫານອິສລະແອນໄດ້ເປີດການຫຼອນໂຈມຕີທີ່ຮຸນແຮງກວ່າທຸກຄັ້ງຕໍ່ພວກປະກອບອາວຸດປາເລັສຕີນແຕ່ປາເລັສຕີນອິສລະແອນເຊັນສັນຍາຢຸດຍິງຢ່າງບໍ່ເປັນທາງການໃນເດືອນກຸມພາປີນີ້ເປັນຕົ້ນມາ,ອັນໄດ້ເຮັດໃຫ້ປະຊາຄົມໂລກເອົາໃຈໃສ່ນຳ.
ວັນທີ 16 ກໍລະກົດ, ຍົນເຮຣິກົບອາພາເຊຂອງກອງທະຫານອິສລະແອນໄດ້ຫຼອນໂຈມຕີແຖບກາຊາ,ຍິງຊາວປາເລັສຕີນ 2 ຄົນ ບາດເຈັບ,ຍິງຖືກໂຮງງານ 3 ແຫ່ງ.ວັນທີ 15 ,ຍົນເຮຣິກົບປະກອບອາວຸດຂອງອິສລະແອນໄດ້ຫຼອນໂຈມຕີເຂດຝັ່ງຕາເວັນຕົກແມ່ນ້ຳຈໍແດນແລະແຖບກາຊາ,ສະມາຊິກອົງການຮາມັສ 7 ຄົນຖືກຍິງຕາຍ.
ວັນທີ 15 ກໍລະກົດ,ທ່ານຊາຣອນ ນາຍົກລັດຖະມົນຕີອິສລະແອນເວົ້າວ່າ,ເພື່ອຮັບປະກັນໃຫ້ການເຄື່ອນໄຫວຖອນອອກແຕ່ຝ່າຍດຽວດຳເນີນຢ່າງສະດວກ,ອິສລະແດນຈະໃຊ້ມາດຕະການດ້ວຍຮູບການຕ່າງໆ ໂຈມຈີພວກປະກອບອາວຸດປາເລັສຕີນ.
ມື້ດຽວກັນ,ກະຊວງການຕ່າງປະເທດເອຢິບອອກຖະແຫຼງການ,ຮຽກຮ້ອງອິສລະແອນປາເລັສຕີນຈົ່ງຮັກສາຄວາມອົດກັ້ນ,ຫຼີກເວັ້ນເຮັດໃຫ້ສະຖານະການພາກພື້ນຊຸດຮ້າຍລົງຕື່ມອີກ.
ນອກນີ້,ທ່ານນາງລາຍສ໌ ລັດຖະມົນຕີການຕ່າງປະເທດອາເມລິກາຈະຢ້ຽມຢາມອິສລະແອນແລະເຂດປາເລັສຕີນປົກຄອງຕົນເອງແຕ່ວັນທີ 22 ກໍລະກົດ.
|
|
|
