|
|
 |
| (GMT+08:00)
2005-07-16 17:34:36
|
 |
|
ທ່ານຈູມມະລີ ໄຊຍະສອນພົບປະຄະນະຜູ້ແທນພັກກອມມູນິດຈີນ
cri
Author: da
ຕາມຂ່າວສານຊິນຮວາ: ວັນທີ 15 ກໍລະກົດ ຢູ່ວຽງຈັນນະຄອນຫຼວງລາວ,ທ່ານຈູມມະລີ ໄຊຍະສອນ ກຳມະການກົມການເມືອງສູນກາງພັກປະຊາຊົນປະຕິວັດລາວ ຮອງປະທານປະເທດສປປລາວໄດ້ພົບປະຄະນະຜູ້ແທນພັກກອມມູນິດຈີນທີ່ນຳໂດຍທ່ານຊີຈິ້ນພົງ ກຳມະການສູນກາງພັກກອມມູນິດຈີນ ເລຂາພັກແຂວງເຈີຈ່ຽງ.
ທ່ານຈູມມະລີເວົ້າວ່າ,ໃນຫຼາຍປີມານີ້,ຊັ້ນສູງຂອງພັກລາວຈີນຢ້ຽມຢາມກັນຢ່າງເນື່ອງນິດ,ການພົວພັນທາງການເມືອງ ເສດຖະກິດການຄ້າແລະວັດທະນະທຳລະຫວ່າງສອງປະເທດໄດ້ຂະຫຍາຍຕົວຮອບດ້ານ,ການຮ່ວມມືລະຫວ່າງສອງຝ່າຍກໍພັດທະນາລົງສູ່ລວງເລິກຢ່າງບໍ່ຢຸດຢັ້ງ.ການມາຢ້ຽມຢາມຂອງຄະນະຜູ້ແທນພັກກອມມູນິດຈີນເທື່ອນີ້ຈະຊຸກຍູ້ການພົວພັນມິດຕະພາບແລະການຮ່ວມມືລະຫວ່າງສອງພັກສອງລັດລາວຈີນຕື່ມອີກ.
ທ່ານຊືຈິ້ນພີງເວົ້າວ່າ,ການຢ້ຽມຢາມເທື່ອນີ້ແມ່ນຖອດຖອນບົດຮຽນເຊິ່ງກັນແລະກັນໃນການກໍ່ສ້າງພັກ.ທ່ານຍັງໄດ້ແນະນຳສະພາບການເຄື່ອນໄຫວສຶກສາຮັກສາຄວາມກ້າວໜ້າໃນທົ່ວພັກ ສະຖານະພາບການເມືອງແລະເສດຖະກິດຂອງຈີນໃນສະເພາະໜ້ານີ້.
ຄະນະຜູ້ແທນພັກກອມມູນິດຈີນແມ່ນເລີ່ມຢ້ຽມຢາມສັນຖະວະໄມຕີລາວຕາມຄຳເຊີນຂອງພັກປະຊາຊົນປະຕິວັດລາວແຕ່ວັນທີ 14 ກໍລະກົດ.ໃນມື້ເດີນທາງໄປຮອດວຽງຈັນ,ທ່ານສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີລາວໄດ້ເຈລະຈາກັບຄະນະຜູ້ແທນ,ແລະຈັດງານລ້ຽງຮັບຕ້ອນ.
|
|
|
