|
|
 |
| (GMT+08:00)
2005-07-18 15:03:39
|
 |
|
ການເຜີຍຄອມພິວເຕີໃຊ້ສ່ວນຕົວ
cri
ຕາມຂ່າວCRI, ທ່ານຮູ້ຈັກPCບໍ່? ມັນແມ່ນຕົວຫຍໍ້ພາສາອັງກິດຂອງສັບທີ່ວ່າ"ຄອມພິວເຕີສ່ວນຕົວ". ຄຽງຄູ່ກັບມວນມະນຸດກ້າວເຂົ້າສູ່ຍຸກສະໄໝຂໍ້ມູນຂ່າວສານ, ຄອມພິວເຕີພວມປ່ຽນແປງຊີວິດຂອງມວນມະນຸດຈາກດ້ານຕ່າງໆ. ແຕ່າ, ພວກເຮົາຮູ້ວ່າ, ຄອມພິວເຕີເຄື່ອງທຳອິດໃນໂລກແມ່ນໃຫຍ່ພິລຶກແລະແພງທີ່ສຸດ, ຄົນທັງຫຼາຍບໍ່ອາດຈະຍົກເອົາເຄື່ອງຄອມພິວເຕີໃຫຍ່ປານນີ້ກັບຄືນເມືອເຮືອນຂອງຕົນ. ຄັນຊັ້ນ, ຄອມພິວເຕີທີ່ທັງແພງແລະທັງໃຫຍ່ແມ່ນກາຍເປັນເຄື່ອງPCທີ່ເໝາະໃຊ້ສຳລັບສ່ວນບຸກຄົນແນວໃດ, ແລ້ວເຂົ້າສູ່ຊີວິດຂອງຄົນເຮົາ, ແລະປ່ຽນແປງຊີວິດຂອງຄົນເຮົາແນວໃດ. ອັນນີ້ຕ້ອງເວົ້າມາແຕ່ມີໂກຼຄອມພິວເຕີເຄື່ອງທຳອິດໃນໂລກທີ່ມີຂຶ້ນເມື່ອປີ1971.
ສັບພະຄຸນຊຳລະຂໍ້ມູນຂ່າວສານອັນແຂງແຮງຂອງຄອມພິວເຕີແມ່ນຍ້ອນວ່າມັນມີເຄື່ອງCPUທີ່ປະກອບດ້ວຍແຜ່ນຊິບວົງຈອນໄຟຟ້າIC, ເຄື່ອງCPUໃນຄອມພິວເຕີທີ່ພວກເຮົາໃຊ້ໃນປະຈຸບັນລ້ວນແຕ່ແມ່ນຜະລິດໂດຍບໍລິສັດອິນແທວຂອງອາເມລິກາໃນຂັ້ນພື້ນຖານແລະກໍແມ່ນບໍລິສັດຫຼັງນີ້ໄດ້ຜະລິດແຜ່ນຊິບວົງຈອນໄຟຟ້າICຂອງເຄື່ອງຄອມພິວເຕີໃຊ້ສ່ວນຕົວຄືເຄື່ອງPCເຄື່ອງທຳອິດໃນໂລກ. ປີ1971, ເຄື່ອງCPU intel 4004ເຄື່ອງທຳອິດໃນໂລກໄດ້ຜະລິດອອກເປັນທາງການ, ແມ່ນທ່ານຮົບ ແວນກິນ ກັບຊ່າງເຕັກນິກຂອງບໍລິສັດບູຊິຄອມຂອງຍີ່ປຸ່ນຮ່ວມກັນຄົ້ນຄວ້າຜະລິດ, ພວກເຮົາເອີ້ນເປັນເຄື່ອງCPUຮຸ້ນທຳອິດ. ຖ້າຕາມມາດຖານໃນຊຸ່ມື້ນີ້, ຄວາມສາມາດຊຳລະຂໍ້ມູນຂ່າວສານຂອງມັນແມ່ນຕ່ຳຈົນເປັນຕາຢາກຫົວ, ແຕ່ກໍແມ່ນແຜ່ນຊິບທີ່ເບິ່ງຄືດຶກດຳບັນທີ່ສຸດດັ່ງກ່າວ, ໄດ້ປ່ຽນແປງຊີວິດຂອງຄົນເຮົາ.
ປີ1972, ເຄື່ອງCPUຮຸ້ນທີສອງຄືintel8008ໄດ້ກຳເນີດເກີດຂຶ້ນ, ແຕ່ວ່າ, ຜະລິດຕະພັນເຫຼົ່ານີ້ຈະມີຕະຫຼາດຫຼືບໍ່, ບໍລິສັດintelທີ່ມີປະຫວັດພຽງແຕ່4ປີກໍບໍ່ຮູ້ເທື່ອ. ເພື່ອຫຼີກເວັ້ນບໍ່ໃຫ້ຂາດທຶນ, ບໍລິສັດນີ້ໄດ້ຢຸດຕິວຽກງານອອກແບບເຄື່ອງCPUດັ່ງກ່າວແລະຍົກເລີກໜ່ວຍອອກແບບ.
ແຕ່ວ່າ, ຜະລິດຕະພັນໃໝ່ແນວນີ້ພັດຂາຍດິບຂາຍດີນອກຄວາມຄາດຄິດ. ບໍລິສັດintelເລີ່ມສຳນຶກຮູ້ເຖິງຄວາມສາມາດບົ່ມຊ້ອນຂອງແຜ່ນຊິບດັ່ງກ່າວ, ແລ້ວຈັດຕັ້ງໜ່ວຍອອກແບບຄືນໃໝ່, ແລ້ວຜະລິດເຄື່ອງຮຸ້ນໃໝ່ອອກຂາຍຕໍ່ໄປຄືຮຸ້ນ8008ໃນປີ1974, ແຜ່ນຊິບດັ່ງກ່າວໄດ້ຮັບຄວາມນິຍົມຊົມຊອບຈາກຕະຫຼາດ.
ເດືອນມັງກອນປີ1975, ບໍລິສັດທີ່ຊື່ວ່າອານແທໄດ້ຜະລິດຄອມພິວເຕີອານແທ8800. ໃນວາລະສານເອເລັກໂຕນິກມະຫາຊົນທີ່ມີຊື່ສຽງສະບັບເດືອນມັງກອນປີນັ້ນໄດ້ຮຽກເຄື່ອງຄອມພິວເຕີອານແທ8800ເປັນມີໂກຼຄອມພິວເຕີເຄື່ອງທຳອິດໃນໂລກ. ຫຼັງຈາກນັ້ນ, ຄົນທັງຫຼາຍຖືວ່າ, ນີ້ຈິ່ງແມ່ນກົກເຄົ້າແທ້ຈິງຂອງເຄື່ອງPC. ຄືເຄື່ອງຄອມພິວເຕີຂະໜາດນ້ອຍສຳລັບໃຊ້ສ່ວນຕົວ.
ເຖິງວ່າອານແທ8800ແມ່ນມີໂກຼຄອມພິວເຕີເຄື່ອງທຳອິດໃນໂລກກໍຕາມ, ແຕ່ຮູບຊົງຂອງມັນແມ່ນຕ່າງກັບຄອມພິວເຕີໃຊ້ສ່ວນຕົວໃນປະຈຸບັນປານຟ້າກັບດິນ, ມັນບໍ່ມີໜ້າຈໍ, ບໍ່ມີຄີບອດ, ບໍ່ມີໄຟສັນຍານແລະບໍ່ມີເຄື່ອງສະວິດປິດເປີດ, ເບິ່ງແລ້ວຄືກັບຫີບໃສ່ເຄື່ອງວັດແທກທໍ່ນັ້ນ. ຮູບຫຍໍ້ແທ້ຈິງຂອງເຄື່ອງPCຄວນແມ່ນເຄື່ອງກາແອບເປີນໃນພາຍຫຼັງມາ, ມັນແມ່ນທ່ານຈັອບສ໌ ຜູ້ລິເລີ່ມສ້າງບໍລິສັດແອບເປີນແລະໝູ່ຂອງທ່ານປະກອບຂຶ້ນໃນອູ່ລົດ. ຊາວໜຸ່ມທຳມະດາສາມັນສອງຄົນນີ້ເຊື່ອໝັ້ນວ່າ, ຍຸກສະໄໝຄອມພິວເຕີຫັນເປັນຂອງມະຫາຊົນແລະຂອງສາມັນຊົນມາຮອດແລ້ວ, ອຸດົມການຂອງພວກທ່ານແມ່ນຜະລິດເຄື່ອງPCທີ່ຄົນທຳມະດາກໍມີຄວາມສາມາດຊື້ມາໃຊ້ໄດ້.
ຜູ້ທີ່ມີຄວາມເຫັນຄືກັນກັບທ່ານຈອບສ໌ນັ້ນແມ່ນນັກສຶກສາໜຸ່ມສອງຄົນຄືທ່ານພໍ ແອວເລິນ ແລະທ່ານບິວເກສ. ໃນເວລາທ່ານພໍ ແອວເລິນ ໄດ້ເຫັນຂ່າວກ່ຽວກັບເຄື່ອງຄອມພິວເຕີແອານແທ8800ແລ້ວ, ເຂົາກໍບອກທ່ານບິວເກສໃນທັນທີ. ດັ່ງນັ້ນ, ທ່ານທັງສອງຕົກລົງຂຽນໂປແກມອະທິບາຍເຄື່ອງດັ່ງກ່າວ. ເພື່ອເຮັດວຽກນີ້, ທ່ານບິວເກສຍັງໄດ້ເຊົາຮຽນຂະແໜງວິຊາກົດໝາຍໃນມະຫາວິທະຍາໄລຮາເວີດທີ່ຫາກໍ່ຮຽນປີດຽວ. ຊາວໜຸ່ມທັງສອງໄດ້ຕັ້ງບໍລິສັດmicrosoftໃນປີ1975, ຫຼັງຈາກນັ້ນບໍ່ດົນ, ກໍເລີ່ມຂາຍຊອຟແວພາສາສຳລັບຄອມພິວເຕີ.
ໃນເວລາຄົນທັງສອງເອົາໃຈໃສ່ນຳຮາດແວນັ້ນ, ທ່ານເກສກັບທ່ນແອວເລິນພັດມອງເຫັນບົດບາດອັນມະຫາສານຂອງຊອຟແວ, ນີ້ອາດຈະແມ່ນກຳລັງສອດສ່ອງທີ່ຄົນທັງຫຼາຍເວົ້າກັນ. ອາໃສຄວາມຮູ້, ນ້ຳໃຈປະດິດສ້າງແລະພອນສະຫວັນໃນດ້ານການຄ້າ, ທ່ານບິວເກສໄດ້ກາຍເປັນເສດຖືຜູ້ຮັ່ງກວ່າໝູ່ໃນໂລກຢ່າງສົມຊື່.
ຊອຟແວຂອງບໍລິສັດmicrosoftໄດ້ນຳເອົາພະລັງແຮງອັນມະຫາສານມາໃຫ້ເຄື່ອງPCທີ່ຫາກໍຈໍ່ຕົວຂຶ້ນ, ຄົນທັງຫຼາຍໄດ້ຕ້ອນຮັບຍຸກສະໄໝມີໂກຼຄອມພິວເຕີດ້ວຍຄວາມຕື່ນເຕັ້ນແລະຄວາມຫວັງ.
|
|
|
