|
|
 |
| (GMT+08:00)
2005-07-19 17:28:11
|
 |
|
ຂ່າວວິທະຍາສາດສີ່ຂໍ້
cri
Author: q
ໜຶ່ງ,ຄົນເຈັບຜ່າຕັດເອົາເລືອດຂອງຕົນສີດຄືນໃຫ້ແກ່ຕົນເອງໄດ້.
ໂຮງໝໍເລກໜຶ່ງຂອງມະຫາວິທະຍາສໄລແພດສາດປັກກິ່ງແລະບໍລິສັດເຄື່ອງປິ່ນປົວຈິ່ງຈິ່ງປັກກິ່ງໄດ້ຄົ້ນຄວ້າເຮັດໃຫ້ເຄື່ອງຈັກເກັບເອົາເລືອດຂອງຄົນເຈັບເອງໃນເວລາຜ່າຕັດເຄື່ອງທຳອິດແລະຖົງເກັບໂຮມເອົາເລືອດຄືນເພື່ອໃຊ້ເທື່ອດຽວ.ຫຼັກຈາກຜ່ານການກວດກາຈາກກົມຄຸ້ມຄອງຢຸກຢາຂອງລັດກໍໄດ້ຮັບສິດທິບັດຈາກລັດ.
ເຄື່ອງເກັບເລືອດຄືນດັ່ງກ່າວແມ່ນສຳລັບແກ້ໄຂຍາມຂາດເຂີນເລືອດໃນເວລາຜ່າຕັດແລະເພື່ອຫຼີກເວັ້ນຄວາມອັນຕະລາຍຕໍ່ສຸຂະພາບຂອງຜູ້ປ່ວຍຍ້ອນໃຊ້ເລືອດຂອງຜູ້ອື່ນ.ເໝາະສຳລັບເກັບເອົາເລືອດຂອງຄົນເຈັບໃນເວລາຜ່າຕັດ,ເມື່ອຕອງແຍກທາດລ້າງແລະທຳຄວາມສະອາດແລ້ວ,ກໍສົ່ງຄືນໃຫ້ຜູ້ປ່ວຍ.ແຕ່ກ່ອນ,ການສົ່ງເລືອດໃຫ້ຄົນເຈັບແມ່ນເອົາເລືອດຂອງຜູ້ອື່ນທັງນັ້ນ,ນອກຈາກມີອາການແພ້ແລ້ວ,ຍັງອາດຈະຕິດພະຍາດຫຼາຍຢ່າງຍ້ອນໃຊ້ເລືອດຂອງຜູ້ອື່ນ.ຈັກເກັບເລືອດຂອງຕົນຄືນໄດ້ໃຊ້ເຂົ້າໃນການຜ່າຕັດຫຼາຍປະເທດຕ່າງກັນຕັ້ງຫຼາຍສິບລາຍແລ້ວ,ປະກົດວ່າໄດ້ຮັບຜົນດິສົມຄວນ,ໃນນັ້ນ,ສ່ວນຫຼາຍບໍ່ມີອາການແພ້ຄືກັບສົ່ງເລືອດຂອງຜູ້ອື່ນ,ຜູ້ຜ່າຕັດທີ່ຮັບສົ່ງເລືອດຂອງຕົນຄືນລ້ວນແຕ່ດີໄວແລະບໍ່ມີອາການແພ້.
ສອງ:ນິຄົມລ້ຽງແມງວັນຂອງອາເມລິກາ
ຢູ່ຊານເມືອງມາຍອາມີແຫ່ງອາເມລິກາ,ມີນິຄົມແຫ່ງໜຶ່ງທີ່ປະຈັກຕາຄົນຄືນິຄົມລ້ຽງແມງວັນໄຮ້ເຊື້ອໂຣກ.ນິຄົມນີ້ກວ້າງຫຼາຍຮ້ອຍເຮັກຕາ,ໃນນິຄົມມີຕົ້ນໄມ້ຂຽວເປັນຮົ່ມຢ່າງສະອາດງາມຕາ,ໃນເຮືອນມຸງດິນຂໍສີແດງເປັນແຖວໆນັ້ນ,ກໍແມ່ນບ່ອນລ້ຽງແມງວັນຫຼາຍຈົນນັບບໍ່ຫຼ້ອນ.
ໃນຈຳພວກແມງໝີ່ແມງໄມ້ນັ້ນ,ແມງວັນແມ່ນມີຄວາມສາມາດແຜ່ເຊື້ອຫຼາຍກວ່າໆໝູ່.ຕາມສະຖິຕິ,ພາຍໃນ15ມື້,ແມງວັນເຊື້ອຄູ່ນຶ່ງອອກໄຂ່ໄດ້1500ໜ່ວຍ,ພາຍໃນ4ເດືອນແຕ່ລະດູຮ້ອນຫາລະດູໃບໄມ້ຫຼົ່ນທີ່ມີຄວາມຊຸ່ມເໝາະສົມ,ມັກຈະອອກແມ່ແຜ່ລູກເພີ່ມຂຶ້ນແບບທະວີຄູນ,ເອົາໄຂ່ມັນເບາະເປັນໜອນ,ເອົາໜອນມາຜະລິດໂປຼຕິນໄດ້ປະມານ600ໂຕນ,ແລະໂປຼຕິນນີ້ຍັງແມ່ນແປ້ງໂປຼຕິນສົດຊັ້ນສູງ,ອາດຈັດເຂົ້າໃນປະເພດອາຫານທຳມະຊາດທີ່ຍອດຢ້ຽມໄດ້ອີກ.ໃນຂະນະທີ່ຜະລິດໂປຼຕິນນັ້ນຍັງຈະໄດ້ໄຂມັນ,ທາດອັງຕີບີໂອຕິກ,ທາດແຂ້ນແລະອື່ນໆເພື່ອເຮັດເປັນວັດຖຸດິບປ້ອນອຸດສາຫະກຳແລະປຸງຢາ.ພ້ອມກັນນັນຍັງຈະໄດ້ຜົນຜະລິດສຳຮອງທີ່ມີຄຸນຄ່າຄືຄາບໜອນ,ເພື່ອກັ່ນເອົາທາດຊີຕິນສົດທີ່ຂາຍກັນຢູ່ຕາມຕະຫຼາດສາກົນໃນລາຄາແພງເຖິງ20ກວ່າໂດລາຕໍ່1ກຼາມ.ຄື1ໂຕນປະມານ100ກວ່າລ້ານຢວນເງິນຈີນ.ຖ້າຄິດໄລ່ຕາມການແຜ່ເຊື້ອຂອງແມງວັນຄູ່ໜຶ່ງໃນລະດູຮ້ອນໜຶ່ງສາມາດໄດ້ຄາບໜອນ15ໂຕນ,ອັດຕາໃຊ້ການໄດ້ໃນການກັ່ນເອົາທາດຊີຕິນກໍມີແຕ່80%ຂຶ້ນໄປ,ລາຍໄດ້ທາງເສດຖະກິດແມ່ນຫຼາຍບໍ່ຢອກ.
ໜອນສ່ວນຫຼາຍໃນນິຄົມແມງວັນແມ່ນເອົາມາເຮັດຫົວອາຫານໂປຼຕິນປະສົມ,ໜອນສົດສ່ວນໜຶ່ງແມ່ນເອົາມາເກືອເປັດເກືອໄກ່ແລະໝູໂດຍກົງ,ຂີ້ເປັດຂີ້ໄກ່ແລະຂີ້ໝູແມ່ນສິ່ງລ້ຽງໜອນທີ່ດີກວ່າເພິ່ນ,ເມື່ອໜອນໃຫຍ່ແຍກທາດອອກໄປແລ້ວ,ສິ່ງທີ່ເຫຼືອນັ້ນກໍເຮັດເປັນຝຸ່ນອິນຊີສຳລັບໃສ່ນາໃສ່ສວນ,ປູກພືດພັນທັນຍາຫານແລະຜັກໝີ່ ທັງຍັງມີບົດບາດຍົງດິນທີ່ຝຸ່ນເຄມີບໍ່ສາມາດປຽບປານໄດ້.
1 2
|
|
|
