|
ຕາມຂ່າວສານຊິນຮວາ: ວັນທີ 21 ກໍລະກົດຢູ່ປັກກິ່ງ, ຈີນກັບຫວຽດນາມໄດ້ອອກປະກາດແຈ້ງການຮ່ວມ, ເຫັນດີສອງປະເທດສືບຕໍ່ຮັກສາການຕິດຕໍ່ພົວພັນຂອງຂັ້ນສູງ, ເພີ່ມທະວີການໄປມາຫາສູ່ກັນດ້ວຍໄມຕິຈິດແລະການຮ່ວມມືຕ່າງຝ່າຍຕ່າງມີຜົນໃນຂົງເຂດຕ່າງໆ, ຊຸກຍູ້ການພົວພັນລະຫວ່າງສອງປະເທດສ້າງສະຖານະການໃໝ່ຢ່າງບໍ່ຢຸດຢັ້ງ.
ປະກາດແຈ້ງການປະກາດວ່າ, ການເຈລະຈາອະນຸຍາດສີນຄ້າເຂົ້າຕະຫຼາດສອງຕໍ່ສອງລະຫວ່າງສອງຝ່າຍກ່ຽວກັບຫວຽດນາມເຂົ້າຮ່ວມອົງການການຄ້າໂລກໄດ້ສິ້ນສຸດລົງ, ຫວຽດນາມຂອບໃຈແລະຕີລາຄາສູງຕໍ່ການສະໜັບສະໜູນຢ່າງຈິງໃຈຂອງຈີນ.
ປະກາດແຈ້ງການກ່າວເນັ້ນວ່າ, ລັດຖະບານຫວຽດນາມກ່າວລື້ມວ່າໂຄລົບນະໂຍບາຍຈີນດຽວຢ່າງເດັດດ່ຽວ, ສະໜັບສະໜູນພາລະກິດໂຮມປະເທດເຂົ້າເປັນເອກະພາບກັນຂອງຈີນ, ເດັດດ່ຽວຄັດຄ້ານການເຄື່ອນໄຫວແຍກໄຕ້ຫວັນເປັນເອກກະລາດດ້ວຍທຸກຮູບທຸກແບບ.
ປະກາດແຈ້ງການຂຽນວ່າ, ວຽກງານສຳຫຼວດແລະປັກຫຼັກໝາຍຊາຍແດນຢູ່ຊາຍແດນທາງບົກລະຫວ່າງຈີນຫວຽດນາມໄດ້ຮັບຄວາມຄືບໜ້າຢ່າງເດັ່ນຊັດ, ສອງຝ່າຍເຫັນດີສຳເລັດວຽກງານສຳຫຼວດແລະປັກຫຼັກໝາຍຊາຍແດນຕະຫຼາດເສລີຊາຍແດນທາງບົກແລະເຊັນເອກະສານລະບອບຄວບຄຸມຊາຍແດນລະບົບໃໝ່ກ່ອນປີ2008.
ປະກາດແຈ້ງການຍັງໄດ້ເວົ້າວ່າ, ການປະຕິຮູບສະພາຄວາມໝັ້ນຄົງຄວນເອົາຜົນປະໂຫຍດຍາວໄກຂອງອົງການສະຫະປະຊາຊາດເປັນເດີມພັນ, ອີງຕາມຫຼັກການປະຊາທິປະໄຕຂອງການພົວພັນລະຫວ່າງຊາດ, ຊອກຫາວິທີແກ້ໄຂທີ່ເບິ່ງແຍງຜົນປະໂຫຍດຂອງບັນດາຝ່າຍບົນພື້ນຖານປຶກສາຫາລືຢ່າງກວ້າງຂວາງ.
|
