|
ທະນາຄານແຫ່ງຊາດມາເລເຊຍປະກາດເງິນຕາມາເລເຊຍບໍ່ເກາະກັບເງິນໂດລາສະຫະລັດ ປະຕິບັດລະບອບອັດຕາແລກປ່ຽນລອຍຕົວພາຍໃຕ້ການຄຸ້ມຄອງ
cri
ຕາມຂ່າວcri:ວັນທີ 21 ກໍລະກົດ,ທະນາຄານແຫ່ງຊາດມາເລເຊຍໄດ້ອອກຖະແຫຼງການປະກາດວ່າ,ເງິນຣິງກິດຂອງມາເລເຊຍບໍ່ເກາະກັບເງິນໂດລາສະຫະລັດ,ປະຕິບັດລະບອບອັດຕາແລກປ່ຽນລອຍຕົວພາຍໃຕ້ການຄຸ້ມຄອງ.ມາດຕະການດັ່ງກ່າວມີຜົນບັງຄັບໃຊ້ແຕ່ມື້ດຽວກັນເປັນຕົ້ນໄປ.
ຖະແຫລງການຂຽນວ່າ,ທະນາຄານແຫ່ງຊາດມາເລເຊຍຈະສືບຕໍ່ຕິດຕາມຄວບຄຸມອັດຕາແລກປ່ຽນເງິນຕາກະຕ່າດຽວຂອງເງິນຣິງກິດ,ຮັບປະກັນໃຫ້ອັດຕາແລກປ່ຽນເງິນຣິງກິດຢູ່ໃນລະດັບຄຸນຄ່າທີ່ສົມເຫດສົມຜົນ.
ມື້ດຽວກັນ,ຢູ່ກົວລາລຳເປີ,ທ່ານເຈດຕີ ປະທານທະນາຄານແຫ່ງຊາດມາເລເຊຍເວົ້າຕໍ່ສື່ມວນຊົນວ່າ,ປະຕິບັດລະບອບອັດຕາແລກປ່ຽນລອຍຕົວພາຍໃຕ້ການຄຸ້ມຄອງ"ຈະມີຜົນສະທ້ອນທາງບວກຕໍ່ເສດຖະກິດແຫ່ງຊາດມາເລເຊຍ."
ຕາມສື່ມວນຊົນມາເລເຊຍລາຍງານວ່າ,ທະນາຄານແຫ່ງຊາດມາເລເຊຍແມ່ນທຳການຕົກລົງດັ່ງກ່າວພາຍຫລັງຈີນປະກາດປະຕິບັດອັດຕາແລກປ່ຽນລອຍຕົວແຕ່ວັນທີ 21 ກໍລະກົດເປັນຕົ້ນໄປ.
|
|
