|
ອາເມລິກາຮຽກຮ້ອງສ.ປ.ປ.ເກົາຫຼີຢ່າສູ່ວາງເງື່ອນໄຂເບື້ອງຕົ້ນໃຫ້ແກ່ການເຂົ້າຮ່ວມການເຈລະຈາຫົກຝ່າຍ
cri
ຕາມຂ່າວCRI,ໃນງານຖະແຫຼງຂ່າວທີ່ຈັດຂຶ້ນຢູ່ວໍຊິງຕັນໃນວັນທີ21ກໍລະກົດ,ທ່ານເມັກເຄຼແລນ ໂຄສົກທຳນຽບຂາວອາເມລິກາກ່າວວ່າ,ສ.ປ.ປ.ເກົາຫຼີບໍ່ຄວນວາງເງື່ອນໄຂເບື້ອງຕົ້ນໃຫ້ແກ່ການຟື້ນຟູການເຂົ້າຮ່ວມການເຈລະຈາຫົກຝ່າຍ,ຫາກຄວນທຳການຕົກລົງທາງຍຸດທະສາດທີ່ຍົກເລີກແຜນການນີວເຄຼຍ.
ທ່ານເມັກເຄຼແລນກ່າວວ່າ,ອາເມລິກາຍັງຄົງຍຶດໝັ້ນແຜນການແກ້ໄຂບັນຫານີວເຄຼຍແຫຼມເກົາຫຼີທີ່ເຂົາສະເໜີອອກມາໃນການເຈລະຈາຫົກຝ່າຍຮອບທີສາມ.
ໃນມື້ດຽວກັນ,ໃນເວລາໃຫ້ສຳພາດຕໍ່ສື່ມວນຊົນຈີນຢູ່ພຽງຢາງ,ໂຄສົກກະຊວງການຕ່າງປະເທດສ.ປ.ປ.ເກົາຫຼີກ່າວວ່າ,ຖ້າວ່າອາເມລິກາເຄົາລົບອະທິປະໄຕຂອງສ.ປ.ປ.ເກົາຫຼີ,ສ້າງສາຍສຳພັນຢູ່ຮ່ວມກັນໂດຍສັນຕິກັບສ.ປ.ປ.ເກົາຫຼີແລະຜ່ານຈາກການຫັນການພົວພັນສ.ປ.ປ.ເກົາຫຼີອາເມລິກາເປັນປົກກະຕິມາສ້າງຄວາມໄວ້ເນື້ອເຊື່ອໃຈກັນ,ບັນຫານີວເຄຼຍແຫຼມເກົາຫຼີກໍຈະໄດ້ຮັບການແກ້ໄຂ.
|
|
