ສະຖານທູດຈີນປະຈຳອາເມລິກາຈັດງານລ້ຽງຮັບຮອງເພື່ອສະຫຼອງໄຊຊະນະຂອງສົງຄາມຕໍ່ຕ້ານຢີ່ປຸ່ນຄົບຮອບ60ປີ
cri
Author: q
ຕາມຂ່າວCRI,ຕອນຄ່ຳວັນທີ21ກໍລະກົດ,ສະຖານທູດຈີນປະຈຳອາເມລິກາໄດ້ຈັດງານລ້ຽງຮັບຮອງເພື່ອສະຫຼອງໄຊຊະນະຂອງສົງຄາມປະຊາຊົນຈີນຕໍ່ຕ້ານຢີ່ປຸ່ນແລະສົງຄາມຕ້ານຟັດຊິດໂລກ ຄົບຮອບ60ປີ.ທ່ານເອກອັກຄະລັດຖະທູດໂຈ່ວເວິນຈົ້ງ ໄດ້ກ່າວຄຳປາໄສໃນງານລ້ຽງຮັບຮອງ.
ທ່ານກ່າວວ່າ,ໃນສົງຄາມໂລກຄັ້ງທີສອງ,ພາລະກຳຮ່ວມທີ່ຕໍ່ຕ້ານການຮຸກຮານຂອງຟັດຊິດໄດ້ພາໃຫ້ຈີນອາເມລິກາສອງປະເທດທີ່ຍິ່ງໄປຢູ່ນຳກັນ.ໃນສະຕະວັດໃໝ່,ເຖິງວ່າສະຖານະການໂລກໄດ້ເກີດມີການປ່ຽງແປງຢ່າງໃຫຍ່ຫຼວງກໍຕາມ,ແຕ່ບໍ່ວ່າໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນອາຊີປາຊີຟິກກໍຄືຂອງໂລກ,ຊຸກຍູ້ການພັດທະນາສະຖະກິດພາກພື້ນແລະເສດຖະກິດໂລກ,ກໍຄືໃນການຮັບມືກັບການທ້າທາຍຕ່າງໆເຊັ່ນລັດທິກໍ່ການຮ້າຍ,ການແຜ່ຜາຍອາວຸດ,ອາຊະຍາກຳຂ້າມຊາດແລະພະຍາດເປັນຕົ້ນ,ຈີນແລະອາເມລິກາ ມີຜົນປະໂຫຍດຮ່ວມແລະພື້ນຖານຮ່ວມມືອັນກວ້າງຂວາງ.
ທ່ານເອກອັກຄະລັດຖະທູດໂຈ່ວເວິນຈົ້ງຍັງກ່າວວ່າ,ທະແນມແຕ່ຈີນອາເມລິກາຍຶດໝັ້ນຫຼັກການທີ່ຕ່າງເຄົາລົບເຊິ່ງກັນແລະກັນ,ສະແຫວງຫາສິ່ງທີ່ຄືກັນ,ສະຫງວນສິ່ງທີ່ຕ່າງກັນ,ຍຶດໝັ້ນທິດລວມທີ່ສົນທະນາ,ໄປມາຫາສູ່ກັນແລະຮ່ວມມືກັນ,ການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນອາເມລິກາກໍຍ່ອມຈະຂະຫຍາຍໄປໜ້າຢ່າງບໍ່ຢຸດຢັ້ງ.
|
|