|
ເພື່ອລະລຶກສົງຄາມຕ້ານຟັດຊິດຂອງໂລກແລະສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນໄດ້ຮັບໄຊຊະນະຄົບຮອບ 60 ປີ, ວັນທີ 1 ກໍລະກົດ, ຢູ່ທີ່ປັກກິ່ງ, ຄະນະດົນຕີລອກແອນໂລນທີ່ມີຊື່ສຽງຂອງເຂດໃນຈີນແລະຮົງກົງ 13 ຄະນະໄດ້ຈັດງານຮ້ອງເພງຂະໜາດໃຫຍ່ທີ່ໃຫ້ຊື່ວ່າ"ທ້ອງຟ້າແຫ່ງສັນຕິພາບ", ແຟນເພງໝື່ນກວ່າຄົນໄດ້ຊົມການສະແດງອັນໂລດໂຜນເທື່ອນີ້.
ເພງທີ່ທ່ານພວມຟັງຢູ່ນີ້ແມ່ນເພງ"ຢ້າວເສນ້າທ້າຍຊານຕິງຊ້າງອີ້ຊິງຊົງ" ຕ້ອງຮຽນຕົ້ນສົນຢູ່ຈອມພູທ້າຍຊານ ເຊິ່ງຂັບຮ້ອງໂດຍວົງດົນຕີຖາງສາວ. ເພງນີ້ຄັດຈາກຕອນໜຶ່ງໃນງິ້ວປັກກິ່ງເລື່ອງ"ຊ່າເຈ່ຍປ່າງ"ເຊິ່ງເປັນງິ້ວຕໍ່ຕ້ານຍີ່ປຸ່ນຂອງຈີນ,ເມື່ອວົງດົນຕີຖາງສາວໄດ້ຮຽບຮຽງຄືນໃໝ່ແລ້ວ,ມັນມ່ວນໄປອີກຢ່າງໜຶ່ງ.
ຕາມຊາບວ່າ,ໃນງານຮ້ອງເພງເທື່ອນີ້,ນັກຮ້ອງແຕ່ລະຄົນນອກຈາກສະແດງເພງຕົວແທນຂອງຕົນແລ້ວ,ຍັງຕ້ອງຮ້ອງເພງດັ້ງເດີມທີ່ນິຍົມກັນຮ້ອງໃນໄລຍະສົງຄາມຕໍ່ຕ້ານ,ເພື່ອເຕືອນໃຫ້ຜູ້ຊົມຫວນຄຶດຕໍ່ສົງຄາມ,ເຮັດໃຫ້ຜູ້ຊົມໃນຂະນະນັ້ນຕື່ນເຕັ້ນນຳລອກແອນໂລນ,ກໍສຳນຶກເຖິງຄວາມລ້ຳຄ່າຂອງສັນຕິພາບ.
ທ່ານເຈຍຕິງ ຜູ້ກຳກັບການສະແດງຂອງງານຮ້ອງເພງ ນັກແຕ່ງເນື້ອຮ້ອງທີ່ມີຊື່ສຽງຂອງຈີນສະເໜີວ່າ:"ແຕ່ກ່ອນ,ໃນງານຮ້ອງເພງລະລຶກທີ່ຄ້າຍຄືກັນນີ້, ພວກເຮົາເນັ້ນໜັກເຖິງຄວາມໂສກເສົ້າສະຫງ່າແລະໄພພິບັດຫຼາຍກວ່າ,ແຕ່ເທື່ອນີ້,ສິ່ງທີ່ພວກເຮົາເນັ້ນໜັກຫລາຍກວ່ານັ້ນແມ່ນຄວາມປິຕິຊົມຊື່ນແລະກຳລັງຄວາມເປັນທຳເອົາຊະນະຄວາມຊົ່ວຮ້າຍ. ຄົນທັງຫລາຍໃຊ້ວິທີຕ່າງກັນ ຄວາມເຂົ້າໃຈຕ່າງກັນແລະທຳນອງຕ່າງກັນມາບັນລະຍາຍຄວາມນຶກຄິດກຶກກອງຂອງພວກເຂົາເຈົ້າຕໍ່ສົງຄາມໂລກຄັ້ງທີສອງ."
ທ່ານເຈຍຕິງກ່າວວ່າ,ງານຮ້ອງເພງຍັງມີຈຸດປະສົງພິເສດອີກອັນໜຶ່ງ,ເຊິ່ງກໍຄືຜ່ານດົນຕີລອກແອນໂລນມາດຶງດູດຊາວໜຸ່ມປັດຈຸບັນໃຫ້ເຂົ້າໃຈສົງຄາມບັ້ນນີ້, ກຶກກອງສົງຄາມບັ້ນນີ້,ສຳນຶກຮູ້ຄວາມປາຖະໜາສັນຕິພາບຂອງຄົນທັງຫລາຍ. ເພາະວ່າດົນຕີລອກແອນໂລນມີກຳລັງຮຽກຮ້ອງອັນກວ້າງຂວາງໃນໝູ່ຊາວໜຸ່ມ.
ຈັງຫວະຈະແຈ້ງແລະສຽງແຮງໆແມ່ນຈຸດພິເສດຕົ້ນຕໍຂອງລອກແອນໂລນປັດຈຸບັນ,ສະນັ້ນ, ໃນສະຕິຂອງໄທເມືອງຈີນບໍ່ໜ້ອຍ, ດົນຕີລອກແອນໂລນເໝືອນດັ່ງສັບພະນາມຂອງຄວາມຄຽດແຄ້ນແລະລະບາຍອາລົມບໍ່ດີ. ໃຊ້ດົນຕີແນວນີ້ມາສະແດງເພງສົງຄາມດັ້ງເດີມທີ່ຮ້ອງກັນລະຫວ່າງຫລາຍເຊັ່ນຄົນນັ້ນ, ເວົ້າສຳລັບນັກຮ້ອງແລະວົງດົນຕີລອກແອນໂລນແລ້ວ,ເປັນການທົດສອບບໍ່ໜ້ອຍ. ແຕ່ວ່າ,ການສະທ້ອນຕອບຢ່າງຟົດຟື້ນຂອງຜູ້ຊົມທີ່ມີຕໍ່ການສະແດງໃນຕອນຄ່ຳມື້ນັ້ນ,ອາດເວົ້າໄດ້ວ່າໄດ້ຢືນຢັນພວກນັກຮ້ອງລອກແອນໂລນຢ່າງເຕັມສ່ວນ.
ທ່ານຮວງກວ້ານຈົ່ງຮ້ອງເພງໃນງານຮ້ອງເພງຂະໜາດໃຫຍ່
ທ່ານຮວງກວ້ານຈົ່ງ ເຄີຍເປັນສະມາຊິກວົງດົນຕີBeyong ທີ່ມີຊື່ສຽງບົນເວທີດົນຕີລອກແອນໂລນຣົງກົງຈີນໄດ້ນຳພາວົງດົນຕີ"ຮ້ານ"ທີ່ທ່ານປະກອບຄືນໃໝ່ນັ້ນເຂົ້າຮ່ວມງານຮ້ອງເພງເທື່ອນີ້. ທ່ານໄດ້ຮ້ອງເພງ"ຢິວຈີ່ຕຸ້ຍຈື່ເກີ່" ເພງກອງຫລອນ ໄດ້ສະແດງໃຫ້ເຫັນນ້ຳໃຈສູ້ລົບໝັ້ນໜຽວທົນທານ,ມີສະຕິປັນຍາ,ຄ່ອງແຄ້ວ ແລະອົງອາດກ້າຫານຂອງກອງຫລອນຕໍ່ຕ້ານຍີ່ປຸ່ນຂອງຈີນ, ແລະໄດ້ກ່າວປາຖະກະຖາທີ່ວ່າ: ພວກເຮົາບໍ່ຫ່ອນຈະເຂົ້າຮຸກຮານປະເທດອື່ນ,ແຕ່ກໍບໍ່ອະນຸຍາດໃຫ້ປະເທດອື່ນຂົ່ມເຫັງພວກເຮົາ,ໄດ້ຊຸກຍູ້ບັນຍາກາດຂອງງານຮ້ອງເພງຂຶ້ນສູ່ກະແສສູງທີ່ສຸດ.
ນອກນີ້, ຍັງມີດາລາເພງແລະວົງດົນຕີລອກແອນໂລນອັນດັບໜຶ່ງຂອງຈີນຫລວງຫລາຍເຂົ້າຮ່ວມງານຮ້ອງເພງເທື່ອນີ້. ເວົ້າສຳລັບດາລາເພງລອກແອນໂລນທີ່ສ່ວນຫລາຍເກີດຢູ່ໃນຊຸມປີ 60-70 ສະຕະວັດທີ່ແລ້ວ, ເຖິງວ່າບໍ່ໄດ້ເຂົ້າຮ່ວມສົງຄາມ, ແຕ່ຕໍ່ສະໄໝນອງເລືອດນັ້ນ,ພວກເຂົາເຈົ້າມີຄວາມເຫັນແລະທັດສະນະຂອງຕົນ. ທ່ານກາວສີ ນັກຮ້ອງຂອງວົງດົນຕີ"ຊາວຈາຍ"ເວົ້າວ່າ:
"ຂ້ອຍໂຊກດີຫລາຍຍ້ອນວ່າຂ້ອຍບໍ່ໄດ້ດຳລົງຊີວິດໃນສະໄໝນັ້ນ, ເພາະວ່າ, ນັ້ນແມ່ນກາລະເວລາທີ່ໂຫດຮ້າຍທີ່ສຸດໃນປະຫວັດມວນມະນຸດ. ເວົ້າສຳລັບຄົນເຮົາທີ່ດຳລົງຊີວິດໃນສະໄໝສັນຕິພາບໃນຊູ່ມື້ນີ້ແລ້ວ,ຄວາມຫວັງອັນແຮງກ້າກວ່າໝູ່ກໍແມ່ນຢ່າເກີດສົງຄາມຈົນເທົ້າໃດໆ."
ສຽງເພງຂອງນັກຮ້ອງລອກແອນໂລນກໍໄດ້ມີຜົນສະທ້ອນອັນແຂງແຮງຕໍ່ຊາວໜຸ່ມທີ່ມາຊົມງານຮ້ອງເພງເຊັ່ນດຽວກັນ. ນັກຮຽນຂອງມະຫາວິທະຍາໄລຄົມມະນາຄົມເປຟາງໃຫ້ສຳພາດຕໍ່ນັກຂ່າວວ່າ: "ປະຊາຊົນຈີນຍິ່ງໃຫຍ່ຫລາຍ,ໃນສະພາບອັນລຳບາກກາກກຳແນວນັ້ນ, ຂາດຂອງກິນ, ຂາດເສື້ອຜ້າ, ແຕ່ໃນທີ່ສຸດພັດໄດ້ຮັບໄຊຊະນະ, ນີ້ແມ່ນຕັດແຍກອອກຈາກກັນກັບຄວາມເຊື່ອຖືອັນເດັດດ່ຽວໜຽວແໜ້ນບໍ່ໄດ້, ສ່ວນດົນຕີລອກແອນໂລນກໍແມ່ນຫ່າງເຫີນອອກຈາກຄວາມເຊື່ອຖືບໍ່ໄດ້, ນີ້ແມ່ນມີຄວາມຄ້າຍຄືກັນ.ປັດຈຸບັນ,ຜ່ານການສະແດງແນວນີ້, ຂ້ອຍຮູ້ສຶກວ່າມີຈິດໃຈຫ້າວຫັນ."
|
