|
ຕາມຂ່າວສານຊິນຮວາ,ກ່ອນທ່ານຊູຊີໂລ ປະທານາທິບໍດີອິນໂດເນເຊຍຈະມາຢ້ຽມຢາມຈີນທາງລັດຖະກິດແຕ່ວັນທີ 27 ຮອດວັນທີ 30 ກໍລະກົດ, ບຸກຄົນວົງການອຸດສາຫະກຳການຄ້າອິນໂດເນເຊຍໄດ້ທະຍອຍກັນກ່າວວ່າ, ການພົວພັນເສດຖະກິດການຄ້າລະຫວ່າງອິນໂດເນເຊຍກັບຈີນມີອະນາຄົດທີ່ ດີງາມ,ເປົ້າຫມາຍທີ່ຍາດແຍ່ງໃຫ້ມູນຄູ່າການຄ້າສອງຝ່າຍບັນລຸເຖິງ 20 ຕື້ໂດລາສະຫະລັດພາຍໃນ 3 ປີທີ່ຕົກລົງກັນໃນໄລຍະທ່ານຫູຈິນທາວ ປະທານປະເທດຈີນຢ້ຽມຢາມອິນໂດເນເຊຍໃນເດືອນເມສາປີນີ້ມີຫວັງຈະບັນລຸຜົນເປັນຈິງຢ່າງສະດວກ.
ຕາມຊາບວ່າ,ມູນຄ່າການຄ້າຈີນອິນໂດເນເຊຍປີ 2004 ໄດ້ບັນລຸ 13 ຕື້ 480 ລ້ານໂດລາສະຫະລັດ,ເພີ່ມຂຶ້ນຫຼາຍກວ່າປີ 2003 31,8% ແຕ່ເດືອນມັງກອນຮອດເດືອນມີນາປີ 2005,ມູນຄ່າການຄ້າຂອງສອງຝ່າຍໄດ້ບັນລຸ3 ຕື້ 760 ລ້ານໂດລາສະຫະລັດ.ໃນຫຼາຍປີທີ່ຜ່ານມາ,ມູນຄ່າການຄ້າຈີນອິນໂດເນເຊຍສະເລ່ຍແລ້ວໄດ້ເພີ່ມຂຶ້ນ 18% ຕໍ່ປີຕະຫຼອດມາ,ກະຊວງອຸດສາຫະກຳແລະການຄ້າອິນໂດເນເຊຍຄາດຄະເນວ່າ, ມູນຄ່າການຄ້າຂອງສອງປະເທດປີນີ້ມີຫວັງຈະບັນລຸ 15 ຕື້ໂດລາສະຫະ ລັດ.
ປະຈຸບັນ,ຈີນແມ່ນປະເທດຄູ່ຂາການຄ້າທີ 4 ຂອງອິນໂດເນເຊຍ,ແຕ່ອິນໂດເນເຊຍພັດແມ່ນປະເທດຄູ່ຂາການຄ້າໃຫຍ່ທີ 18 ຂອງຈີນ.ການຄ້າຈີນອິນໂດເນເຊຍໄດ້ຕາບຈູນແກ່ກັນຢ່າງແຂງແຮງ,ມີກຳລັງບົ່ມຊ້ອນແຫ່ງການພັດທະ ນາຢ່າງໃຫຍ່ຫຼວງ.ສິນຄ້າທີ່ຈີນສົ່ງຂາຍໃຫ້ອິນໂດເນເຊຍມີ:ເຄື່ອງໄຟຟ້າ ອຸປະກອນເອເລັກໂຕຼນິກ ກົນຈັກ ເຄື່ອງໃຊ້ສອຍໃນເຮືອນ ສິ່ງປັ່ນທໍແລະລົດຈັກ,ແຕ່ສິນຄ້າຕົ້ນຕໍທີ່ອິນໂດເນເຊຍສົ່ງຂາຍໃຫ້ຈີນມີ:ນ້ຳມັນດິບ ອາຍ ແກັສທຳມະຊາດ ນ້ຳມັນປາມ ເຈ້ຍ ນ້ຳເຈ້ຍແລະໄມ້ທ່ອນເປັນຕົ້ນ.
ບຸກຄົນວົງການອຸດສາຫະກຳການຄ້າອິນໂດເນເຊຍກ່າວວ່າ,ຄຽງຄູ່ກັບເຂດການຄ້າເສລີຈີນອາຊຽນໄດ້ເລີ່ມດຳເນີນງານໃນວັນທີ 20 ກໍລະກົດ,ກຳແພງການຄ້າລະຫວ່າງ 10 ປະເທດອາຊຽນກັບຈີນໄດ້ຖືກລົບລ້າງເທື່ອລະກ້າວ,ການພົວພັນການຄ້າລະຫວ່າງອິນໂດເນເຊຍກັບຈີນຍັງຈະໄດ້ມີກຳ ລັງຊ່ອຍເຫຼືອອັນແຂງແຮງ,ອິນໂດເນເຊຍແມ່ນປະເທດທີ່ມີປະຊາກອນຫຼາຍກວ່າຫມູ່ແລະມີ ຊັບ ພະຍາກອນອັນອຸດົມສົມບຸນກວ່າຫມູ່ໃນອາຊຽນ,ສະນັ້ນ ການພັດທະນາເສດຖະກິດການຄ້າຂອງອິນໂດເນເຊຍແລະຈີນມີຊ່ອງຫວ່າງກວ້າງໃຫຍ່ທີ່ສຸດ.
ໃນເວລາທ່ານຖາງຢູ້ ນັກທຸລະກິດຊາວຈີນທີ່ມີຊື່ສຽງຂອງອິນໂດເນເຊຍໃຫ້ສຳພາດຕໍ່ນັກຂ່າວນັ້ນ,ທ່ານກ່າວວ່າ,ເສດຖະກິດອິນໂດເນເຊຍແລະຈີນຕ່າງຕາບຈູນກັນ,ສອງປະເທດຕ່າງຊັກຈູງກັນພັດທະນາເສດຖະກິດ, ສາມາດເຮັດໃຫ້ທົ່ວອາຊີເຂັ້ມແຂງໃຫຍ່ໂຕກວ່າເກົ່າ.
ທ່ານເສີນລີ້ຈື້ ຮອງເລຂາທິການສະມາຄົມການຄ້າຊາວຈີນອິນໂດເນເຊຍໄດ້ກ່າວຕໍ່ນັກຂ່າວຂ່າວສານຊິນຮວາວ່າ,ກ່ອນສອງປະເທດຟື້ນຟູການສ້າງສາຍສຳພັນການທູດ,ນັກທຸລະກິດຊາວຈີນອິນໂດເນເຊຍກໍໄດ້ອອກແຮງຊຸກຍູ້ໃຫ້ສອງປະເທດຟື້ນຟູການຄ້າໂດຍກົງ,ມູນເຫດກໍຍ້ອນໄດ້ເຫັນວ່າການຂະຫຍາຍ ເສດຖະກິດການຄ້າສອງປະເທດມີອະນາຄົດອັນດີງາມ,ປະຈຸບັນ ການພົວພັນ ລະຫວ່າງສອງປະເທດນັບມື້ນັບແຫນ້ນແຟ້ນ, ນັກທຸລະກິດຊາວຈີນທີ່ອາໄສຢູ່ອິນໂດເນເຊຍຍິນດີທຸ່ທເຫື່ອເທແຮງຊ່ອຍລັດຖະບານສອງຝ່າຍຂະຫຍາຍການພົວພັນເສດຖະກິດການຄ້າ,ຍາດແຍ່ງໃຫ້ບັນລຸເປົ້າຫມາຍໄລຍະມໍ່ທີ່ໃຫ້ມູນຄ່າການຄ້າສອງຝ່າຍໃນແຕ່ລະປີບັນລຸ 20 ຕື້ໂດລາສະຫະລັດກ່ອນເວລາກຳນົດ.
|
