|
ນາຍົກອີຣັກຮຽກຮ້ອງໃຫ້ທະຫານອາເມລິກາຖອນອອກໂດຍໄວ ນາຍທະຫານອາເມລິກາກ່າວວ່າການຖອນທະຫານອາດຈະເລີ່ມແຕ່ລະດູໃບໄມ້ປົ່ງປີໜ້າ
cri
Author: li
ຕາມຂ່າວ CRI: ວັນທີ 27 ກໍລະກົດ ທ່ານຈາຟາລີ ນາຍົກລັດຖະມົນຕີລັດຖະບານຂ້າມຜ່ານຂອງອີຣັກຮຽກຮ້ອງໃຫ້ອາເມລິກາຖອນທະຫານອອກຈາກອີຣັກໂດຍໄວ. ມື້ດຽວກັນ ຢູ່ແບກແດັດ ທ່ານຈອດ ເຄຊີ ຜູ້ບັນຊາການສູງສຸດຂອງທະຫານອາເມລິກາປະຈຳອີຣັກກ່າວວ່າ,ອາເມລິກາອາດຈະຖອນທະຫານຢ່າງຫຼວງຫຼາຍອອກຈາກອີຣັກແຕ່ລະດູໃບໄມ້ປົ່ງປີໜ້າ.
ທ່ານຈາຟາລີເວົ້າວ່າ,ການຖອນທະຫານອາເມລິກາພົວພັນເຖິງສອງປັດໄຈຄື,ໜຶ່ງ,ທະຫານອາເມລິກາຕ້ອງຂ້ຽວເລັ່ງເຝິກອົບຮົມກອງທະຫານຮັກສາຄວາມປອດໄພຂອງອີຣັກ. ສອງ,ໃນບັນຫາມອບຮັບການປ້ອງກັນຄວາມປອດໄພ,ທະຫານອາເມລິກາແລະລັດຖະບານອີຣັກຕ້ອງຮ່ວມມືກັນຢ່າງແໜ້ນແຟ້ນ.
ມື້ດຽວກັນ,ທ່ານຈອດ ເຄຊີ ເວົ້າຕໍ່ນັກຂ່າວວ່າ,ຖ້າການສ້າງສາການເມືອງຂອງອີຣັກຄືນໃໝ່ມີການຄືບໜ້າ,ກຳລັງຕໍ່ຕ້ານບໍ່ຂະຫຍາຍອອກ,ທະຫານອາເມລິກາກໍອາດຈະເລີ່ມຖອນອອກຈາກອີຣັກໃນລະດູໃບໄມ້ປົ່ງປີໜ້າ.
|
|
