|
|
 |
| (GMT+08:00)
2005-07-28 09:30:38
|
 |
|
ທ່ານຖາງເຈຍສວນວາງຂໍ້ສະເໜີ 4 ຂໍ້ກ່ຽວກັບການຂະຫຍາຍການພົວພັນຈີນອາເມລິກາ
cri
Author: li
ຕາມຂ່າວ CRI: ວັນທີ 27 ກໍລະກົດ ທ່ານຖາງເຈຍສວນ ທີ່ປຶກສາແຫ່ງລັດຈີນທີ່ພວມຢ້ຽມຢາມວໍຊິງຕັນໄດ້ພົບປະທ່ານນາງໄລສ໌ ລັດຖະມົນຕີການຕ່າງປະເທດອາເມລິກາ.
ໃນການພົບປະ,ທ່ານຖາງເຈຍສວນໄດ້ຕີລາຄາຢ່າງຕັ້ງໜ້າຕໍ່ການຄືບໜ້າຂອງການພົວພັນຈີນອາເມລິກາໃນຫຼາຍປີມານີ້.
ທ່ານນາງໄລສ໌ກ່າວວ່າ,ການພົວພັນອາເມລິກາຈີນສຳຄັນຫຼາຍ. ຝ່າຍອາເມລິກາເຫັນວ່າການຢ້ຽມຢາມກັນລະຫວ່າງຜູ້ນຳຊັ້ນສູງຂອງອາເມລິກາແລະຈີນຈະຊ່ອຍໃຫ້ສອງປະເທດແລກປ່ຽນຄວາມເຫັນຢ່າງເລິກເຊິ່ງກ່ຽວກັບບັນຫາສາກົນແລະພາກພື້ນທີ່ສຳຄັນ. ຝ່າຍອາເມລິກາຈະສືບຕໍ່ຍຶດໝັ້ນຫຼັກໝັ້ນຈີນດຽວ.
ໃນເວລາກ່າວປາຖະກະຖາຢູ່ຄະນະກຳມະການການພົວພັນອາເມລິກາຈີນທົ່ວປະເທດແລະຄະນະກຳມະການການຄ້າອາເມລິກາຈີນທົ່ວປະເທດ,ທ່ານຖາງເຈຍສວນກ່າວວ່າ,ຈີນອາເມລິກາສາມາດພ້ອມກັນພະຍາຍາມຊຸກຍູ້ການຂະຫຍາຍການພົວພັນຮ່ວມມືກັນທີ່ມີລັກສະນະສ້າງສັນລະຫວ່າງຈີນກັບອາເມລິກາໃນສະຕະວັດໃໝ່ຈາກ 4 ດ້ານດັ່ງລຸ່ມນີ້ຄື: ໜຶ່ງ,ເພີ່ມທະວີການປະສານງານຮ່ວມມືກັນ,ຊຸກຍູ້ສັນຕິພາບແລະຄວາມປອດໄພຂອງໂລກ; ສອງ,ຊຳລະບັນຫາໄຕ້ຫວັນຢ່າງເໝາະສົມ,ພ້ອມກັນຄັດຄ້ານສະກັດກັ້ນ"ໄຕ້ຫວັນເປັນເອກະລາດ"; ສາມ,ຊຳລະແກ້ໄຂຄວາມຂັດແຍ່ງກັນທາງເສດຖະກິດການຄ້າ,ເຮັດໃຫ້ການຮ່ວມມືຂອງສອງຝ່າຍທີ່ຕ່າງໄດ້ຮັບຜົນປະໂຫຍດຮ່ວມຫຼາຍກວ່າເກົ່າ; ສີ່,ເປີດກວ້າງການແລກປ່ຽນລະຫວ່າງປະຊາຊົນ,ປັບປຸງພື້ນຖານສັງຄົມແຫ່ງມິດຕະພາບຈີນອາເມລິກາ.
|
|
|
