|
ຕາມຂ່າວສານຊິນຮວາ: ວັນທີ 27 ກໍລະກົດຢູ່ທຳນຽບຂາວ, ທ່ານບຸສ໌ ປະທານາທິບໍດີອາເມລິກາໄດ້ພົບປະທ່ານຖາງເຈຍສວນ ທີ່ປຶກສາແຫ່ງລັດຈີນ.
ທ່ານຖາງເຈຍສວນໄດ້ເອົາຈົດໝາຍຂອງທ່ານຫູຈີນທາວ ປະທານປະເທດຈີນໄປຍັງທ່ານບຸສ໌. ທ່ານເວົ້າວ່າ, ສືບຕໍ່ຊຸກຍູ້ການພົວພັນລະຫວ່າງຈີນອາເມລິກາສອດຄ່ອງກັບຜົນປະໂຫຍດກົກເຄົ້າຂອງສອງປະເທດແລະປະຊາຊົນທັງສອງປະເທດ, ກໍມີຜົນດີຕໍ່ສັນຕິພາບ ສະຖຽນລະພາບແລະການພັດທະນາຂອງເຂດອາຊີປາຊີຟິກກໍຄືຂອງທົ່ວໂລກ. ທ່ານປະທານຫູຈີນທາວກັບທ່ານປະທານາທິບໍດີບຸສ໌ຢ້ຽມຢາມເຊິ່ງກັນແລະກັນໃນປີນີ້ມີຄວາມໝາຍສຳຄັນ, ມີຜົນດີຕໍ່ສອງຝ່າຍເພີ່ມທະວີການສົນທະນາກັນ, ຄວາມໄວ້ເນື້ອເຊື່ອໃຈເຊິ່ງກັນແລະກັນແລະການຮ່ວມມື, ພ້ອມກັນຍົກການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນອາເມລິກາຂຶ້ນສູ່ລະດັບສູງກວ່າເກົ່າ.
ທ່ານບຸສ໌ເວົ້າວ່າຄ່ວຍຖ້າພົບປະກັບທ່ານປະທານຫູຈີນທາວອີກ, ເຊື່ອວ່າການຢ້ຽມຢາມເຊິ່ງກັນແລະກັນລະຫວ່າງປະມຸກລັກສອງປະເທດຈະໄດ້ຮັບໝາກຜົນອັນຕັ້ງໜ້າ.
|
