|
ຕາມຂ່າວCRI: ວັນທີ 29 ກໍລະກົດຢູ່ທີ່ປັກກິ່ງ, ທ່ານຊູຊີໂລ ປະທານາທິບໍດີອິນໂດເນເຊຍທີ່ພວມຢ້ຽມຢາມຈີນທາງລັດຖະກິດໄດ້ກ່າວວ່າ, ອິນໂດເນເຊຍຍິນດີສືບຕໍ່ຄຽງບ່າຄຽງໄຫຼ່ຮ່ວມມືກັບຈີນ, ຕັ້ງໜ້າສະແຫວງຫາຜົນປະໂຫຍດຂອງປະເທດພວມພັດທະນາບົນເວທີສາກົນ.
ທ່ານຊູຊີໂລໄດ້ກ່າວປາຖະກະຖາໃນງານລ້ຽງອາຫານທ່ຽງການຄ້າຈີນອິນໂດເນເຊຍວ່າ, ເສດຖະກິດຈີນໄດ້ພັດທະນາຢ່າງວ່ອງໄວ, ການປະຕິຮູບແລະເປີດປະຕູສູ່ພາຍນອກໄດ້ຮັບໝາກຜົນອັນເດັ່ນຊັດ, ຊີວິດການເປັນຢູ່ຂອງປະຊາຊົນໄດ້ຮັບການປົວແປງຢ່າງຫຼວງຫຼາຍ. ຈີນສາມາດກາຍເປັນຕົວແທນຂອງປະເທດພວມພັດທະນາອັນໄພສານໄດ້. ຈີນແລະອິນໂດເນເຊຍສາມາດຮ່ວມມືກັນບົນພື້ນຖານຊຸກຍູ້ຄວາມຈະເລີນຮຸ່ງເຮືອງເຊິ່ງກັນແລະກັນ, ເພື່ອເຮັດໃຫ້ສະຕະວັດແຫ່ງອາຊີປະກົດຜົນເປັນຈິງ.
ທ່ານເຈິງເຜິຍອຽນ ຮອງນາຍົກລັດຖະມົນຕີຈີນໄດ້ເຂົ້າຮ່ວມງານລ້ຽງອາຫານທ່ຽງແລະກ່າວປາຖະກະຖາ. ທ່ານໄດ້ສະເໜີຂໍ້ສະເໜີອັນລະອຽດຕ່າງໆເຊັ່ນ ເປີດກວ້າງການຄ້າແລະການລົງທຶນເຊິ່ງກັນແລະກັນ ຢູ່ລະຫວ່າງສອງປະເທດຕໍ່ໄປ, ສືບຕໍ່ຊ່ອຍເຫຼືອອິນໂດເນເຊຍໃນການສ້າງສາຄືນໃໝ່ຫຼັງໄພຄື້ນສຶນາມິ, ລັດຖະບານປະເທດທັງສອງສ້າງເງື່ອນໄຂໃຫ້ແກ່ການຮ່ວມມືລະຫວ່າງວິສາຫະກິດສອງຝ່າຍ ແລະຂໍ້ສະເໜີລະອຽດອື່ນໆ.
|
