|
ຕາມຂ່າວສານຊິນຮວາ: ວັນທີ 29 ກໍລະກົດນີ້, ທ່ານລິວຢົງຊິງ ເອກອັກຄະລັດຖະທູດຈີນປະຈຳລາວໄດ້ບັນລະຍາຍຫຼັກໝັ້ນຂອງຝ່າຍຈີນກ່ຽວກັບສະຖານະການໃໝ່ດ້ານຄວາມໝັ້ນຄົງພາກພື້ນອາຊີປາຊີຟິກຕໍ່ກອງປະຊຸມລັດຖະມົນຕີການຕ່າງປະເທດເວທີປາໄສອາຊຽນຄັ້ງທີ 12 ທີ່ຈັດຂຶ້ນຢູ່ວຽງຈັນ.
ໃນເວລາທ່ານກ່າວຄຳປາໄສໂດຍຕາງໜ້າໃຫ້ແກ່ທ່ານລີຈ້າວຊິງ ລັດຖະມົນຕີການຕ່າງປະເທດຈີນ, ທ່ານກ່າວວ່າ, ບັນດາປະເທດອາຊີປາຊີຟິກໄດ້ກ້າວເຖິງຂັ້ນມີຄວາມຮັບຮູ້ຄືກັນໃນການປົກປັກຮັກສາສັນຕິພາບ ສະຖຽນລະພາບແລະຄວາມໝັ້ນຄົງຂອງພາກພື້ນແຫ່ງນີ້, ປະຈຸບັນ ພາກພື້ນອາຊີປາຊີຟິກຍັງປະເຊີນສິ່ງທ້າທາຍບໍ່ໜ້ອຍໃນດ້ານຄວາມໝັ້ນຄົງ. ຝ່າຍຈີນເຫັນວ່າ, ການພັດທະນາເວທີປາໄສອາຊຽນໃນອະນາຄົດຄວນເອົາໃຈໃສ່ນຳ 4 ດ້ານຄືດັ່ງລຸ່ມນີ້:
ໜຶ່ງ ລົງເລິກຄວາມໄວ້ເນື້ອເຊື່ອໃຈເຊິ່ງກັນແລະກັນ; ສອງ ໂຄລົບຈຸດພິເສດຂອງບັນດາປະເທດມີຄວາມຫຼາກຫຼາຍ, ສືບຕໍ່ສົ່ງເສີມບົດຮຽນສຳເລັດຜົນແລະຫຼັກການທີ່ປຶກສາຫາລືກັນຢ່າງເປັນເອກະພາບກັນ ຄ່ອຍເປັນຄ່ອຍໄປ; ສາມ ຊຳລະການພົວພັນລະຫວ່າງເວທີປາໄສກັບກົນໄກອື່ນໆໃຫ້ດີ, ຕາບຈູນກັນດ້ານທ່າແຮງ; ສີ່ ຮັກສາຄວາມຄົງຕົວ, ຊຸກຍູ້ໃຫ້ເວທີປາໄສພັດທະນາຢ່າງບໍ່ຢຸດຢັ້ງ.
ທ່ານລິວຢົງຊິງຍັງໄດ້ບັນລະຍາຍຫຼັກໝັ້ນຂອງຝ່າຍຈີນໃນການຮັດແໜ້ນການຮ່ວມມືໃນຂົງເຂດຕ້ານລັດທິກໍ່ການຮ້າຍ ໂຈມຕີການຕ້ອງໂທດຂ້າມຊາດ, ສະໜັບສະໜູນຊອກຄົ້ນຊ່ອງທາງແລະວິທີດຳເນີນການຕ່າງປະເທດທີ່ມີລັກສະນະປ້ອງກັນຢ່າງເລິກເຊິ່ງ.
|
