|
ຮອງນາຍົກລັດຖະມົນຕີຈີນຫວັງໃຫ້ຈີນອິນໂດເນເຊຍຈົ່ງຊຸກຍູ້ການພົວພັນຄູ່ຂາຍຸດທະສາດສອງຝ່າຍກ້າວໄປໜ້າ ຢ່າງບໍ່ຢຸດຢັ້ງ
cri
Author: q
ຕາມຂ່າວສານຊິນຮວາ,ວັນທີ29ກໍລະກົດ,ຢູ່ທີ່ປັກກິ່ງ,ທ່ານເຈິ່ງເຜີຍອຽນ ຮອງນາຍົກລັດຖະມົນຕີຈີນກ່າວວ່າ,ຫວັງໃຫ້ລັດຖະບານແລະບຸກຄົນວົງການອຸດສາຫະກຳການຄ້າຂອງຈີນແລະອິນໂດເນເຊຍຈົ່ງກຳໂອກາດຍຸກສະໄໝ,ເປີດກວ້າງຂົງເຂດການຮ່ວມມື,ຍົກລະດັບການຮ່ວມມືໃຫ້ສູງຂຶ້ນ,ຊຸກຍູ້ການພົວພັນຄູ່ຂາຍຸດທະສາດສອງຝ່າຍກ້າວໄປໜ້າຢ່າງບໍ່ຢຸດຢັ້ງ.
ໃນເວລາກ່າວຄຳປາໄສຕໍ່ບຸກຄົນວົງການອຸດສາຫະກຳການຄ້າຂອງສອງປະເທດ,ທ່ານເຈິ່ງເຜີຍອຽນຊີ້ອອກວ່າ,ຈີນແລະອິນໂດເນເຊຍມີຄວາມຕາບຈູນກັນຫຼາຍໃນດ້ານເສດຖະກິດ,ການເປີດກວ້າງການຮ່ວມມືເສດຖະກິດເຕັກນິກສອງຝ່າຍມີອະນາຄົດອັນກວ້າງຂວາງແລະມີກຳລັງບົ່ມຊ້ອນອັນມະຫາສານ.
ນອກນີ້,ຂ່າວແຈ້ງວ່າ,ວັນທີ29ກໍລະກົດຢູ່ທີ່ປັກກິ່ງ,ວິສາຫະກິດ10ກວ່າແຫ່ງຂອງຈີນແລະອິນໂດເນເຊຍໄດ້ເຊັນສັນຍາຮ່ວມມືທີ່ມີມູນຄ່າລື່ນກາຍ4ຕື້ໂດລາສະຫະລັດ.ສັນຍາເຫຼົ່ານີ້ຕົ້ນຕໍໄດ້ກ່ຽວພັນເຖິງຂະແໜງການການທະນາຄານ,ນ້ຳມັນເຊື້ອໄຟແລະອາຍແກັສທຳມະຊາດ,ການຮັບເໝົາໂຄງການ,ຂະແໜງການITແລະອື່ນໆ.
|
|
