|
|
 |
| (GMT+08:00)
2005-07-31 17:54:13
|
 |
|
ອີຣັກກຳນົດຕົວເມືອງຮັບຄຸ້ມຄອງງວດທຳອິດທ່ານຊັດດາມຖືກບຸກໂຈມຕີໃນສານ
cri
ຕາມຂ່າວCRI,ວັນທີ30ກໍລະກົດ,ຝ່າຍທາງການອີຣັກໄດ້ປະກາດບັນຊີລາຍຊື່ຕົວເມືອງງວດທຳອິດທີ່ອີຣັກຮັບຄຸ້ມຄອງ.
ທ່ານລູບາອີ ທີ່ປຶກສາຄວາມປອດໄພແຫ່ງຊາດອີຣັກກ່າວວ່າ,ຕົວເມືອງງວດທຳອິດທີ່ກອງທະຫານນາໆຊາດປະຈຳອີຣັກຈະມອບສິດຄວບຄຸມໃຫ້ອີຣັກນັ້ນລວມມີ7ແຫ່ງ.ນີ້ແມ່ນຕົວເມືອງຈຳນວນໜຶ່ງທີ່ມີສະຖານະການຄວາມປອດໄພອ່າວໝັ້ນທ່ຽງ.ແຕ່ທ່ານບໍ່ໄດ້ເຜີຍໃຫ້ຮູ້ຕາລາງເວລາທີ່ກອງທະຫານາໆຊາດຈະຖອນອອກຈາກຕົວເມືອງເຫຼົ່ານີ້.
ຄຽງຄູ່ກັບຂະບວນວິວັດສ້າງສາການເມືອງຄືນໃໝ່ຂອງອີຣັກໄດ້ຄືບໄປໜ້າ,ການກະກຽມໄລຍະຕົ້ນກ່ຽວກັບການໄຕ່ສວນຕັດສິນທ່ານຊັດດາມກໍພວມຂ້ຽວເລັ່ງດຳເນີນຢູ່.ວັນທີ30ກໍລະກົດ,ຄະນະທະນາຍຄວາມຂອງທ່ານຊັດດາມໄດ້ອອກຖະແຫຼງການວ່າ,ວັນທີ28ກໍລະກົດ,ໃນເວລາທ່ານຊັດດາມອອກຈາກສານພາຍຫຼັງຮັບການຍົກກະທູ້ຖາມຂອງສານພິເສດອີຣັກແລ້ວ,ມີຄົນບຸກໂຈມຕີເຂົາຢ່າງກະທັນຫັນແລະທຸບຕີກັບເຂົາ.
ນອກນີ້,ຂ່າວແຈ້ງວ່າ,ຕອນເຊົ້າວັນທີ30ກໍລະກົດ,ຂະບວນລົດຂອງສະຖານກົງສູນອັງກິດປະຈຳບາສລາຖືກຫຼອນໂຈມຕີດ້ວຍລະເບີດຢູ່ຂ້າງທາງ.ນອກນີ້,ໃນມື້ດຽວກັນ,ຢູ່ມໍ່ໂຮງລະຄອນແຫ່ງຊາດອີຣັກທີ່ຢູ່ນະຄອນຫຼວງແບກແດດໄດ້ເກີດເຫດການລົດຍົນລະເບີດ.
|
|
|
