ລົດຂອງຄະນະຜູ້ແທນສປປເກົາຫຼີແລ່ນເຂົ້າຫໍຮັບແຂກເມືອງຕ້ຽວຢູທາຍ


ລົດຂອງຄະນະຜູ້ແທນ.ເກົາຫຼີແລ່ນເຂົ້າຫໍຮັບແຂກເມືອງຕ້ຽວຢູທາຍ

ຕາມ​ຂ່າວ CRI: ຕອນ​ບ່າຍ​ວັນ​ທີ 2 ສິງຫາ ຢູ່​ທີ່​ປັກ​ກິ່ງ ການ​ເຈລະຈາ 6 ຝ່າຍ​ຮອບ​ສີ່​ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ​ໄດ້​ຈັດ​ກອງ​ປະຊຸມ​ຫົວໜ້າ​ຄະນະ​ຜູ້​ແທນ,​ເພື່ອ​ປຶກສາ​ຫາລື​ເນື້ອ​ໃນ​ຂອງຮ່າງ​ເອກະສານ​ຮ່ວມສະບັບ​ທີ​ສາມທີ່​ຝ່າຍຈີນ​ສະ​ເໜີ​ອອກ​ມາ​ໃນ​ຕອນ​ຄ່ຳ​ວັນ​ທີ 1 ສິງຫາ.

ລົດຂອງຄະນະຜູ້ແທນຣັດເຊຍແລ່ນເຂົ້າຫໍຮັບແຂກເມືອງຕ້ຽວຢູທາຍ

​​ລົດຂອງຄະນະຜູ້ແທນອາເມລິກາແລ່ນເຂົ້າຫໍຮັບແຂກເມືອງຕ້ຽວຢູທາຍ

ຕອນ​ເຊົ້າວັນ​ທີ 2 ສິງຫາ ພາຍຫຼັງຈີນ​ສປປ​ເກົາຫຼີ​ແລະ​ຈີນ​ອາ​ເມ​ລິ​ກາ​ໄດ້​ປຶກສາ​ຫາລື​ກັນ​ສອງ​ຕໍ່​ສອງ​ແລ້ວ,ບັນດາ​ຝ່າຍ​ໄດ້​ຈັດ​ກອງ​ປະຊຸມ​ຫົວໜ້າ​ຄະນະ​ຜູ້​ແທນ,ຕົ້ນຕໍ​ໄດ້​ຫາລື​ບັນຫາ​ໃຈກາງ​ທີ່​ມີ​ການ​ໂຕ້​ຖຽງ​ກັນ. ບັນຫາ​ຕ່າງໆ​ເຊັ່ນ"ການ​ປະລະ​ນິວ​ເຄຼຍ"​ແລະ​ມາດ​ຕະການ​ໃຫ້​ຄ່າ​ຊົດ​ເຊີຍ​ທີ່​ສົມ​ຄູ່​ກັນ​ໄດ້​ກາຍ​ເປັນ​ຈຸດ​ສຸມ​ໃນ​ການ​ຫາລື​ກັນໃນ​ກອງ​ປະຊຸມ​ວັນ​ທີ 2 ສິງຫາ. ຕາມ​ໄດ້​ຊາບ,​ກ່ອນ​ຈັດ​ກອງ​ປະຊຸມ​ຫົວໜ້າ​ຄະນະ​ຜູ້​ແທນ,​ຫົວໜ້າ​ຄະນະ​ຜູ້​ແທນ​ບັນດາ​ຝ່າຍ​ກ່າວ​ລື້ມ​ວ່າ,​ຍິນ​ດີ​ພ້ອມ​ກັນ​ພະຍາຍາມ​,ຊຸກ​ຍູ້​ໃຫ້​ການ​ເຈລະຈາ​ຮອບ​ນີ້​ໄດ້​ຮັບ​ໝາກ​ຜົນ​ທາດ​ແທ້.

ລົດຂອງຄະນະຜູ້ແທນຍີ່ປຸ່ນແລ່ນເຂົ້າຫໍຮັບແຂກເມືອງຕ້ຽວຢູທາຍ

ຕອນ​ບ່າຍ​ວັນ​ທີ 2 ສິງຫາ,ນອກຈາກ​ 6 ຝ່າຍ​ສືບ​ຕໍ່​ຈັດ​ກອງ​ປະຊຸມ​ຫົວໜ້າ​ຄະນະ​ຜູ້​ແທນ​ແລ້ວ,ສ.​ເກົາຫຼີ​ອາ​ເມ​ລິ​ກາ,ຈີນ​ສ.​ເກົາຫຼີ​ແລະ​ສປປ​ເກົາຫຼີ​ກັບສ.​ເກົາຫຼີ​ເປັນຕົ້ນ​ຍັງ​ມີ​ແຜນ​ຈັດການ​ພົບ​ປະກັນ​ສອງ​ຝ່າຍ,ສືບ​ຕໍ່​ປຶກສາ​ຫາລື​ຈຸດ​ຂັດ​ແຍ່ງ​ຂອງ​ເນື້ອ​ໃນ​ຮ່າງ​ເອກະສານ​ຮ່ວມ.