|
ກອງປະຊຸມລັດຖະມົນຕີກະຊວງວັດທະນະທຳອາຊຽນກັບຈີນ,ຍີ່ປຸ່ນແລະສ.ເກົາຫຼີຄັ້ງທີສອງຈັດຂຶ້ນຢູ່ບາງກອກ
cri
Author: li
ຕາມຂ່າວ CRI: ວັນທີ 3 ສິງຫາ ຢູ່ບາງກາກໄດ້ໄຂກອງປະຊຸມລັດຖະມົນຕີກະຊວງວັດທະນະທຳອາຊຽນກັບຈີນ,ຍີ່ປຸ່ນແລະສ.ເກົາຫຼີຄັ້ງທີສອງ.
ຫົວຂໍ້ສຳຄັນຂອງກອງປະຊຸມເທື່ອນີ້ລວມມີການວາງນະໂຍບາຍແລະຍຸດທະສາດພັດທະນາວັດທະນະທຳຂອງອາຊຽນກັບຈີນ,ຍີ່ປຸ່ນແລະສ.ເກົາຫຼີ,ສະແຫວງຫາຊ່ອງທາງດຳເນີນການຄ້າສິນຄ້າວັດທະນະທຳຢ່າງເສລີເປັນຕົ້ນ. ລັດຖະມົນຕີກະຊວງວັດທະນະທຳຂອງ 10 ປະເທດອາຊຽນແລະຈີນ,ຍີ່ປຸ່ນ,ສ.ເກົາຫຼີໄດ້ເຂົ້າຮ່ວມກອງປະຊຸມທີ່ຈະໄຂເປັນເວລາສອງມື້ເທື່ອນີ້.
ໃນກອງປະຊຸມ,ທ່ານຊູ່ນເຈ່ຍເຈີ້ງ ລັດຖະມົນຕີກະຊວງວັດທະນະທຳຈີນໄດ້ກ່າວຄຳປາໄສວ່າ,ກອງປະຊຸມເທື່ອນີ້ເປັນສັນຍະລັກສະແດງໃຫ້ເຫັນວ່າການຮ່ວມມືດ້ານວັດທະນະທຳລະຫວ່າງອາຊຽນກັບຈີນ,ຍີ່ປຸ່ນແລະສ.ເກົາຫຼີໄດ້ຢ່ວງບາດກ້າວໃໝ່ທີ່ສຳຄັນທີ່ສຸດບົນພື້ນຖານອັນດີງາມໃນການແລກປ່ຽນກັນສອງຕໍ່ສອງໃນເມື່ອກ່ອນ.
|
|
