|
|
 |
| (GMT+08:00)
2005-08-04 22:36:03
|
 |
|
ເຂດກວາງຊີຈີນປະຕິບັດໂຄງການຊ່ອຍເຫຼືອກະສິກຳອາຊຽນ
cri
Author: da
|
ທ່ານຜູ້ຟັງທີ່ໂຄລົບ,ຄຽງຄູ່ກັບເຂດການຄ້າເສລີຈີນອາຊຽນໄດ້ເລີ່ມກໍ່ສ້າງ,ເຂດກວາງຊີເຜົ່າຈ້ວງປົກຄອງຕົນເອງຂອງຈີນກໍເລີ່ມປະຕິບັດໂຄງການຊ່ອຍເຫຼືອຫຼືຮ່ວມມືໃນດ້ານກະສິກຳກັບບັນດາປະເທດອາຊຽນຕາມຄວາມຮຽກຮ້ອງຕ້ອງການຂອງປະເທດອາຊຽນ.ໃນລາຍການເຂົ້າສູ່ອາຊຽນພາກນີ້,ເຊີນຟັງບົດແຈ້ງຂ່າວທີ່ພາດຫົວເລື່ອງວ່າ: ເຂດກວາງຊີຈີນປະຕິບັດໂຄງການຊ່ອຍກະສິກຳຂອງອາຊຽນ.
ລາວແມ່ນປະເທດກະສິກຳ,ມີດິນກວ້າງແຕ່ມີຄົນໜ້ອຍ,ດິນດຳນ້ຳຊຸ່ມ,ຝົນຕົກເລື້ອຍໆ,ການຜະລິດຜົນຂອງກະສິກຳຍັງແມ່ນຄອບຄົວຊາວນາດຳເນີນການທຸລະກິດຕາມປະເພນີ,ພາຫະນະການຜະລິດບໍ່ທັນສະໄໝ,ລະດັບຊີວິດຂອງຊາວນາຍັງບໍ່ສູງ.ຄວາມທຸກຍາກແລະຂາດເຕັກນິກແມ່ນບັນຫາຕົ້ນຕໍທີ່ກຳຈັດການພັດທະນາກະສິກຳແບບຍືນຍົງຂອງລາວ,ແຕ່ພ້ອມກັນນັ້ນກໍອຳນວຍໂອກາດອັນກວ້າງໃຫຍ່ໃຫ້ກະສິກຳແຜ່ຜາຍສູ່ລາວ,ແລະໃຫ້ເປີດກວ້າງການຮ່ວມມືແລະການແລກປ່ຽນກັບລາວ.
ເພື່ອເພີ່ມທະວີການຮ່ວມມືແລະການແລກປ່ຽນທາງກະສິກຳລະຫວ່າງເຂດກວາງຊີກັບລາວ,ປີ 2004,ພາຍຫຼັງພະແນກກະສິກຳເຂດກວາງຊີກັບກົມປູກຝັງກະຊວງກະສິກຳປ່າໄມ້ລາວໄດ້ທັດສະນະສຶກສາເຊິ່ງກັນແລະກັນຫຼາຍເທື່ອແລ້ວ,ພະແນກກະສິກຳເຂດກວາງຊີໄດ້ສະເໜີໂຄງການຮ່ວມມືກ່ຽວກັບການສ້າງບ່ອນທົດລອງປູກຜັກແລະໝາກໄມ້ພັນໃໝ່ຂອງຈີນຢູ່ລາວ,ແລະເຊັນສັນຍາການຮ່ວມມືຢູ່ເມືອງນານນິງ,ຕົກລົງວ່າ ລາວສະໜອງທີ່ດິນ 30 ເຮັກຕາໃຫ້ຝ່າຍຈີນໂດຍຟີ,ເພື່ອສ້າງບ່ອນທົດລອງປູກຜັກແລະໝາກໄມ້ພັນໃໝ່ຂອງຈີນຢູ່ເມືອງປາກຊ່ອງແຂວງຈຳປາສັກ ພາກໃຕ້ຂອງລາວ,ຈະລົງທຶນ 2 ລ້ານ 5 ແສນຢວນ.ພາຍຫຼັງສ້າງຕັ້ງບ່ອນລົດທອງສຳເລັດແລ້ວ,ມັນຈະເປັນປ່ອງຢ້ຽມຂອງກະສິກຳທັນສະໄໝຂອງຈີນ,ຈະມີບົດບາດວາງສະແດງຜັກແລະໝາກໄມ້ພັນໃໝ່ ສ່ອງແສງເຕັກນິກໃໝ່ແລະໝາກຜົນໃໝ່ຂອງຈີນ,ການຈຳໜ່າຍຜະລິດຕະພັນ ອົບຮົມຊາວນາແລະເຮັດທຸລະກິດທ່ອງທ່ຽວເປັນຕົ້ນ.ພ້ອມກັນນັ້ນ,ຖືແຫ່ງນີ້ເປັນໃຈກາງ,ແຜ່ຂະຫຍາຍໄປຮອດຫວຽດນາມ ກຳປູເຈຍແລະໄທ,ເພື່ອຊັກຈູງການສົ່ງແຮງງານກະສິກຳ ເຄື່ອງປູກຂອງຝັງແນວພັນໃໝ່ ເຕັກນິກໃໝ່ແລະໝາກຜົນໃໝ່ຂອງຈີນໄປໃຫ້ບັນດາປະເທດເຫຼົ່ານີ້.ຕາມຮູ້ວ່າ,ຈີນທຸລະກິດ 20 ປີແລ້ວ ແກໍໂອນໃຫ້ລາວ.
ພາຍຫຼັງເຊັນສັນຍາສະບັບນີ້ແລ້ວ,ກະຊວງກະສິກຳປ່າໄມ້ຂອງລາວແລະອົງການປົກຄອງທ້ອງຖິ່ນຂອງລາວເອົາໃຈໃສ່ທີ່ສຸດແລະໄດ້ອອກແຮງສະໜັບສະໜູນໂຄງການນີ້,ນອກຈາກລັດອະນຸຍາດໂຄງການນີ້ແລ້ວ,ລາວຍັງເພີ່ມຕື່ມເນື້ອທີ່ໃນສັນຍາຈາກ 30 ເຮັກຕາກວ້າງເຖິງ 60 ເຮັກຕາ.ປະຈຸບັນ,ບໍລິສັດຈິນຊຽວຮວາຢາກວາງຊີພັດທະນາເຕັກນິກວິທະຍາສາດກະສິກຳຈຳກັດທີ່ຮັບຜິດຊອບໂຄງການນີ້ໄດ້ຕັ້ງສຳນັກງານຢູ່ເມືອງປາກຊ່ອງ,ແຕ່ງພະນັກງານປະຈຳຢູ່ຫັ້ນ,ດຳເນີນວຽກງານໄລຍະຕົ້ນ.
ນອກຈາກເພີ່ມທະວີການຮ່ວມມືແລະການແລກປ່ຽນທາງກະສິກຳກັບລາວແລ້ວ,ເຂດກວາງຊີຍັງນຳເອົາເຕັກນິກທາງອາຍເມຕານໃຫ້ກຳປູເຈຍ.(ດົນຕີຂັ້ນ)
ໃນຫຼາຍປີກ່ອນ,ກຳປູເຈຍໄດ້ທົດລອງໃຊ້ອາຍເມຕານຢູ່ຊົນນະບົດ ພາຍໃຕ້ການຊ່ອຍເຫຼືອຂອງອົງການທັນຍາຫານແລະກະເສດສະຫະປະຊາຊາດ,ແຕ່ວ່າເຮັດກະທັດຮັດໂພດ,ອຸປະກອນກໍເກົ່າແກ່,ສະອາຍເມຕານຫຼາຍແຫ່ງໃຊ້ບໍ່ໄດ້ອີກແລ້ວ.
ເຕັກນິກອາຍເມຕານຂອງກະສິກຳເຂດກວາງຊີມີຊື່ສຽງລືນາມຢູ່ບັນດາປະເທດອາຊຽນ.ເພື່ອຊ່ອຍເຫຼືອກຳປູເຈຍຍົກລະດັບເຕັກນິກນຳໃຊ້ອາຍເມຕານ,ໃນເດືອນກໍລະກົດປີ 2004,ພະແນກກະສິກຳເຂດກວາງຊີຈີນໄດ້ຮັບເໝົາຮັບຜິດຊອບ"ໂຄງການທົດລອງໃຊ້ອາຍເມຕານຢູ່ຊົນນະບົດກຳປູເຈຍ".
ແຕ່ນັ້ນມາ,ການນຳພະແນກກະສິກຳເຂດກວາງຊີໄດ້ນຳພາວິຊາການຄົ້ນຄວ້າອາຍເມຕານແລະວິຊາການວັດແທກສິ່ງແວດລ້ອມ,ໄປເກັບກຳຂໍ້ມູນທີ່ກ່ຽວຂ້ອງ,ເລືອກບ່ອນສ້າງສະອາຍເມຕານຢູ່ໃນ 3 ເຂດແຂວງຂອງກຳປູເຈຍແລະສຳຫຼວດຕະຫຼາດອຸປະກອນກໍ່ສ້າງໃນທ້ອງຖິ່ນນັ້ນ.
ໃນທ້າຍເດືອນພະຈິກປີ 2004,ເຂດກວາງຊີໄດ້ແຕ່ງຜູ່ຄຸ້ມຄອງຜູ່ດີເລີດທີ່ເຄີຍເຮັດໂຄງການກະສິກຳຕ່າງປະເທດ ມີຄວາມສາມາດໃນການປະສານງານຄຸ້ມຄອງແລະໄປມາຫາສູ່ກັນດ້ວຍພາສາຕ່າງປະເທດໄດ້ ພ້ອມກັບວິຊາການຫຼັກແຫຼ່ງ 5 ຄົນ ຂອງກິດຈະການອາຍເມຕານ ໄປເຮັດວຽກປະຕິບັດໂຄງການຢູ່ກຳປູເຈຍ 60 ມື້,ໃນທີ່ສຸດໄດ້ສ້າງສະອາຍເມຕານລວມ 30 ແຫ່ງຢູ່ຊົນນະບົດກຳປູເຈຍ.ນອກນີ້,ວິຊາການເຂດກວາງຊີຍັງຊ່ອຍອົບຮົມພະນັກງານເຕັກນິກກຳປູເຈຍ ວາງແຜນການພັດທະນາອາຍເມຕານ.(ດົນຕີຂັ້ນ)
ອິນໂດເນເຊຍແມ່ນປະເທດໃຫຍ່ດ້ານກະສິກຳຢູ່ອາຊີອາຄະເນ,ຕ້ອງການພັດທະນາການສຶກສາເຕັກນິກກະສິກຳໂດຍດ່ວນ,ແລະຕົກລົງຕັ້ງໂຮງຮຽນເຕັກນິກກະສິກຳໂດຍໃຊ້ທຶນຊ່ອຍເຫຼືອຂອງລັດຖະບານຈີນ,ຝ່າຍທີ່ກ່ຽວຂ້ອງຂອງຈີນໄດ້ສະເໜີເຂດກວາງຊີໃຫ້ອິນໂດເນເຊຍ.
ແຕ່ເດືອນມິຖຸນາຮອດເດືອນກໍລະກົດປີ 2004,ພະນັກງານຂອງພະແນກກະສິກຳເຂດກວາງຊີໄດ້ໄປທັດສະນະສຶກສາໂຮງຮຽນLOKONຂອງອິນໂດເນເຊຍຕາມຄຳເຊີນ.
ພະນັກງານເຂດກວາງຊີໄດ້ທັດສະນະສຶກສາກະສິກຳແລະຊົນນະບົດຂອງອິນໂດເນເຊຍ,ໄດ້ວາງຄາດໝາຍສ້າງສາແລະເນື້ອໃນອັນລະອຽດຂອງໂຄງການບົນພື້ນຖານດັ່ງກ່າວ,ທັງຕົກລົງວ່າຈະອົບຮົມວິຊາການກະສິກຳຂັ້ນສູງສະເພາະ.ອີງຕາມໂຄງຄວາມຄຶດຂອງຈີນ,ໂຮງຮຽນວິຊາກະສິກຳຈະຕັ້ງພະແນກສີລະປະການປູກຝັງ ພະແນກລ້ຽງສັດນ້ຳແລະລ້ຽງປະສຸສັດ ແລະພະແນກໂຄງການຂໍ້ມູນເອເລັກໂຕຼນິກເປັນຕົ້ນ.
ພະນັກງານວິຊາການພະແນກກະສິກຳເຂດກວາງຊີຍັງສະເໜີໃຫ້ເພີ່ມການລົງທຶນ,ຊື້ອຸປະກອນການສິດສອນ,ເຊີນຄູສອນຂອງຈີນ,ນຳເອົາເຕັກນິກກ້າວໜ້າໄປເຜີຍແຜ່,ເພື່ອຈໍ່ຕົວເປັນລະບົບກະສິກຳທັນສະໄໝທີ່ມີຄຸນທາດຄົບຖ້ວນໃນການສຶກສາ ການຄົ້ນຄວ້າວິທະຍາສາດແລະການທົດລອງແຜ່ຂະຫຍາຍ ຊຶ່ງມີເອກະລັກພິເສດຂອງຕົນ,ສ້າງໂຮງຮຽນLOKONເປັນສະຖາບັນເຕັກນິກວິຊາກະສິກຳທີ່ມີຊື່ສຽງດົ່ງດັງຂອງອິນໂດເນເຊຍ.ຂໍ້ສະເໜີຂອງຈີນໄດ້ຮັບຄວາມຮັບຮອງຂອງຝ່າຍອິນໂດເນເຊຍ.ປະຈຸບັນ ໂຄງການນີ້ໄດ້ເລີ່ມເຮັດວຽກໄລຍະຕົ້ນແລ້ວ.ທ່ານຜູ້ຟັງທີ່ໂຄລົບ,ທີ່ຟັງມານັ້ນແມ່ນບົດສະເໜີທີ່ພາດຫົວເລື່ອງວ່າ:ເຂດກວາງຊີຈີນປະຕິບັດໂຄງການຊ່ອຍກະສິກຳຂອງອາຊຽນ.ລາຍການເຂົ້າສູ່ອາຊຽນພາກນີ້ກໍຂໍຈົບລົງພຽງທໍ່ນີ້,ສະເໜີໂດຍດາລາວັນ,ຂອບໃຈທ່ານຮັບຟັງ.
|
|
|
