|
 ຢົກແມ່ນເພັດພອຍທີ່ຊາວຈີນນິຍົມຊົມຊອບທີ່ສຸດ, ຖືກຖືເປັນຂອງສີລິມົງຄຸນມາແຕ່ບູຮານນະການ,ສາມາດໄລ່ຜີສະເດາະເຄາະຮ້າຍ.ສ່ວນແກ້ວມໍລະກົດຍັງແມ່ນຂອງຊະນິດຫນຶ່ງທີ່ມີຫນ້ອຍທີ່ສຸດແລະລາຄາແພງທີ່ສຸດໃນຢົກ, ປະຈຸບັນ,ເຄື່ອງເອ້ ເຄື່ອງສິລະປະຫັດຖະກຳຊະນິດຕ່າງໆທີ່ເຮັດດ້ວຍແກ້ວມະລະກົດໄດ້ຮັບຄວາມນິຍົມ ຊົມຊອບຈາກນັກສະສົມເຄື່ອງສິລະປະແລະຜູ່ບໍລິໂພກຈຳນວນຫຼວງຫຼາຍຂອງຈີນ ,ແຕ່ຍ້ອນແກ້ວມໍລະກົດມີຂອງປອມຫຼາຍ,ອົງການຈຳແນກແກ້ວມະລະກົດຈຶ່ງໄດ້ເພີ່ມຂຶ້ນຢູ່ຈີນຢ່າງບໍ່ຢຸດຢັ້ງໃນຫຼາຍປີມານີ້,ອຳນວຍການບໍລິການດ້ານຈຳແນກແບບວິຊາສະເພາະໃຫ້ແກ່ປະຊາຊົນ
ແກ້ວມະລະກົດແມ່ນແຮ່ທາດຊະນິດຫນຶ່ງ,ມີສີຂຽວ ສີເຫຼືອງອ່ອນຈາງ ສີຂາວ ສີອິດແລະສີແດງເປັນຕົ້ນ.ແກ້ວມະລະກົດທີ່ຂຽວເຕັມຕົວຍ້ອນມີຫນ້ອຍທີ່ສຸດ,ສະນັ້ນ ລາຄາຈຶ່ງແພງທີ່ສຸດ.ປະຈຸບັນ,ໃນຕະ ຫຼາດປະມູນຂາຍຂອງສາກົນ ປອກແຂນທີ່ເຮັດດ້ວຍແກ້ວມະລະກົດຂຽວເຕັມອັນຫນຶ່ງ,ລາຄາຈະສູງເຖິງຫຼາຍລ້ານຢວນ. ດ້ວຍເຫດນີ້,ພໍ່ຄ້າຫນ້າເລືອດບາງຄົນຈຶ່ງມັກປອມແປງແກ້ວມະລະກົດສີຂຽວເປັນຈຳນວນຫຼວງຫຼາຍ.
ວິທີປອມແປງແກ້ວມະລະກົດມີສອງຊະນິດຄືປອມວັດຖຸດິບແລະປອມສີ .ການປອມວັດຖຸດິບແມ່ນເອົາວັດຖຸດິບອື່ນໆມາປອມແປງເປັນແກ້ວມໍລະກົດ,ວັດຖຸປະເພດນີ້ເຖິງວ່າແມ່ນສີຂຽວກໍຕາມ,ແຕ່ມີຄວາມແຂງຕ່ຳ,ແລະມີຕຳຫນິ.ໃນເວລາຈຳແນກ,ເອົາມີດນ້ອຍມາຄວັດຫນ້າເຄື່ອງເອ້,ຖ້າມີ ຮອຍກໍ່ແປວ່າເປັນແກ້ວມະລະກົດ,ຫຼືເອົາແກ້ວຂະຫຍາຍມາສ່ອງເບິ່ງ,ຖ້າເອ້ມີຕຳຫນິຫຼືມີຝອດອາ ກາດກໍແມ່ນຂອງປອມ.ການປອມສີແມ່ນຄົຫມາຍເຖິງການປັບປຸງແກ້ວມໍລະກົດທີ່ມີຄຸນນະພາບອ່າວ ຕ່ຳກວ່າ,ເຮັດໃຫ້ມັນມີສີຂຽວເຫມືອນແກ້ວມະລະກົດຊັ້ນດີ,ແກ້ວມໍລະກົດຊະນິດນີ້ຈຳແນກຍາກທີ່ສຸດ.
ທ່ານນາງລິວຢຽນຂອງພາກຈຳຫນ່າຍບໍລິສັດເພັດນິນຈິນດາເຮີງຊິນຈີນຈຳກັດແນະນຳວ່າ,ທຳມະດາແລ້ວ ຂະແຫນງການເພັດນິນຈິນດາຈະແບ່ງແກ້ວມໍລະກົດເປັນສາມຊັ້ນຄືຊັ້ນເອ ຊັ້ນບີ ຊັ້ນຊີ
ຊັ້ນເອແມ່ນເຄື່ອງເອ້ທີ່ເຮັດດ້ວຍຫີນແກ້ວມະລະກົດທຳມະຊາດ,ຊັ້ນບີແມ່ນເອົາແກ້ວມໍລະກົດທີ່ຄຸນນະພາບອ່າວຕ່ຳແຊ່ໃນນ້ຳກົດ ມາຍົກຄວາມໂປ່ງໃສຂອງແກ້ວມໍລະກົດໃຫ້ສູງຂຶ້ນ,ເມື່ອເຮັດແນວນີ້ ລາຄາຂອງມັນກໍ່ຈະ ສູງຂຶ້ນຢ່າງຫຼວງຫຼາຍ.
ຜູ່ຊ່ຽວຊານແນະນຳວ່າ,ຖ້າວິທີປັບປຸງແກ້ວມໍລະກົດຊຊັ້ນເອ ຊັ້ນບີບໍ່ສູງປານໃດ, ການຈຳແນກມັນກໍບໍ່ແມ່ນເລື່ອງຍາກ,ພຽງແຕ່ມີແກ້ວຂະຫຍາຍ 10 ເທົ່າອັນຫນຶ່ງກໍພໍແລ້ວ.ນີ້ແມ່ນຍ້ອນວ່າແກ້ວມໍລະກົດປະກອບດ້ວຍແຮ່ທາດນ້ອຍຢ່າງຫຼວງຫຼາຍ,ແຮ່ທາດເຫຼົ່ານີ້ມີຫຼາຍຮູບຫຼາຍແບບເຊັ່ນ:ເປັນເມັດ ເປັນເສັ້ນໃຍ ເປັນເລົາບາວ ເປັນເລົາສັ້ນ,ການສັງເກດເບິ່ງອົງປະກອບຊະນິດນີ້ແມ່ນຫຼັກອ້າງອີງສຳຄັນທີ່ຜູ່ຊ່ຽວຊານຈຳແນກແກ້ວມໍລະກົດດ້ວຍຕາເປົ່າທີ່ປັບປຸງແລ້ວດ້ວຍແກ້ວຂະຫຍາຍຈະສາມາດເຫັນຢ່າງຈະແຈ້ງວ່າອົງປະກອບຂອງມັນໄດ້ຖືກທຳລາຍແລ້ວ,ຢູ່ລະຫວ່າງແຮ່ທາດເມັດນ້ອຍໆຍັງໄດ້ໃສ່ຢາງໄມ້ແລະເຄື່ອງຍ້ອມ
ແຕ່ວ່າຄຽງຄູ່ຕະຫຼາດແກ້ວມໍລະກົດໄດ້ຄ້ກຄັດຂຶ້ນ,ວິທີປອມແປງກໍນັບມື້ນັບສູງຂຶ້ນ,ບາງຄົນຈົນກະທັ້ງຍ້ອມສີດ້ວຍເຄື່ອງລາແຊ.ເມື່ອເປັນແນວນີ້,ພຽງແຕ່ອາໄສຕາເປົ່າແລະບົດຮຽນຢາກຈຳແນກຄຸນນະພາບຂອງຜະລິດຕະພັນແກ້ວມໍລະກົດແມ່ນຍາກທີ່ສຸດ,ຢາກຈຳແນກຢ່າງຄັກແນ່ແທ້ໆຍັງຕ້ອງ ອາໄສເຄື່ອງວິທະຍາສາດເຕັກນິກ.
ທ່ານຈັ່ງອິງຢຸນ ນັກຄົ້ນຄວ້າຫໍພິພິທະພັນທໍລະນີຈີນໄດ້ມີບົດຮຽນຈຳແນກແກ້ວມໍລະກົດມາເປັນເວລາ 20 ກວ່າປີແລ້ວ,ເພິ່ນໄດ້ແນະນຳເຄື່ອງຈຳແນກແກ້ວມໍລະກົດທີ່ງ່າຍດາຍທີ່ສຸດຊະນິດຫນຶ່ງຕໍ່ນັກຂ່າວ.ທ່ານກ່າວວ່າ:
ກ້ອງສ່ອງສີແມ່ນເຄື່ອງຈຳແນກແກ້ວມໍລະກົດຊະນິດຫນຶ່ງ,ເມື່ອເອົາກ້ອງວາງໄວ້ຢູ່ຫນ້າແກ້ວມໍລະກົດ,ແລ້ວສ່ອງເບິ່ງຈາກກ້ອງດັ່ງກ່າວຈະເຫັນວ່າ,ແກ້ວມໍລະກົດທີ່ຍ້ອມສີໄດ້ປ່ຽນເປັນສີຫມາກກະເບົາ,ສ່ວນແກ້ວມໍລະກົດ ທີ່ບໍ່ໄດ້ຍ້ອມສີຍັງແມ່ນສີຂຽວຢູ່,ນີ້ພຽງແຕ່ແມ່ນເຄື່ອງແທກຊະນິດຫນຶ່ງເທົ່ານັ້ນ,ເຄື່ອງແທກທີ່ຈຳແນກແກ້ວມໍລະກົດມີຢ່າງຫຼວງຫຼາຍ
ຄຽງຄູ່ກັບຂະແຫນງການຢົກໄດ້ພັດທະນາຢ່າງຟົດຟື້ນ,ໃນຫຼາຍປີມານີ້,ອົງການຈຳແນກຢົກຂອງຈີນກໍໄດ້ເພີ່ມຂຶ້ນຢ່າງບໍ່ຢຸດຢັ້ງ,ໃນທົ່ວປະເທດໄດ້ມີອົງການຈຳແນກຢົກທີ່ລັດຮັບຮອງ 60 ກວ່າຫຼັງ. ອົງການເຫຼົ່ານີ້ມີຫ້ອງທົດລອງແລະເຄື່ອງແທກແບບວິຊາສະເພາະສາມາດອອກໃບຢັ້ງຢືນທີ່ຊົງອິດທິພົນ.ພ້ອມກັນນັ້ນ,ເພື່ອເຜີຍແຜ່ຄວາມຮູ້ດ້ານຈຳແນກຢົກໃຫ້ແກ່ຜູ່ບໍລິໂພກ,ພາກສ່ວນທີ່ກ່ຽວຂ້ອງຂອງຈີນຍັງຈັດການບັນລະຍາຍເຜີຍແຜ່ຄວາມຮູ້ວິທະຍາສາດຕ່າງໆກ່ຽວກັບຢົກຕາມເວລາກຳນົດ,ແລະອຳນວຍການບໍລິການຈຳແນກແລະໃຫ້ຄຳປຶກສາໂດຍບໍ່ເກັບຄ່າໃຫ້ແກ່ປະຊາຊົນ,ຜູ່ຊ່ຽວຊານເຕືອນໃຫ້ຮູ້ວ່າ,ໃນເວລາຊື້ເຄື່ອງເອ້ຢົກເຊັ່ນແກ້ວມໍລະກົດເປັນຕົ້ນ,ບໍ່ຄວນອາໄສແຕ່ບົດຮຽນແລະສາຍຕາ,ຫາກຕ້ອງພະຍາຍາມ ສະແຫວງຫາການຊ່ອຍເຫຼືອຈາກອົງການຈຳແນກຢົກທີ່ມີວິຊາສະເພາະ,ເພື່ອຫຼຸດຄວາມສ່ຽງໃຫ້ຫນ້ອຍລົງ.
|
