|
ໃນລະດູຮ້ອນຄວນບຳລຸງຕັບ
cri
 ຢູ່ລາວເມື່ອເຂົ້າສູ່ລະດູຮ້ອນແລ້ວ,ເວລາແດດສ່ອງຈະຍາວແລະລັງສີອຸນຕຼາວີໂອເລກໍຈະແຮງຂື້ນ ເວລານີ້ ອາກາດຮ້ອນຫຼາຍ,ອາກາດແບບນີ້ບໍ່ພຽງແຕ່ຈະພາໃຫ້ເປັນພະຍາດຕ່າງໆເຊັ່ນເມົາແດດແລະລຳໄສ້ອັກເສບເປັນຕົ້ນ,ກໍມັກພາໃຫ້ຕັບຖືກທຳລາຍ,ເກີດເປັນພະຍາດກ່ຽວກັບຕັບເຊັ່ນ:ພະຍາດໝາກເຫຼືອງແລະສະມັດຖະພາບຂອງຕັບບໍ່ດີເປັນຕົ້ນ.
ມູນເຫດສຳຄັນທີ່ຕັບມັກຖືກທຳລາຍໃນລະດູຮ້ອນແມ່ນຍ້ອນວ່າການຫາບແບກຂອງຕັບໜັກໂພດ.ໃນໄລຍະນີ້,ອາກາດຮ້ອນຈັດ. ຢູ່ໃນອາກາດທີ່ຮ້ອນປານເຕົາອົບເປັນເວລາຍາວນານ,ຍ້ອນເຫື່ອອອກຫຼາຍ,ນ້ຳຟ້າໃນຮ່າງກາຍກໍຈະເສຍຫາຍຫຼາຍ,ແລະສີ້ນເປືອງພະລັງງານຊີວິດຢ່າງຫຼວງຫຼາຍ. ຕັບແມ່ນທາດຊີວິດໃນຮ່າງກາຍຂອງຄົນເຮົາ,ການຂັບຖ່າຍຕ່າງໆແລະສະມັດຖະພາບແກ້ພິດ,ຕ້ານທານພະຍາດໃນຮ່າງກາຍຄົນເຮົາລ້ວນແຕ່ອາໃສຕັບ.
ອາກາດຮ້ອນຍ່ອມຈະກະທົບກະເທືອນເຖິງເລືອດໜູນວຽນໃນຕັບ,ໃນທີ່ສຸດ,ຈະເປັນໂທດຕໍ່ຕັບ. ບວກກັບຄົນດຽວນີ້ມັກຢູ່ເດິກ,ໂດຍສະເພາະແມ່ນຊາວໜຸ່ມມັກນອນເດິກ,ຈຶ່ງອຶດຫຼັບອຶດນອນເລື້ອຍໆ. ເມື່ອເປັນແນວນີ້ກໍຈະພາໃຫ້ເລືອດໃນຕັບບໍ່ພຽວພໍ,ກະທົບກະເທືອນເຖິງການບຳລຸງລ້ຽງຈຸລັງຕັບ,ພູມຕ້ານທານຈຶ່ງອອ່ນລົງ. ຈຸລັງຕັບທີ່ຖືກທຳລາຍແຕ່ເດີມແລ້ວນັ້ນແມ່ນສ້ອມແປງໃຫ້ດີຄືນຍາກຫຼາຍ,ແລະຍັງຈະຊຸດຮ້າຍລົງອີກ. ອີກດ້ານໜື່ງການກີນອາຫານບໍ່ສະອາດ,ກໍມັກຈະພາໃຫ້ເປັນພະຍາດ.
ອາຫານໃນຍາມຮ້ອນມັກບູດ,ມັກເນົ່າ,ເກີດມີເຊື້ອໂຣກແລະແມ່ພະຍາດຢ່າງຫຼວງຫຼາຍ. ອາຫານທີ່ບໍ່ສະອາດບໍ່ພຽງແຕ່ກະຕຸກລຳໄສ້,ພາໃຫ້ທັງຊຸທັງຮາກ,ແລະຍັງຈະເພີ້ມການຫາບແບກຂອງຕັບທີ່ຕ້ອງຂ້າເຊື້ອເຫົ່ຼານີ້. ຖ້າສະມັດຖະພາບຂອງຕັບບໍ່ດີ,ຈະພາໃຫ້ເປັນພະຍາດຕັບຕ່າງໆເຊັ່ນ:ຕັບອັກເສບປະເພດກ.ແລະປະເພດງ.ລ້ວນແຕ່ແມ່ນຕິດແປດທາງທໍ່ຍ່ອຍອາຫານ. ຄັນຊັ້ນ ຄວນຮັກສາຕັບໃຫ້ແຂງແຮງແນວໃດ?ນີ້ກໍຕ້ອງໃຊ້ມາດຕະການປ້ອງກັນທີ່ຈຳເປັນຕາມມູນເຫດພາວະວິໄສ.
ໜຶ່ງ,ຢ່າຕາກແດດຫຼາຍ,ໃຫ້ນອນອີ່ມແລະຮັກສາໃຫ້ອາລົມທຸ່ນທ່ຽງ.ຍາມກາງເວັນ,ໃນເວລາອອກບ້ານຄວນໃສ່ໝວກ,ຫຼືຖືຄັນຮົ່ມແລະໃສ່ແວ່ນຕາກັນແດດ; ຖ້າເປັນໄປໄດ້,ຄວນນອນເວັນເຄິ່ງຊົ່ວໂມງຫຼືຊົ່ວໂມງໜຶ່ງ,ຕອນຄໍ່າ,ພະຍາຍາມຢ່າຢູ່ເດິກຫຼາຍ,ຮັບປະກັນໃຫ້ນອນເຕັມ 8 ຊົ່ວໂມງ,ຮັກສາໃຫ້ອາລົມທຸ່ນທ່ຽງ,ບໍ່ໃຈຮ້ອນ.
ສອງ,ຢ່າກີນເຫຼົ້າ.ໃນຍາມຮ້ອນ,ຄົນສວ່ນຫຼາຍມັກກີນເບຍ,ຄິດວ່າກີນເບຍແກ້ຮ້ອນໄດ້.ແຕ່ແພດສາດຈີນເຫັນວ່າ,ເຫຼົ້າແມ່ນເຄື່ອງດື່ມທີ່ຮ້ອນຄືໄຟ,ທຳລາຍຕັບ. ບໍ່ວ່າຈະເອົາເບຍໄປແຊ່ເຢັນແນວໃດ,ຍາມຮ້ອນກີນເຫົ້ຼາເບຍກໍປານວ່າສາດນ້ຳມັນໃສ່ກອງໄຟ,ຄົນເຈັບບໍ່ໜ້ອຍກໍແມ່ນຍ້ອນກີນເຫົ້ຼາຫຼາຍເກີນໄປແລ້ວພາໃຫ້ເປັນພະຍາດຕັບອັກເສບປະເພດອານໂກນ,ຕັບມີໄຂມັນຫຼາຍຈົນກະທັ້ງຕັບແຂງ.
ສາມ, ບໍ່ຄວນຢູ່ຫ້ອງແອດົນເກີນໄປ.ໃນຫ້ອງແອລົມເຢັນບໍ່ແມ່ນລົມທຳມະຊາດ,ອາກາດເປີເປື້ອນ,ມັກຈະເກີດເຊື້ອພະຍາດ,ທຳລາຍຕັບສະນັ້ນ ເມື່ອຢູ່ໃນຫ້ອງແອໄລຍະໜຶ່ງແລ້ວ,ກໍຕ້ອງໄປຍ່າງຫຼີ້ນທາງນອກເຮືອນຈັກຄາວໜຶ່ງ,ແຕ່ຢ່າໃຫ້ຮ້ອນຈົນເຫື່ອໄຫຼໄຄຍ້ອຍ.
ສີ່, ຮັບປະກັນອາຫານການກີນ. ຕ້ອງຮັບປະກັນກີນອາຫານສະອາດ,ບ່ວງຊ້ອມຖ້ວຍຊາມກໍຕ້ອງສະອາດ,ຄວນກີນອາຫານສົດທີ່ຍ່ອຍງ່າຍ,ແລະເລືອກກີນອານອາຫານທີ່ແກ້ຮ້ອນໃນ,ຕົວຢ່າງຄື:ກີນນ້ຳເຕົາຮູ້,ຍຳຜັກຕ່າງໆ,ຟັກຜັກທຽມໃສ່ໜ້ອຍໜຶ່ງສາມາດປ້ອງກັນລົງທ້ອງ,ແກງໜາກໂຕ່ນ,ຂົ້ວໝາກມະລະ,ກີນໝາກໄມ້ທີ່ມີນ້ຳຫຼາຍເຊັ່ນ:ໝາກໂມ,ໝາກກ້ຽງແລະອື່ນໆແລະໃຫ້ກີນພັກໃບຂຽວສະນິດຕ່າງໆໃຫ້ຫຼາຍ.
|
|
