|
ຕາມຂ່າວ CRI: ວັນທີ 5 ສິງຫາ ການເຈລະຈາ 6 ຝ່າຍຮອບສີ່ກ່ຽວກັບບັນຫານິວເຄຼຍແຫຼມເກົາຫຼີທີ່ຈັດຂຶ້ນຢູ່ປັກກິ່ງໄດ້ປຶກສາຫາລືຮ່າງເອກະສານຮ່ວມທີ່ຝ່າຍຈີນວາງອອກ.
ນັກຂ່າວໄດ້ຊາບວ່າ,ຕອນເຊົ້າວັນທີ 5 ຮອງຫົວໜ້າຄະນະຜູ້ແທນຂອງສປປເກົາຫຼີກັບອາເມລິກາໄດ້ເຈລະຈາກັນເປັນເວລາປະມານ 1 ຊົ່ວໂມງ. ບົນພື້ນຖານດັ່ງກ່າວ,ຫົວໜ້າຄະນະຜູ້ແທນຂອງສ.ເກົາຫຼີກັບອາເມລິກາ,ສ.ເກົາຫຼີກັບສປປເກົາຫຼີ,ຈີນກັບອາເມລິກາແລະຈີນກັບຍີ່ປຸ່ນແຍກອອກຈັດການພົບປະກັນ,ເພື່ອເຊັນເອກະສານຮ່ວມ. ທ່ານຊຸງມິນຊຸນ ຫົວໜ້າຄະນະຜູ້ແທນສ.ເກົາຫຼີເຜີຍໃຫ້ຮູ້ວ່າ,ສປປເກົາຫຼີກັບອາເມລິກາໄດ້ຫາລືບັນຫາລະອຽດເຊັ່ນນຳໃຊ້ພະລັງງານນິວເຄຼຍເຂົ້າໃນທາງສັນຕິພາບແລະຂອບເຂດປະລະນິວເຄຼຍເປັນຕົ້ນ,ແຕ່ຄວາມເຫັນຂັດກັນລະຫວ່າງສອງຝ່າຍບໍ່ໄດ້ຫຼຸດໜ້ອຍລົງ.
ຕອນເຊົ້າວັນທີ 5 ສິງຫາ ທ່ານຮິວ ຫົວໜ້າຄະນະຜູ້ແທນອາເມລິກາເວົ້າວ່າ,ໃນບັນຫາປະລະນິວເຄຼຍ,ອາເມລິກາກັບສປປເກົາຫຼີຍັງມີຄວາມເຫັນຂັດກັນ,ອາເມລິກາຍຶດໝັ້ນບໍ່ໃຫ້ສປປເກົາຫຼີມີສິ່ງກໍ່ສ້າງນິວເຄຼຍໃຊ້ທາງພົນລະເຮືອນ. ແຕ່ໃນວັນທີ 4 ສິງຫາ ທ່ານກິມເກກວນ ຫົວໜ້າຄະນະຜູ້ແທນສປປເກົາຫຼີກ່າວວ່າ,ການໃຊ້ພະລັງງານນິວເຄຼຍເຂົ້າໃນທາງສັນຕິພາບແມ່ນສິດທີ່ຄວນມີຂອງສປປເກົາຫຼີ.
|
