|
|
 |
| (GMT+08:00)
2005-08-09 17:44:48
|
 |
|
ຈີນຈະສະແດງໃຫ້ເຫັນປະຫວັດສາດທີ່ທະຫານຍີ່ປຸ່ນຮຸກຮານປະເທດຈີນແລະດຳເນີນການສັງຫານໂຫດທີ່ນານກິ່ງໂດຍຜ່ານການວາງສະແດງເລຶ່ອງຈິງປະຫວັດສາດຈຳນວນຫຼວງຫຼາຍ
cri
ຕາມຂ່າວcri:ໃນໂອກາດວັນລະລຶກສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນໄດ້ຮັບໄຊຊະນະຄົບຮອບ60ປີໃກ້ຈະມາເຖິງນັ້ນ ວັນທີ10 ສິງຫາ ງານວາງສະແດງເລື່ອງຈິງປະຫວັດສາດກ່ຽວກັບທະຫານຍີ່ປຸ່ນດຳເນີນການສັງຫານໂຫດຢູ່ທີ່ນະຄອນນານກິ່ງຊຶ່ງເອົາເລື່ອງຈິງປະຫວັດສາດຈຳນວນຫຼວງຫຼາຍເປັນຫຼັກນັ້ນຈະຈັດຂຶ້ນຢູ່ຫໍພິພິທະພັນແຫ່ງຊາດຈີນຢູ່ນະຄອນຫຼວງປັກກິ່ງຢ່າງເປັນທາງການ
ວັນທີ13 ທັນວາ ປີ1937 ທະຫານຍີ່ປຸ່ນຜູ່ຮຸກຮານຈີນໄດ້ຍຶດເອົານະຄອນນານກິ່ງທີ່ເປັນນະຄອນຫຼວງຂອງຈີນໃນເວລານັ້ນ ແລ້ວດຳເນີນການສັງຫານໂຫດຕໍ່ສາມັນຊົນແລະທະຫານທີ່ໄດ້ວາງອາວຸດພາຍໃນນະຄອນນານກິ່ງ ມີຄົນຈີນປະມານ3ແສນຄົນປະສົບເຄາະຮ້າຍ.
ຕາມໄດ້ຊາບ ງານວາງສະແດງຄັ້ງນີ້ຈະຖືການຈົດບັນທຶກໄພພິບັດຢ່າງແທ້ຈິງ ປົກປັກຮັກສາສັນຕິພາບຢ່າງເດັດດ່ຽວເປັນວັດຖຸປະສົງ ວາງສະແດງຮູບພາບ ຂໍ້ມູນຂ່າວສານແລະວັດຖຸບູຮານຈຳນວນຫຼວງຫຼາຍກ່ຽວກັບການສັງຫານໂຫດຢູ່ນະຄອນນານກິ່ງ.
ວັນທີ10 ຮົງກົງຈະຈັດງານວາງສະແດງຂະໜາດໃຫຍ່ພາຍໃຕ້ຫົວຂໍ້"ໄຊຊະນະອັນຍິ່ງໃຫຍ່ແຫ່ງພາລະກິດສັນຕິພາບຄວາມເປັນທຳ----ລະລຶກສົງຄາມຕໍ່ຕ້ານຍີ່ປຸ່ນຂອງຈີນແລະສົງຄາມຕ້ານຟັດຊີຂອງໂລກໄດ້ຮັບໄຊຊະນະຄົບຮອບ60ປີ" .
|
|
|
