|
ນາງບຳເລີຟີລິບປິນເກືອບຮ້ອຍຄົນປະທ້ວງຍີ່ປຸ່ນຫຼົບຫຼີກໂທດກຳໃນສົງຄາມໂລກຄັ້ງທີສອງແລະຄັດຄ້ານຍີ່ປຸ່ນເຂົ້າເປັນປະເທດມົນຕີຖາວອນຂອງສະພາຄວາມໝັ້ນຄົງ
cri
ຕາມຂ່າວສານຈີນ, ຕາມຂ່າວສານກີໂອໂດຍີ່ປຸ່ນລາຍງານວ່າ, ວັນທີ10ສິງຫາ, ແມ່ຍິງຟີລິບປິນເກືອບຮ້ອຍຄົນທີ່ຖືກທະຫານຍີ່ປຸ່ນບັງຄັບເປັນນາງບຳເລີໃນສົງຄາມໂລກຄັ້ງທີສອງແລະຜູ້ສະໜັບສະໜູນຂອງພວກເຂົາເຈົ້າເຕົ້າໂຮມກັນຢູ່ໜ້າສະຖານທູດຍີ່ປຸ່ນປະຈຳຟີລິບປິນຈັດການເຄື່ອນໄຫວສະແດງກຳລັງ, ປະທ້ວງລັດຖະບານຍີ່ປຸ່ນຫຼົບຫຼີກໂທດກຳຂອງເຂົາໃນສົງຄາມໂລກຄັ້ງທີສອງ.
ເນື່ອງໃນໂອກາດວັນລະລຶກຍີ່ປຸ່ນຍອມຈຳນົນຕໍ່ກອງທະຫານພັນທະມິດຄົບຮອບ60ປີໃກ້ຈະວຽນມາເຖິງ, ແມ່ຍິງຟີລິບປິນທີ່ມີອາຍຸແຕ່70ຫາ80ກວ່າປີເຫຼົ່ານີ້ໄດ້ກ່າວລື້ມຄວາມຮຽກຮ້ອງຕ້ອງການໃນໄລຍະດົນນານມານີ້ຂອງພວກເຂົາເຈົ້າອີກເທື່ອໜຶ່ງ, ທວງໃຫ້ລັດຖະບານຍີ່ປຸ່ນຕ້ອງຂໍອະໄພໂທດຢ່າງເປັນທາງການ, ແລະໃຫ້ຄ່າຊົດເຊີຍຕໍ່ພວກເຂົາເຈົ້າທີ່ຖືກບັງຄັບເປັນນາງບຳເລີ.
ພ້ອມກັນນັ້ນ, ໂດຍແນໃສ່ຍີ່ປຸ່ນຕັ້ງໜ້າເຄື່ອນໄຫວເພື່ອເຂົ້າຮ່ວມສະພາຄວາມໝັ້ນຄົງອົງການສະຫະປະຊາຊາດນັ້ນ, ນາງບຳເລີຂອງຟີລິບປິນເຫຼົ່ານີ້ກ່າວວ່າ, ຍີ່ປຸ່ນບໍ່ເໝາະສົມມີທີ່ນັ່ງໃນສະພາຄວາມໝັ້ນຄົງອົງການສະຫະປະຊາຊາດ, ສະນັ້ນ, ຈິ່ງຄັດຄ້ານຍີ່ປຸ່ນເຂົ້າຮ່ວມສະພາຄວາມໝັ້ນຄົງ.
|
|
